For­seta­kosn­ing­arnar fara fram, 25. júní, og má segja að tölu­verður æsingur sé kom­inn í kosn­ingamask­ínu Dav­íðs Odds­son­ar, og hann sjálf­an. Í þætt­inum Eyj­unni á Stöð 2 í gær, þeim síð­asta á þessum vetri, gagn­rýndi hann Guðna Th. Jóhann­es­son­ar, sem var með honum í beinni útsend­ingu, harð­lega fyrir ýmsa hluti, en  einkum og sér í lagi fyrir afstöðu hans til Ices­ave á sínum tíma. 

Guðni svar­aði fyrir sig af yfir­veg­un, en í þessum umræðum kom fátt nýtt fram.

Það verður að telj­ast með nokkrum ólík­indum ef Davíð Odds­son, sem var seðla­banka­stjóri á árunum fyrir hrun og fram að því að honum var gert að hætta árið 2009, telur sig hafa mikil sókn­ar­færi í því að rifja upp Ices­a­ve-­mál­ið. Ices­a­ve-­deilan er eitt, og til­urð vanda­máls­ins er svo líka atriði sem fólk gleymir ekki svo glatt. Þar var Davíð í fámennum hópi sem hefði getað beitt sér gegn Ices­a­ve-inn­lána­söfn­un­inni en gerði það ekki. 

Það verður að koma í ljós, hversu mikið bit er í Ices­a­ve-sverð­inu í þess­ari kosn­inga­bar­áttu.