Odd­vitar þeirra ell­efu fram­boðs­lista sem verða á kjör­seðl­inum í borg­ar­stjórn­ar­kosn­ingum í Reykja­vík þann 14. maí næskt­om­andi sitja fyrir svörum og skýra út stefnu­málin í nýjum þætti í hlað­varpi Kjarn­ans.

Með orðum odd­vit­anna eru við­tals­þættir þar sem efsti fram­bjóð­andi hvers lista er tek­inn tali.

Í fyrsta þætt­inum er rætt við Líf Magneu­dótt­ur, odd­vita Vinstri grænna í Reykja­vík. Í þætt­inum talar hún um stefnu­mál Vinstri grænna en flokk­ur­inn hefur meðal ann­ars sagst ætla að standa fyrir upp­bygg­ingu hús­næð­is.

„Það er það sem við í Vinstri grænum erum að setja á borðið að Reykja­vík­­­ur­­borg byggi sjálf. Það er ekki þannig að við séum að fara að stofna eitt­hvað bygg­inga­­fé­lag, alls ekki. Við erum hins vegar að fara að stíga inn á mark­að­inn, taka þær lóðir sem við sann­­ar­­lega eigum og byggja á þeim þannig að allir Reyk­vík­­ingar geti kom­ist í öruggt hús­næð­i,“ segir Líf meðal ann­ars í fyrsta þætt­in­um.

Þætt­irnir verða birtir næstu daga á Kjarn­anum og verða aðgengi­legir í helstu hlað­varpsveit­um.