Í þessum fjórða þætti Rófs­ins skoða Nína og Stefán bók­staf­inn C, sem fær að vera með í Róf­inu þrátt fyrir að til­heyra ekki íslenska staf­róf­inu. Nína fræðir hlust­endur um tón­list­ar­mann­inn C418, sem er mað­ur­inn á bak við tón­list­ina í Minecraft-­tölvu­leiknum vin­sæla, og Stefán kynnir okkur fyrir leyndum töfrum Cheer­ios-hringj­anna.

Stefán Páls­son og Nína Richter taka fyrir óvenju­leg mál­efni í óvenju­legum þætti sem er að vissu leyti óður til sjón­varps­þátt­anna bresku QI, sem Stephen Fry gerði fræga. Hver þáttur hefur sinn bók­staf, sem er upp­hafs­stafur þeirra mál­efna sem rædd eru í þætt­in­um. Hvor þátt­ar­stjórn­and­inn velur sér eitt mál­efni til að fjalla um en síðan tengj­ast mál­efnin einnig á óvæntan hátt. Þátt­ur­inn er í senn fróð­legur og fárán­leg­ur, og geta hlut­föllin þar á milli sveifl­ast til.

Nína og Stefán eru bæði á Twitt­er. Nína er @kisum­amma og Stefán er @stebbip. Þátt­ur­inn hefur einni fengið sinn eigin reikn­ing: @sta­frofid. Ef fólk vill hafa sam­band, kvart yfir þátta­stjórn­endum eða koma með ábend­ingar um sniðug umfjöll­un­ar­efni þá er Face­book-­síða þátt­ar­ins hér á face­book.com/rofid­hla­dvarp.