Í þætti vik­unnar er sjónum beint til Hamburg í Þýska­landi. Þar í borg eru tvö fræg knatt­spyrnu­lið; klúb­b­arnir St. Pauli og HSV. Liðin hafa sjaldan verið í sömu deild en þrátt fyrir það er mik­ill rígur milli þeirra.

St. Pauli hefur höf­uð­stöðvar sínar í rauða hverf­inu í Hamburg þar sem Bítl­arnir gerðu garð­inn frægan á sínum tíma. Klúbb­ur­inn er afar ólíkur öllu sem tíðkast í dag. Hann á sér mikla sögu þrátt fyrir að hafa ekki afrekað stóra hluti innan vall­ar. Hann er einnig frægur fyrir sína pönk­ara stuðn­ings­menn sem halda fast í gömul gildi klúbbs­ins og forð­ast að drag­ast í mark­aðs­setn­ingu nútíma knatt­spyrnu.

HSV er hins vegar mun sig­ur­sælla og eina liðið í Þýska­landi sem hefur leikið öll tíma­bilin í Bundeslig­unni frá stofnun deild­ar­inn­ar. Liðið er gríð­ar­lega stórt og eitt það stærsta í Þýska­landi. Það vann fræk­inn sigur í Evr­ópu­kepn­inni árið 1983 gegn sterku liði Juvent­us. Und­an­farin ár hefur liðið verið í miklu basli en samt alltaf náð að bjarga sér frá falli.

Útlitið er svart fyrir bæði liðin en þau hafa unnið einn leik sam­tals á tíma­bil­inu og neðst í sínum deild­um. HSV skipti um stjóra í síð­asta mán­uði og spurn­ingin er hvort að þeir nái að bjarga sér enn og aftur frá falli eða hvort að þeir fari niður í fyrsta sinn og mæti mögu­lega grönnum sínum í St.Pauli á næsta tíma­bili.