„Við höfum reynt að skera niður en reynslan hefur verið sú að und­ir­stofn­anir rík­is­ins verja sig með kjafti og klóm. Kerfið ver sig sjálft of notar fjöl­miðla óspart til að mynda samúð með við­kom­andi stofn­un,“ segir Vig­dís Hauks­dótt­ir, for­maður fjár­laga­nefndar Alþingis við Morg­un­blaðið í til­efni af gagn­rýni Sam­taka atvinnu­lífs­ins á mikið vægi skatta í að mæta tekju­tapi rík­is­ins eftir hrun. Vig­dís segir að nán­ast ekk­ert hafi verið hag­rætt í rík­is­rekstri frá haustinu 2008.

Guð­laugur Þór Þórð­ar­son,vara­for­maður fjár­laga­nefnd­ar, tekur undir með Vig­dísi í sam­tali við blaðið og segir hags­muna­öfl sem haldi utan um hags­muni ein­stakra stofn­ana mjög sterk. Þau beiti sér mikið og hafi greiðan aðgang að fjöl­miðl­um. Hann kallar eftir banda­mönnum til að ná niður vaxta­greiðslum rík­is­sjóðs og líf­eyr­is­skuld­bind­ingum og um að for­gangs­raða vegna breyttrar ald­urs­sam­setn­ingar þjóð­ar­inn­ar.

Stein­grímur J. Sig­fús­son, fyrrum fjár­mála­ráð­herra, vísar þeirri gagn­rýni að ekk­ert hafi verið hag­rætt í rík­is­rekstri á bug og segir hana „steypu“.