Gunnar H. Gunn­ars­son odd­viti fram­boðs­ins Reykja­vík - Besta borgin situr fyrir svörum í öðrum þætti af Með orðum odd­vit­anna, hlað­varps­þáttum Kjarn­ans í aðdrag­anda kosn­inga.

Odd­vitar þeirra ell­efu fram­boðs­lista sem verða á kjör­seðl­inum í borg­ar­stjórn­ar­kosn­ingum í Reykja­vík 14. maí skýra út stefnu­málin í hlað­varpi Kjarn­ans en í hverjum þætti er efsti fram­bjóð­andi á einum lista tek­inn tali.

Helsta bar­áttu­mál Reykja­vík - Besta borgin er að fá byggð í Vatns­mýr­ina, það sé stærsta umhverf­is­mál Reyk­vík­inga. Gunnar segir að á meðan flug­völl­ur­inn sé enn á borg­ar­landi í Vatns­mýr­inni eigi borgin að rukka ríkið um leigu vegna flug­vall­ar­ins. Telur hann að leigu­verð gæti numið allt að sjö millj­órðum króna á ári og þeir pen­ingar geti nýst borg­inni til að bæta þjón­ustu við borg­ar­búa.

„Það hefur eng­inn boðið Reyk­vík­ingum svona góðan díl,“ segir Gunnar meðal ann­ars í við­tal­inu en hann segir Reykja­vík - Bestu borg­ina eina fram­boðið sem sé til­búið með áætlun um hvernig skuli fjár­magna bætta þjón­ustu og lækkun gjalda á borg­ar­búa.