Í þessum þætti af Sparkvarp­inu töl­uðu þeir Árni, Þór­hallur og Þor­geir um ein­okun stórra liða í Evr­ópu. Um síð­ustu helgi vann Bayern Munchen sinn sjötta meist­ara­titil í röð og svip­aða sögu er að segja frá Ítalíu þar sem að Juventus er í kjör­stöðu að landa bik­arnum í sjö­unda sinn. Í Frakk­landi er PSG að labba í gegnum frönsku deild­ina frekar auð­veld­lega en þrátt fyrir að hafa misst af titl­inum í fyrra til Monaco hafa þeir átt nokkuð góða áskrift af Ligue 1 titl­inum síð­ustu ár. Ein­ok­unin hefur einnig átt sér stað í minni deildum Evr­ópu þar sem að Olymp­i­akos, Basel og Ros­en­borg hafa haft gríð­ar­lega yfir­burði í sínum deildum síð­ustu tvo ára­tugi. Stuðn­ings­menn og stjórn­endur þess­ara deilda hafa mis­miklar áhyggjur yfir þessum yfir­burðum stóru lið­anna en Bundesligan hefur verið opnað umræð­una um breyt­ingu á deild­ar­fyr­ir­komu­lagi, eitt­hvað sem að þeir hafa verið ansi tregir við síð­ustu ár. Spurn­ingin er hvort að það skuli taka mark á slíkri umræðu eður ei.  

Strák­arnir ræddu hvað áhrif ein­okun getur haft á almennt við­horf fólks til þess­ara deilda og einnig hvort að hún geti mögu­lega verið góð á ein­hvern hátt. Einnig spek­úler­uðu þeir hvaða lið væri lík­leg­ast til að ná að við­halda þessu bili og halda áfram að ein­oka sína heima­deild. Þá horfðu þeir til vest­urs og töl­uðu um hvort að fyr­ir­komu­lag deild­anna vest­an­hafs myndi gera deild­unum í Evr­ópu ein­hvern greiða.

Face­book síðu Sparkvarps­ins er hægt að nálg­ast hér og twitter síðu þeirra hér.