Mani Man­it­han hóf heldur óvenju­lega „frið­ar­göngu“ fyrir 25 árum. Mani, sem býr á Ind­landi og er mik­ill frið­ar­sinni, ákvað upp á sitt ein­dæmi fyrir ald­ar­fjórð­ungi að fara allra sinna leiða aft­urá­bak. Með athæf­inu vildi ind­verska aft­ur­gangan leggja lóð sín á vog­ar­skál­arnar í bárátt­unni fyrir heims­friði.

„Að ganga venju­lega er orðið mun meiri áskorun fyrir mig í dag. Hugur minn hefur algjör­lega gleymt hvernig slíkt er gert, en mér finnst mjög gott að ganga svona. Líf mitt hefur verið við­burð­ar­ríkt með sigrum og ósigrum, og ég ætla að halda áfram að ganga aft­urá­bak þar til við náum heims­frið­i,“ segir Mani í sam­tali við erlenda fjöl­miðla.

„Á síð­ustu árum hefur hryðju­verka­starf­semi á alþjóða­vísu bara auk­ist. Það hafa orðið svo margar spreng­ing­ar, og ungt fólk á villi­götum í svo mörgum til­fellum sem ber ábyrgð á voða­verk­un­um. Ég hef gengið aft­urá­bak í 25 ár til að for­dæma slíka verkn­aði, það eina sem ég vil er heims­friður og ég mun aldrei gef­ast upp.“