Síð­asta vika var erfið fyrir Hill­ary Clint­on. Hún féll í yfir­lið á minn­ing­ar­at­höfn um hryðju­verkin í New York 11. sept­em­ber og síðar kom í ljós að hún glímir við lungna­bólgu. Til að kór­óna þetta greindu fjöl­miðlar frá ræðu þar sem Hill­ary sést kalla kjós­endur Trump ófor­skammaðað og þröng­sýnt lið. Þótt ef til vill hafi hún eitt­hvað til síns mála, þá sóttu Don­ald Trump og stuðn­ings­menn hart að Hill­ary og sögðu hana óhæfa til að verða for­seti Banda­ríkj­anna. 

Þessir atburðir komu sér vel fyrir Trump sem sækir á í könn­un­um—þótt Hill­ary Clinton þyki enn sig­ur­strang­legri.

Í öðrum þætti Kana­varps­ins fjalla þeir Hall­grímur Odds­son og Hjalti Geir Erlends­son meðal ann­ars um þrauta­göngu Hill­ary Clint­on, lík­am­legt atgerfi Trump og Clint­on—­sem eru bæði um sjö­tug­t—og helstu atburði síð­ustu viku í kosn­inga­bar­átt­unni vest­an­hafs. Einnig fjalla þeir um kosn­inga­kerfið í Banda­ríkj­un­um. Auk þess sem þeir beina sjónum að fjár­fest­ingum Don­alds Trump og reyna að svara því hverd vegna hann er rík­ur.