Atburða­rás und­an­far­inna daga hefur verið með ólík­indum og má segja að slag­ur­inn um Hvíta húsið hafi sjaldan verið jafn óvæg­inn. Was­hington Post birti upp­tökur frá 2005 þar sem Don­ald Trump heyr­ist stæra sig af því að geta mis­notað konur í skjóli þess að vera frægur og ríkur og í kjöl­farið hafa hátt settir Repúblikanar einn af öðrum afneitað Trump. En staðan er einnig við­kvæm fyrir Hill­ary Clinton sem reynir hvað hún getur að forð­ast umræður um ófagrar ásak­anir á hendur Bill Clint­on.  

Í fimmta þætti Kana­varps­ins ræða þeir Hall­grímur Odds­son og Hjalti Geir Erlends­son meðal ann­ars ummæli Trump, erf­iða stöðu hans og tölvu­árásir á Hill­ary Clint­on. Einnig fara þeir yfir hlut­verk vara­for­seta Banda­ríkj­anna með áherslu á vara­for­seta­efnin Tim Kaine og Mike Pence. 

Í síð­ari hluta þátt­ar­ins er sjónum beint að því sem stundum er kallað Trump­ism eða Trump­ismi, og fyr­ir­bærið skoðað út frá afstöðu Trump til frí­versl­un­ar­samn­inga og milli­ríkja­við­skipta. Don­ald Trump hefur keyrt kosn­inga­bar­áttu sína meðal ann­ars á afdrífa­lausri and­stöðu við frí­versl­un­ar­samn­inga á borð við Frí­versl­un­ar­samn­ing Kyrra­hafs­ríkja (TPP), Frí­versl­un­ar­samn­ing Norð­ur­-Am­er­íku (NAFTA) og fyr­ir­hug­aðan frí­versl­un­ar­samn­ing við Evr­ópu­sam­bandið (TTIP). Hill­ary þykir hins vegar jákvæð­ari í garð frí­versl­un­ar­samn­inga þótt hún hafi vissu­lega viðrar efa­semd­ir, sér­stak­lega varð­andi TPP.