Í Banda­ríkj­unum er mikil spenna á hinu póli­tíska sviði, þar sem tek­ist er á innan Repúblik­ana og Demókrata um hverjir verði full­trú­ar ­flokk­anna í slagnum um emb­ætti for­seta Banda­ríkj­anna, en kosið verður í nóv­em­ber á þessu ári. 

Bernie Sand­ers og Hill­ary Clinton eru í harðri bar­áttu í ein­stökum ríkj­um, en í könn­unum í augna­blik­inu hefur Hill­ary vinn­ing­inn. Sand­ers er hins vegar með mik­inn kraft í sinni bar­áttu og hefur sótt á í könn­un­um, í ein­stökum ríkj­um, að und­an­förnu.



Ótrú­leg staða er uppi hjá Repúblikön­um, sem á sér vart for­dæmi á síð­ustu ára­tug­um. For­ystu­menn flokks­ins á lands­vísu hafa miklar áhyggjur af því hvernig fram­bjóð­endur flokks­ins, sér­stak­lega Don­ald Trump og Ted Cruz - sem eru í for­ystu í könn­unum - tala opin­ber­lega. Nú síð­ast sagði Col­in Powell, fyrr­ver­andi varn­ar­mála­ráð­herra Banda­ríkj­anna og þunga­vigt­ar­maður í Repúblikana­flokknum til margra ára, jafn­vel þó hann hafi stutt Barack Obama bæði 2008 og 2012, að umræðan væri óboð­leg. Þetta „virð­ing­ar­leysi“ gengi ekki. Vís­aði hann til almennrar umræðu, og ekki síst þegar fram­bjóð­endur væru að takast á. 



Það er hægt að nefna margt, í þessu ­sam­hengi, sem er óboð­legt. Orð Don­alds Trumps um inn­flytj­endur frá Suð­ur- og Mið-Am­er­íku - sem hann kall­aði upp til hópa glæpa­menn og nauð­gara - og síðan tal hans um að loka á ferðir múslima til Banda­ríkj­anna, er eitt­hvað sem mik­il­vægt er að ræða um vel og vand­lega. Rifja upp reglu­lega, svo þau gleym­ist ekki. 



Þessir ein­feldn­ings­legu og við­ur­styggi­legu for­dómar eiga ekk­ert ­sam­eig­in­legt með hægri eða vinstri póli­tík, jafn­vel þótt stjórn­mála­fræð­ingar reyni eftir fremsta megni að stað­setja for­dóma sem þessa á pólitiska kvarða. For­dómar eins og þeir sem Trump hefur látið frá sér - og Cruz líka - eru til þess fallnir að stór­skaða póli­tíska umræðu, og draga fram for­dóma­fullt fólk út á torg. En það má ekki forð­ast að ræða þá stað­reynd, að þessir fram­bjóð­endur tali með þessum hætti. Því það eitt og sér, að hræð­ast að ræða um for­dómana, getur leitt hina for­dóma­fullu til sig­urs. Mál­efna­leg rök­ræða er beittasta vopnið gegn for­dóm­um. Hún mun vafa­lítið reyn­ast Trump og Cruz erf­ið, eftir því sem líður á bar­átt­una.