Ummæli Jóns Við­ars Jón­munds­sonar í grein sem birt hefur verið í vefrit­inu Kjarn­anum í garð Bænda­blaðs­ins og sviðs­stjóra útgáfu- og kynn­ing­ar­sviðs eru í hæsta máta ómak­leg. Jón hefur í nokkrum blöðum birt merkan greina­flokk undir fyr­ir­sögn­inni "Úr­val­stil­raunir með búfé og til­rauna­dýr". 

Þetta eru langar greinar og í þriðja tölu­blaði 11. febr­úar kom fjórða greinin í þessum flokki sem var upp á 3.231 orð. Þessi grein fór á rúm­lega eina og hálfa síðu. Í fram­haldi af því að Jón stað­festi að þessi grein væri vænt­an­leg sagði hann að lík­legt væri að hann myndi óska eftir að fá að birta aðra grein. Þá var honum strax tjáð að ólík­legt væri að pláss yrði í sama blað­inu fyrir tvær greinar frá hon­um. Var þá ekk­ert vitað um end­an­legt inni­hald þeirrar grein­ar, enda var hann ekki búinn að skrifa hana.

Þegar blaðið var langt komið í vinnslu á mánu­deg­inum 8. febr­úar sagð­ist Jón hafa sent blað­inu nýja grein sem hann seg­ist nú hafa skrifað laug­ar­dag­inn 6. febr­úar og óskaði eftir birt­ingu á. Var hann þá strax minntur á fyrri orða­skipti um að ekki yrði pláss fyrir tvær greinar frá honum í blað­inu þá vik­una. Þegar greinin var svo opnuð kom í ljós að hún var upp á 2.166 orð sem myndi fylla heila síðu. Fyrir slíkt var ein­fald­lega ekki pláss.

Þegar þetta lá fyrir hót­aði Jón að fara með grein­ina í aðra prent­miðla ásamt ásamt full­yrð­ingu um að Bænda­blaðið neit­aði að birta greina vegna inni­halds henn­ar. Honum var þá tjáð að hann réði því hvað hann gerði við grein­ina, en hann vissi það mæta­vel sjálfur að þessi full­yrð­ing væri alröng.

Þegar hér var komið sögu hafði Tjörvi Bjarna­son, yfir­maður útgáfu- og kynn­ing­ar­sviðs, sem Jón nefnir sér­stak­lega í pistli sínum í Kjarn­an­um, enga vit­neskju haft af þessum sam­skiptum rit­stjóra Bænda­blaðs­ins og Jóns, né nokkur úr for­ystu­sveit Bænda­sam­taka Íslands. Var Tjörvi, sem yfir­maður sviðs­ins, svo upp­lýstur um málið í fram­haldi af þessum orða­skiptum við Jón. 

Í blað­inu 11. febr­úar var birt önnur grein eftir bónda á Suð­ur­landi sem búið var að lofa birt­ingu á löngu áður, án þess að inni­haldið væri nokkuð rætt. Sú grein var með harðri gagn­rýni á bænda­for­yst­una eins og inni­haldið reynd­ist vera í grein Jóns. Í blað­inu sem kom út í dag, 25. febr­ú­ar, er enn önnur grein, líka með gagn­rýni á for­ystu bænda. Áður hafa svo verið birtar fjöl­margar greinar eftir Jón Viðar og ýmsa fleiri með gagn­rýni á for­ystu bænda. Það er því full­kom­lega ómak­legt að segja að Bænda­blað­ið, rit­stjóri, stjórn­endur innan Bænda­sam­tak­anna eða for­ysta bænda hafi komið í veg fyrir birt­ingu á grein Jóns eða ann­arra sem fela í sér gagn­rýni á for­ystu bænda.

Höf­undur er rit­stjóri Bænda­blaðs­ins.