Leik­stjór­inn Woody Allen, sem verður átt­ræður í des­em­ber næst­kom­andi, mun leik­stýra fyrstu sjón­varps­þátt­ar­röð­inni á ferli sínum síðar á þessu ári fyrir Amazon TV. Amazon greindi frá þessu í til­kynn­ingu til Nas­daq-­kaup­hall­ar­innar í New York fyrr í dag. Allen mun bæði skrifa og leik­stýra þátt­un­um, sem hafa enn ekki hlotið nafn. Hver þáttur verður hálf­tíma­langur og við­skipta­vinir Amazon TV í Banda­ríkj­un­um, Bret­landi og Þýska­landi munu geta horft á þá.

Í frétta­til­kynn­ingu Amazon er eft­ir­far­andi haft eftir Allen: „Ég veit ekki hvernig ég kom mér í þetta. Ég er ekki með neinar hug­myndir og veit ekk­ert hvar ég á að byrja. Ég giska á að Roy Price [vara­for­seti Amazon Studi­os] eigi eftir að sjá eftir þessu.“

Efn­isveitur vinna til verð­launa

Amazon TV selur streymi­á­skrift til við­skipta­vina sinna. Við­skipta­mód­elið er ekki ósvipað Net­fl­ix, sem Íslend­ingar þekkja vel. Efn­isveit­urnar hafa báðar fram­leitt eigið efni sem sýnt er hjá þeim og gengið fanta­vel. Á Golden Globe hátíð­inni sem fram fór um liðna helgi var þátta­röðin Tran­sparent, sem fram­leidd er af Amazon, meðal ann­ars til tvennra verð­launa og Kevin Spacey fékk ein fyrir hlut­verk sitt í House of Cards, sem Net­flix sýndi og fram­leiddi. House of Cards þátta­röðin hlaut enn­fremur sjö Emmy verð­laun í fyrra.

Amazon er talið hafa eytt um tveimur millj­örðum dala í efni á síð­asta ári á meðan að Net­flix eyddi um þremur millj­örðum dala. Inni­falið í þessum tölum er bæði fram­leiðsla á eigin efni og kaup á rétti til að sýna efni sem fram­leitt er af öðr­um.