Nú stendur yfir umfangs­mikil leit að far­þega­þotu mala­síska flug­fé­lags­ins Air Asia sem hvarf af rat­sjá flug­um­ferð­ar­stjórnar í nótt. Um borð í vél­inni voru 155 far­þeg­ar, 138 full­orðn­ir, 16 börn og eitt unga­barn auk sjö manna áhafn­ar. Því er ótt­ast um afdrif 162 ein­stak­linga sem voru í flug­vél­inni. Flestir stærstu frétta­miðlar heims segja frá mál­inu.

Flug­vél­in, með flug­núm­erið QZ8501, tók á loft frá alþjóða­flug­vell­inum Juanda í Sura­baya í Indónesíu, klukkan 05:35 á stað­ar­tíma, áleiðis til Singapúr. Tæpum tveimur klukku­stundum síðar rofn­aði sam­band við flug­vél­ina, sem hafði áður breytt um flug­leið sökum slæmra veð­ur­skil­yrða. Flug­vélin var í 32.000 feta hæð þegar sam­bandið við hana rofn­aði.

Á meðal 162 far­þega vél­ar­innar voru 156 frá Indónesíu, þrír frá Suð­ur­-Kóreu, einn Frakki, einn frá Malasíu og einn frá Singapúr. Flug­stjóri vél­ar­innar var með yfir 6.100 flug­tíma og flug­mað­ur­inn 2.275. Flug­vélin var af gerð­inni A320-200 og fór síð­ast í við­hald 16. nóv­em­ber.

Björg­un­ar- og leitar­að­gerðum er stjórnað af flug­mála­yf­ir­völdum í Indónesíu (CAA). Flug­fé­lagið Air Asia hefur opnað sér­stakt neyð­ar­númer fyrir ætt­ingja og vini þeirra sem voru í flug­vél­inni.

Sky frétta­stofan segir frá helstu þekktu stað­reynd­unum varð­andi flug­ QZ8501.

Ef að líkum lætur er þetta þriðja mann­skæða flug­slysið hjá mala­sískum flug­fé­lögum á árinu. Eins og kunn­ugt er fór­ust tvær far­þega­flug­vélar Mala­ysian Air­lines með stuttu milli á árinu. Sú fyrri, með 239 far­þega inn­an­borðs, hvarf spor­laust á flugi milli Kuala Lumpur og Pek­ing í mars, og sú síð­ari var skotin niður yfir Úkra­ínu þann 17. júlí síð­ast­lið­inn þar sem 298 far­þegar fór­ust.