Gylfi Zoega, pró­fessor í hag­fræði við Háskóla Íslands og nefnd­ar­maður í Pen­inga­stefnu­nefnd Seðla­banka Íslands, mælir af skyn­semi og yfir­vegun þegar hann tjáir sig um stöðu efna­hags­mála. Hann segir stöðu mála nú vera góða, og heppni spili þar inn í. Verð­fall á olíu hefur hjálpað til við að halda verð­bólgu í skefj­um, á sama tíma og verð á sjáv­ar­af­urðum hefur verið í hærri kant­inum og ferða­mennska hefur blómstr­að. 



Hann segir enn­frem­ur, í við­tali við 365 miðla, að það sé vel hægt, að reka árang­urs­ríka hag­stjórn, þrátt fyrir smæð krón­unnar og sveiflur sem henni fylgja. „Allt þetta tal um að skipta um myntir til þess að fá ein­hvern ímynd­aðan veru­leika í öðru landi er allt held ég á mis­skiln­ingi byggt og ekki gagn­legt. Ástæðan fyrir því að þetta fór illa árið 2008 var fyrst og fremst vegna umgjarðar pen­inga­stefn­unn­ar. Það hvort það var Jón Sig­urðs­son eða Effel­turn­inn á pen­inga­seðl­unum var ekki aðal­at­riðið heldur umgjörðin og hvernig ákvarð­anir voru teknar og hvernig við brugð­umst við áhætt­um. Það að stökkva á milli að taka upp kana­da­dollar einn dag­inn og evr­una hinn dag­inn. Allt þetta tal er svo gagns­laust.“



Svo mörg voru þau orð. 

Annað sem Gylfi nefndi, í við­tal­inu sem hér er vísað til, var mik­il­vægi þess að hlúa vel að ferða­þjón­ust­unni. Það sé ekk­ert ólík­legt að hún sveiflist niður aft­ur, ef ekki tekst að byggja upp sterka inn­viði innan grein­ar­inn­ar. Ekk­ert sé sjálf­gef­ið, og það megi ekki hugsa alltaf þannig að hlutirni „hljóti að reddast“.