Donald Trump.
Donald Trump.
Auglýsing
Don­ald Trump, sem sæk­ist eftir því að fá útnefn­ingu Repúblik­ana sem for­seta­fram­bjóð­andi flokks­ins í Banda­ríkj­un­um, hefur átt góðu gengi að fagna í skoð­ana­könn­unum und­an­farna mán­uði. Hann hefur oft mælst með mesta fylgi allra fram­bjóð­enda, en þó verður að nefna það, að skoð­ana­kann­anir eru æði mis­jafnar og ýmis­legt má lesa út úr þeim. Meðal ann­ars að Repúblikanar virð­ast ekki treysta Trump sér­stak­lega vel.

Mál­flutn­ingur hans hefur oft verið á tæp­asta vaði, og í mörgum til­vikum hefur hann sett fram sjón­ar­mið - algjör­lega án rök­stuðn­ings - sem erfitt er að skýra öðru­vísi en sem hreina for­dóma.

Í gær steig hann yfir lín­una í þessum efn­um, og kom út úr skápnum sem for­dóma­fullur ein­feldn­ing­ur, þegar hann lagði til að öllum múslimum yrði bannað að koma til Banda­ríkj­anna. Þetta sagði hann vegna árásanna í San Bern­ar­dino í Kali­fornínu, þar sem fjórtán lét­ust og sautján særðust, í skotárás.

Ummælin standa eftir svo til alveg órök­studd, nema hvað hann lét fylgja með að það væru of margir múslimar sem vildu skaða Banda­rík­in. Á meðan svo væri þyrfti að koma í veg fyrir að þeir kæmu til Banda­ríkj­anna, allir með tölu, og þetta ætti líka að gilda um ferða­menn.

Fyrir utan hversu glóru­laus ummælin eru og ekki svara­verð, ekki síst út frá per­sónu­frels­is­sjón­ar­miðum og almennu sið­ferði, þá gæti verið hollt fyrir Trump að gefa sér góðan tíma til þess að kynna sér upp­lýs­ingar um skotárásir í Banda­ríkj­un­um, og velta fyrir sér hvort múslímar séu það sem helst skelfir almenn­ing í Banda­ríkj­un­um.

Á þessu ári er talið að fleiri muni deyja vegna skotárása í Banda­ríkj­unum heldur en vegna bílslysa, en slíkt þekk­ist hvergi í þró­uðu ríki. Talan nálg­ast óðfluga 35 þús­und manns­líf, miklu meira en sem nemur heild­ar­fjölda manns­lífa sem deyr á heims­vísu vegna hryðju­verka. Á hverja hund­rað þús­und íbúa deyja að með­al­tali 3,7 vegna skotárása ár hvert í Banda­ríkj­un­um, en með­al­talið í flestum öðrum þró­uðum ríkjum heims­ins nær ekki 0,4 og er algengt að það sé tölu­vert undir 0,2.

Auglýsing

Múslimar eru ekki þeir sem standa fyrir þessum árásum, nema þá í örsmáu hlut­falli af heild­inni. Trump hefur ekki séð neina ástæðu til þess að fjalla um það sér­stak­lega, en hann fellur beint í gildru hryðju­verka­manna sem vilja ala á ótt­anum meðal almenn­ings. Við­brögð hans við skotárásum, þar sem kristnir Banda­ríkja­menn hafa verið að skjóta sam­borg­ara sína, hafa til þessa verið þau að lík­lega hefði farið öðru­vísi ef fórn­ar­lömbin hefðu verið vopn­uð. Svipað mátt sjá haft eftir hon­um, eftir árás­irnar skelfi­legu í Par­ís.

Því miður hefur ótt­inn, í víð­asta skiln­ingi, oft verið áhrifa­mik­ill í banda­rískum stjórn­mál­um, eins og fylgið við Trump sýnir glögg­lega. En ósk­andi er að kjós­endur muni gera meiri kröfur til hans um rök­stuðn­ing og mál­efna­legan mál­flutn­ing, heldur en hafa birst í könn­unum til þessa. Eng­inn ætti að kom­ast upp með for­dóma­fullan boð­skap, eins og Trump hefur gerst sekur um að und­an­förnu, og von­andi mun hann ekki gera það þegar upp verður stað­ið.

Þjálfa þarf peningahund til að berjast gegn peningaþvætti
Embætti tollstjóra skortir bæði þekkingu og úrræði til að geta almennilega haft eftirlit með smygli á reiðufé til Íslands. Á meðal þeirra úrræða sem lagt er til að ráðist verði í er að þjálfa peningahund.
Kjarninn 21. september 2019
Klikkið
Klikkið
Klikkið - Að iðka mannréttindi
Kjarninn 21. september 2019
Athuga hvar eftirlitsaðilar gera ónauðsynlegar kröfur til matvæla
Umhverfisráðherra hefur hrundið af stað aðgerðum til að vinna gegn matarsóun á Íslandi. Meðal annars verður gerð athugun á því hvar eftirlitsaðilar gera mögulega ónauðsynlegur kröfur til matvælaöryggis sem ýtt gætu undir matarsóun.
Kjarninn 21. september 2019
Brim-flétta KS fagnaðarefni fyrir Skagfirðinga
Eftir að hafa keypt hlutabréf í Brimi, og selt nokkrum vikum síðar, hefur Kaupfélag Skagfirðinga styrkt stöðu sína.
Kjarninn 21. september 2019
„Ljótur leikur hjá stjórnvöldum“
Formaður Viðreisnar gagnrýnir stjórnvöld harðlega fyrir viðbrögð við beiðni um skaðabætur.
Kjarninn 20. september 2019
Margrét Tryggvadóttir
Á sporbaug sem aldrei snertir jörðu
Leslistinn 20. september 2019
Icelandair gerir bráðabirgðasamning við Boeing um bætur
Kyrrsetningin á 737 Max vélunum frá Boeing hefur verið þung í skauti fyrir Icelandair.
Kjarninn 20. september 2019
Sigurður Ingi Jóhannsson, samgöngu- og sveitastjórnarráðherra.
Telur lágbrú fýsilegri kost fyrir nýja Sundabraut
Tveir val­kost­ir eru einkum tald­ir koma til greina vegna lagn­ing­ar Sunda­braut­ar, ann­ars veg­ar jarðgöng í Gufu­nes og hins veg­ar lág­brú yfir Klepps­vík. Samgöngu- og sveitastjórnarráðherra seg­ir að sér hugn­ist frek­ar lág­brú yfir Klepps­vík.
Kjarninn 20. september 2019
Meira úr sama flokkiPæling dagsins
None