Þing­menn Sam­fylk­ing­ar, Við­reisnar og Pírata munu í dag leggja fram þings­á­lykt­un­ar­til­lögu þess efnis að á þessu ári fari fram þjóð­ar­at­kvæða­greiðsla um hvort halda skuli áfram aðild­ar­við­ræðum Íslands við Evr­ópu­sam­band­ið.

Í þings­á­lykt­un­ar­til­lög­unni er lagt til að spurn­ingin sem lögð verði fyrir þjóð­ina verði eft­ir­far­andi, með svar­mögu­leik­unum já eða nei: „Vilt þú að Ísland taki upp þráð­inn í við­ræðum við Evr­ópu­sam­bandið með það að mark­miði að gera aðild­ar­samn­ing sem bor­inn yrði undir þjóð­ina til sam­þykktar eða synj­un­ar?“

Fram kemur í grein­ar­gerð til­lög­unnar að þings­á­lykt­un­ar­til­laga af nákvæm­lega sama meiði hafi verið lögð fram á 144. lög­gjaf­ar­þingi af þeim Árna Páli Árna­syni, Katrínu Jak­obs­dótt­ur, Guð­mundi Stein­gríms­syni og Birgittu Jóns­dótt­ur.

Katrín Jak­obs­dótt­ir, þá leið­togi Vinstri grænna í stjórn­ar­and­stöðu en nú for­sæt­is­ráð­herra, mælti fyrir til­lög­unni er hún var borin fram í mars árið 2015.

Ályktun Alþingis frá 2009 sé enn í fullu gildi

Í grein­ar­gerð með til­lög­unni, sem dreift er á Alþingi í dag, er vísað til þess að í júlí árið 2009 hafi Alþingi ályktað að fela rík­is­stjórn­inni að leggja inn umsókn um aðild Íslands að Evr­ópu­sam­band­inu og að loknum við­ræðum við sam­bandið yrði haldin þjóð­ar­at­kvæða­greiðsla um vænt­an­legan aðild­ar­samn­ing.

„Sú þings­á­lyktun er enn í fullu gildi enda hefur hún ekki verið felld úr gildi með annarri ályktun Alþing­is,“ segir í grein­ar­gerð­inni og því er bætt við að til­gangur til­lög­unnar sé að fylgja eftir þeim vilja Alþingi sem end­ur­speglist í þings­á­lykt­un­inni frá árinu 2009.

„Þegar rík­is­stjórn Fram­sókn­ar­flokks­ins og Sjálf­stæð­is­flokks­ins lagði fram til­lögu til þings­á­lykt­unar um að draga aðild­ar­um­sókn Íslands að Evr­ópu­sam­band­inu til baka í febr­úar 2014 vakti það hörð við­brögð almenn­ings. Alls skrif­uðu 53.555 undir áskorun um að efnt yrði til þjóð­ar­at­kvæða­greiðslu um aðild­ar­við­ræð­urn­ar. Þáver­andi rík­is­stjórn brást ekki við kröfu meira en fimmt­ungs kosn­ing­ar­bærra manna,“ segir einnig í grein­ar­gerð­inni.

Fram kemur að það sé „sam­eig­in­leg nið­ur­staða flutn­ings­manna að þetta mál sé af slíkri stærð­argráðu að eðli­legt sé að leita leið­sagnar þjóð­ar­innar um fram­hald þess“ og að auk þeirra „mik­il­vægu rök­semda er lúta að efna­hags­legum stöð­ug­leika og fjöl­mörgu öðru, hníga einnig sterk rök að því að Ísland taki afstöðu til aðildar að Evr­ópu­sam­band­inu vegna nýs veru­leika í varn­ar- og örygg­is­málum og hlut­verks Evr­ópu­sam­bands­ins í þeim efn­um.“

Þau Logi Ein­ars­son, Þor­gerður K. Gunn­ars­dótt­ir, Hall­dóra Mog­en­sen, Helga Vala Helga­dótt­ir, Dag­bjartur Gunnar Lúð­víks­son, Andrés Ingi Jóns­son, Jóhann Páll Jóhanns­son, Guð­brandur Ein­ars­son, Arn­dís Anna Krist­ín­ar­dóttir Gunn­ars­dótt­ir, Kristrún Frosta­dótt­ir, Sig­mar Guð­munds­son, Björn Leví Gunn­ars­son, Þór­unn Svein­bjarn­ar­dótt­ir, Þor­björg Sig­ríður Gunn­laugs­dótt­ir, Eva Sjöfn Helga­dótt­ir, Viktor Stefán Páls­son og Gísli Rafn Ólafs­son eru flutn­ings­menn til­lög­unnar í þing­inu nú, sam­kvæmt drögum að til­lög­unni sem Kjarn­inn hefur undir hönd­um.