Tveir óvin­sæl­ustu for­seta­fram­bjóð­endur í sögu Banda­ríkj­anna há harða kosn­inga­bar­áttu vest­an­hafs og nú er bar­áttan á loka­metr­un­um. Kosið verður 8. nóv­em­ber og því tæp­lega tveir mán­uðir til stefnu. Í til­efni af því hefur Kana­varpið göngu sína í Hlað­varpi Kjarn­ans.

Don­ald Trump hefur hlotið auk­inn stuðn­ing á kostnað Hill­ary Clinton í skoð­ana­könn­unum und­an­far­ið, jafn­vel þó Clinton sé ennþá talin lík­legri sig­ur­veg­ari. Hún virð­ist hafa notið mestra vin­sælda um miðjan síð­asta mánuð eftir lands­fund Demókra­ta­flokks­ins, þar sem hún hlaut útnefnin­una sem fram­bjóð­andi flokks­ins, en tapað stuðn­ingi fólks stöðugt síð­an.

Hall­grímur Odds­son og Hjalti Geir Erlends­son sjá um Kana­varpið þar sem fjallað verður um for­seta­kosn­ing­arnar í Banda­ríkj­unum 8. nóv­em­ber og kosn­inga­bar­átt­una fram að þeim. Þú getur fylgst með þeim á Twitter undir nafn­inu @kana­varpid.

Í þætti dags­ins spjalla þeir um fylgiskann­anir vest­an­hafs, tölvu­póst­svand­ræði sem reglu­lega hrella Clinton og fleiri frétta­mál.