Eitt vita þeir sem skulda verð­tryggt hús­næð­is­lán: Á tíma­bilum hefur lánið hækk­að, þrátt fyrir að skil­merki­lega hafi verið greitt af því afborg­anir og vexti. En hvað nákvæm­lega er verð­trygg­ing­in?

Hún var til umfjöll­unar í sjötta og síð­asta þætti Ferðar til fjár sem sýndir voru á RÚV og eru nú aðgengi­legir hér. Þeir Breki Karls­son og Helgi Seljan fjöll­uðu þá um vöffin þrjú, það eru verð­bólga, verð­trygg­ing og vext­ir.

Verð­trygg­ing þýðir að fjár­hags­legar skuld­bind­ing­ar, bæði sparifé og láns­fé, halda verð­gildi sínu þrátt fyrir breyt­ingar á verð­lagi. Með öðrum orðum er sá sem leggur inn eða lánar pen­inga að tryggja það að hann fái jafn­gildi fjárs­ins til baka.

Hvers vegna vilja lán­veit­endur þá verð­tryggja lán­in? Það er vegna þess að króna í dag er ekki endi­lega jafn­gild krónu á morg­un, hvað þá krónu eftir 25 ár. Verð­bólgan rýrir verð­gildi krón­unn­ar, minna fæst fyrir hverja krónu en áður, en með því að verð­tryggja lán eða inn­stæðu er það tryggt að upp­hæðin haldi verð­gildi sínu.