Face­book hefur að und­an­förnu gert breyt­ingar á og bætt nýj­ungum við spjall­for­rit sitt Messen­ger sem hefur orðið til þess að tæknirýnar velta fyrir sér hvert mark­mið Face­book-­sam­stæð­unnar sé með þetta smá­forrit.

Messen­ger er ekki aðeins snjall­tækja­for­rit heldur er spjall­glugg­inn á Face­book-vefnum orð­inn að sér fyr­ir­bæri sem Face­book virð­ist vera að reyna að gefa sjálf­stætt líf. Spjall­for­ritið var fyrst skilið frá Face­book-app­inu árið 2014. Það varð til þess að margir létu í sér heyra á net­inu og gáfu nýja Messen­ger-app­inu ömur­lega ein­kunn í App­Store. Á sama tíma varð Messen­ger vin­sælasta appið í App­Store.

Og nú, um þremur árum eftir að Messen­ger var gefið eigið líf, er appið nærri toppnum í App­Store. Þegar þetta er skrifað er Messen­ger í 18. sæti, langt fyrir ofan Face­book-appið sjálft.

Mark­mið Face­book er að gera Messen­ger for­ritið ómissandi fyrir not­endur sína. Sam­skipti á milli fyr­ir­tækja og við­skipta­vina, spilun leikja, aug­lýs­ingar og margt fleira. Gunn­laugur Reynir Sverr­is­son, Andri Valur Ívars­son og Sverrir Björg­vins­son ræða þetta ásamt fleiru í hund­rað­asta þætti Tækni­varps­ins.