Eftir langa, stranga og óvenju ein­kenni­lega kosn­inga­bar­áttu er loks­ins komið að for­seta­kosn­ing­unum í Banda­ríkj­un­um. Kosn­ing­arnar um þetta valda­mesta emb­ætti heims fara fram á morg­un, þriðju­dag­inn 8. nóv­em­ber 2016, og það er ljóst að barist verður um hvern ein­asta kjör­mann. Þótt flest bendi til þess að Hill­ary Clinton verði næsti for­seti þá á Don­ald Trump en raun­veru­lega mögu­leika. Hann hefur haldið að sér höndum og verið óvenjur­ó­legur síð­ustu tvær vikur á meðan Clinton hefur þurft að berj­ast við áfram­hald­andi ásak­anir um van­rækslu í starfi, sam­hliða þess að dregið hefur saman á milli fram­bjóð­end­anna í könn­un­um.

Kana­varp vik­unnar er sér­sniðið að þörfum þeirra sem hyggj­ast fylgj­ast með kosn­ing­unum á einn eða annan hátt. Þeir Hall­grímur Odds­son og Hjalti Geir Erlends­son fara yfir kosn­inga­kerfið í Banda­ríkj­unum og kafa ofan í helstu bar­áttu­ríkin sem munu ráða úrslit­um. Hverjir eru þessir kjör­menn? Hvað ein­kennir gegn­heil Demókrata­fylki ann­ars vegar og Repúblikana­fylki hins veg­ar? Hvar er bar­áttan tví­sýn, hvers vegna og hvað skilur á milli aðeins örfáum dögum fyrir kosn­ing­ar?

Í lok þátt­ar­ins verður farið allt það helsta sem sófa­spek­úlantar þurfa að vita. Farið verður yfir tímara­mmann, hvenær megi eiga von á fyrstu tölum og hvaða ríki og tölur skipta raun­veru­legu máli fyrir úrslit­in. Þessi þáttur er til­val­inn upp­hitun fyrir þá sem ætla að horfa á kosn­inga­sjón­varpið aðfar­arnótt mið­viku­dags.

Kana­varpið bendir einnig áhuga­sömum á með­fylgj­andi töflu sem gott er að hafa við hönd­ina og sýnir stöð­una í öllum ríkjum Banda­ríkj­anna.