Krist­ján Þór Júl­í­us­son, heil­brigð­is­ráð­herra, und­ir­rit­aði í gær ­samn­inga við fjórar heil­brigð­is­stofn­anir um þátt­töku þeirra í skipu­lögðu átaki til að stytta bið sjúk­linga eftir ákveðnum brýnum aðgerð­u­m. 

Samn­ing­arnir eru við Land­spít­al­ann, Sjúkra­húsið á Akur­eyr­i,  Heil­brigð­is­stofnun Vest­ur­lands og fyr­ir­tækið Sjón­lag hf. Í til­kynn­ingu frá vel­ferð­ar­ráðu­neyt­inu kemur fram að áætlað er að verja um 1,6 millj­arði króna til verk­efn­is­ins á árunum 2016-2018 en þar af mun helm­ingur fjár­ins vera nýttur á þessu ári. 



Í ár verður ráð­ist í að stytta til bið fólks eftir lið­skipta­að­gerð­um, hjarta­þræð­ingum og auga­steins­að­gerðum en mark­miðið er að í lok átaks­ins þurfi sjúk­lingar ekki að bíða lengur en þrjá mán­uði eftir aðgerð. 



Þó deilur séu oft það sem helst færi athygl­ina á hinu póli­tíska sviði, þá er sann­gjarnt að hrósa stjórn­mála­mönnum þegar vel tekst til. Þetta er mik­il­vægt átaks­verk­efni sem heil­brigð­is­ráð­herra hefur for­ystu um, og von­andi mun vel takast til við að hrinda átak­inu í fram­kvæmd.