Síð­ast­lið­inn laug­ar­dag var hald­inn stofn­fundur Pírata á Vest­fjörð­um. Her­bert Snorra­son er for­maður félags­ins, Ásmundur Gunnar Ásmunds­son gjald­keri og Hall­dóra Sig­rún Ásgeirs­dóttir rit­ari, að því er fram kemur á hinum ágæta vef bb.is.

Á þessum fyrsta fundi var sam­þykkt til­laga um að auka dreifi­stýr­ingu en í því felst meðal ann­ars, að stofn­aðar skuli hér­aðs­stjórnir sem hafi sjálf­stætt fjár­veit­ing­ar­vald og taki yfir ýmis verk­efni sem sveit­ar­fé­lög ann­ist nú. Þá verði heim­ilt að aft­ur­kalla sam­ein­ingar sveit­ar­fé­laga. Ef ekki verði hafin vinna í sam­ræmi við þetta, fyrir árs­lok 2017, eða um hálfu ári eftir kosn­ing­ar, þá „skuli Vest­firðir segja sig úr lögum við lýð­veldið Ísland“ eins og orð­rétt segir í frétt bb.is um það sem fram fór á fund­in­um.

Óhætt er að segja að Pírat­ar, sem eru með um 35 pró­sent fylgi á lands­vísu í skoð­ana­könn­unum þessa dag­ana, hafi með þessu stimplað sig ræki­lega inn á hið póli­tíska svið á Vest­fjörð­um, því þetta verða að telj­ast frekar rót­tæk stefnu­mál. Svo á eftir að koma í ljós hvernig kjós­endur munu taka þessum hug­mynd­um.