Nýr Sam­sung Galaxy S8 var kynntur á dög­unum og Tækni­varpið er búið að kynna sér upp­færsl­una á þessu flagg­skipi kóreska raf­tækj­aris­ans. Sím­inn skartar nýstár­legri snjall­tækja­hönn­un, þar sem enni sím­ans og haka eru orðin örþunn, þannig að nær öll fram­hlið sím­ans er skjár­inn.

Tækni­varpið gagn­rýnir nýja tækið fyrir ýmsa hluti, miðað við hvernig hann var kynnt­ur. Sím­inn hefur til dæmis ekki fengið neina upp­færslu á mynda­vél­ina og raf­hlaðan er jafn stór. Þá fer „Ed­ge“ skjár­inn í taug­arnar á Tækni­varps­mönn­um.

Auk þess að ræða Sam­sung Galaxy S8 spjalla þeir Gunn­laugur Reynir Sverr­is­son, Sverrir Björg­vins­son, Atli Stefán Yngva­son og Andri Valur Ívars­son um verð­hækk­anir síma­fyr­ir­tækja, LG G6-sím­ann og reiki­gjöld erlend­is.

Reiki­gjöld far­síma­fyr­ir­tækja munu leggj­ast af í sumar innan Evr­ópska efna­hags­svæð­is­ins. Það þýð­ir, í ein­faldri mynd, að ekki verður lengur rukkað fyrir teng­ingu sím­ans við far­síma­netið á meðan sím­inn er ekki notk­un.