Það þykir ekki lengur flott að segja "lol" þegar þú þarft staf­rænt að hlæja. Mun meira móð­ins er að segja "haha" eða nota til­finn­inga­tákn, svokölluð emoji, til að skella uppúr í netheim­um. Þetta kemur fram í nýrri skýrslu sem sam­skipta­miðl­aris­inn Face­book birti í síð­ustu viku. Í  skýrsl­unn­i ­greindu sér­fræð­ingar Face­book hvaða leiðir not­endur mið­ils­ins nota til að tákna hlát­ur. Rann­sókn­in, sem náði yfir banda­ríska not­endur síð­unn­ar, var fram­kvæmd í síð­ustu viku maí síð­ast­lið­ins. Í henni skoð­uðu sér­fræð­ing­arnir notkun á stytt­ingum eða táknum fyrir staf­rænan hlátur í stöðu­upp­færslum og ummælum við þær. Rann­sóknin náði ekki yfir sam­skipti fólks í einka­skila­boðum eða -sam­ræð­um.

Helstu nið­ur­stöður skýrsl­unnar eru þær að þeir sem nota "lol" (stytt­ing á laugh out loud) er eldri en þeir not­endur sem nota "haha" eða "hehe" þegar þeir hlæja stra­f­rænt. Flestir nota "haha" til að koma því á fram­færi að þeim hafi þótt eitt­hvað fyndið eða hlægi­legt. Um helm­ingur allra staf­rænna hlátra­skalla voru táknuð með þeim hætti. Emoj­i-­tákn voru notuð í þriðj­ungi til­vika  en ein­ungis 1,9 pró­sent not­enda eru ennþá að "lol-a". "Lol-ið" virð­ist því vera að fara sömu leið og áður vin­sælir sam­skiptafrasar á net­inu á borð við "rot­fl" (roll­ing on the floor laug­hing) og "Imao" (laug­hing my ass off), á ösku­hauga úr sér geng­inna tísku­fyr­ir­brigða.

Nið­ur­staða rann­sókn­ar­innar sýnir einnig að það er munur á því hvernig kynin hlæja á Face­book. Konur er til að mynda mun lík­legri til að nota til­finn­inga­tákn til að lýsa hlátri sínum en karlar nota mun frekar "haha" eða "hehe". Hið nú hall­æris­lega "lol" er aðeins vin­sælla hjá konum en körl­um.

Wall Street Journal fjall­aði um rann­sókn­ina á síðu sinni í gær. Þar var rætt við mál­vís­inda­mann­inn Tyler Schnoebelen, sem sagði að það hafi komið sér á óvart hversu fáir séu enn að "lolla". Hann gagn­rýndi rann­sókn­ina fyrir að ná ekki yfir eina teg­und skrif­aðs hlát­urs sem njóti sívax­andi vin­sælda á sam­fé­lags­miðl­um, líka hjá ensku­mæl­andi not­end­um. Það er "ja­ja" eða "jeje", sem spænsku­mæl­andi fólk notar í stað "haha" eða "hehe".