Alls er áætlað að þeir sextán virkj­ana­kostir sem eru í nýt­ing­ar­flokki ramma­á­ætl­unar geti gefið af sér alls 1.023 megawött af orku. Mikið hefur verið rætt um að ekki séu til mögu­leikar um að útvega næga orku í fyr­ir­hug­aða stór­iðju á suð­vest­ur­horni lands­ins, sér­stak­lega fyrir upp­bygg­ingu kís­il­málm­verk­smiðju Thorsil í Helgu­vík og sól­ar­kís­il­verk­smiðju Sil­icor Mater­i­als á Grund­ar­tanga. Á því svæði eru hins vegar átta virkj­ana­kostir í jarð­varma sem eiga að gefa af sér 460 megawött af orku. Kís­il­málm­verk­smiðj­unnar þurfa ein­ungis brot af þeirri orku. Frá þessu er greint í Frétta­blað­inu í dag. Til að setja þessar tölu í sam­hengi má rifja upp að Kára­hnjúka­virkj­un, stærsta virkjun lands­ins, gefur af sér 690 megawött af orku.

Þar eru nýleg orð Jóns Gunn­ars­son­ar, for­manns atvinnu­vega­nefndar Alþing­is, um að töf á færslu þriggja virkj­ana­kosta úr bið- í nýt­ing­ar­flokk ramma­á­ætl­unar muni gera það að verkum að Lands­virkjun muni ekki geta útvegað næga orku fyrir upp­bygg­ing­u kís­il­málm­verk­smiðju Thorsil í Helgu­vík og sól­ar­kís­il­verk­smiðju Sil­icor Mater­i­als á Grund­ar­tanga. Hvamms­virkj­un, sem fór í nýt­ing­ar­flokk, full­nægi aðeins orku­þörf ann­ars verk­efn­is­ins. Jón segir vafa­samt að hægt sé að nýta þá kosti sem þegar eru í nýt­ing­ar­flokki í umrædd verk­efni. Engir virkj­ana­kostir séu raun­hæfir á þessum ára­tug nema þeir sem séu í neðri­hluta Þjórsár og Þeista­reyk­ir.

Lands­virkjun strax komin af stað með Hvamms­virkjun

Í Morg­un­blað­inu í dag er rætt við ­Björg­vin Skafti Bjarna­son, odd­viti sveit­ar­stjórnar í Skeiða- og Gnúp­verja­hreppi, sem segir að dag­inn eftir að sam­þykkt var að færa Hvamms­virkjun í nýt­ing­ar­flokk hafi starfs­menn Lands­virkj­unar haft sam­band við sveita­fé­lagið og viljað við­ræð­ur­. Ágúst Sig­urðs­son, sveit­ar­stjóri Rangár­þings ytra, segir full­trúa Lands­virkj­unar einnig hafa haft sam­band, en fram­kvæmdin mun fara fram innan beggja sveit­ar­fé­lag­anna.