Í þætti vikunnar er meðal annars fjallað um fjöldauppsagnir sem áttu sér stað í bankakerfinu, aðalmeðferð í máli Atla Rafns Sigurðarsonar leikara gegn Kristínu Eysteinsdóttur borgarleikhússtjóra og Leikfélagi Reykjavíkur, samkomulag um einhverjar umfangsmestu samgönguframkvæmdir Íslandssögunnar og hvernig kostnaður vegna aksturs þingmanna hefur dregist umtalsvert saman á liðnu ári.
Birna Stefánsdóttir stjórnar þættinum og með henni eru Þórður Snær Júlíusson, ritstjóri Kjarnans og Bára Huld Beck, blaðamaður.
