Flug­fé­lagið WOW air flutti 104 þús­und far­þega til og frá Íslandi í júlí síð­ast­liðn­um. Það er 43 pró­sent fleiri far­þegar en flugu með félag­inu í júlí 2014. Far­þega­fjöld­inn er nýtt met hjá WOW air, að því er segir í til­kynn­ingu frá fyr­ir­tæk­inu. Fram kemur að sæta­nýt­ingin í júlí var 90 pró­sent. Fram­boð, mælt í sæt­iskíló­metrum, jókst um 65 pró­sent milli júlí 2015 og júlí 2014.

„Það er magnað að í júlí fluttum við fleiri far­þega heldur en allt fyrsta árið okkar 2012. Félagið hefur vaxið gríð­ar­lega og erum við afar þakk­lát fyrir þær frá­bæru mót­tökur sem við höfum fengið frá fyrsta degi“ segir Skúli Mog­en­sen, stofn­andi og for­stjóri WOW air, í til­kynn­ing­unni. Flug­fé­lagið flýgur í dag til 20 áfanga­staða í Evr­ópu og Norð­ur­-Am­er­íku. Félagið er með sex flug­vélar í flota sínum í sum­ar.

Í gær til­kynnti Icelandair Group að far­þegar í milli­landa­flugi félags­ins hafi verið 415 þús­und tals­ins í júlí síð­ast­liðnum. Sá fjöldi var sá mesti í einum mán­uði frá stofnun félags­ins, rétt eins og hjá WOW Air. Sæta­nýt­ing hjá Icelandair í júlí var 88,9 pró­sent.

Fjölgun far­þega í flug­vélum íslensku flug­fé­lag­anna tveggja er í takt við þá miklu fjölgun ferða­manna á þessu ári, sem er yfir tutt­ugu pró­sent. Hag­stofan greindi frá því í dag að gistin­óttum á hót­elum í júní fjölg­aði um 19 pró­sent sam­an­borið við júní 2014. Ekki liggja fyrir tölur um júlí­mán­uð, en ­bú­ast má við að hún sé svipuð eða meiri.

Nýt­ing her­bergja á hót­elum í júní 2015 var með mesta móti, eða 84,1 pró­sent. Hún var mest á Suð­ur­nesjum, eða 90 pró­sent.