Krist­ján Þór Júl­í­us­son heil­brigð­is­ráð­herra var fyrstur til að skrá sig í mið­lægan grunn um líf­færa­gjafa þegar hann opn­aði form­lega í dag sér­stakt vef­svæði sem Emb­ætti land­læknis hefur sett á fót í þessu skyni. Þetta kemur fram í til­kynn­ingu frá heil­brigð­is­ráðu­neyt­inu. „Fólk er hvatt til að taka afstöðu og lýsa vilja sínum í þessum efn­um,“ segir í til­kynn­ingu frá ráðu­neyt­inu.

Fram til þessa hefur fólk sem er reiðu­búið að gefa líf­færi, ef á reyn­ir, þurft að fylla út sér­stakt líf­færa­gjafa­kort og ganga með það á sér. Að öðru leyti hafa upp­lýs­ingar um líf­færa­gjafa hvergi verið skráðar og engar tölu­legar upp­lýs­ingar eru til hér á landi um fjölda þeirra.

Vef­svæðið má nálg­ast gegnum hnapp á vef Emb­ættis land­lækn­is, www.land­la­ekn­ir.is. Þar eru marg­vís­legar upp­lýs­ingar sem tengj­ast líf­færa­gjöf, settar fram á aðgengi­legan hátt sem spurn­ingar og svör. Til að lýsa afstöðu sinni til líf­færa­gjafar þarf fólk að opna sér­stakt svæði á vefnum og auð­kenna sig með Íslykli eða raf­rænu skil­ríki, segir í til­kynn­ingu frá heil­brigð­is­ráðu­neyt­inu.