Það er óhætt að segja að nöt­ur­legum veru­leika sé lýst í nýrri skýrslu UNICEF  um aðstæður fylgd­ar­lausra flótta­barna sem hafa við í flótta­manna­búðum í Frakk­land­i. ­Glæpa­hringir nýta sér neyð barn­anna og stúlkur þurfa að selja sig oftar en þús­und sinnum til að eiga fyrir ferð­inni yfir Erma­sund­ið, segir meðal ann­ars í end­ur­sögn RÚV. 

Í flótta­manna­búðum í Cala­is, Dun­kirk og nær­liggj­andi stöðum haf­ast nú við um 500 fylgd­ar­laus flótta­börn en 2000 slík börn hafa farið um búð­irnar frá því í júní í fyrra. Skýrslan byggir á frá­sögnum 60 þeirra sem dvelja í búð­un­um. Við­mæl­end­urnir eru á aldr­inum 11 til 17 ára og koma frá Afganistan, Egypta­landi, Eritreu, Eþíóp­íu, Íran, Írak, Kuwait, Sýr­landi og Víetnam, að því er segir í frétt RÚV.

„Skýrslan af­hjúpar skelfi­legan veru­leika þess­ara barna," segir Sig­ríður Víðis Jóns­dótt­ir, hjá UNICEF á Íslandi, í við­tali við RÚV. 

Þegar svona upp­lýs­ingar koma fram, hugsa flestir eflaust strax, að við þessu þurfi að bregð­ast og hrein­lega bjarga þessum börn­um. Því miður sýnir sagan, að svo ein­falt er það ekki oft er alþjóða­sam­fé­lagið svifa­seint þegar að kemur að þessum mál­um. Von­andi verður svo ekki í þessu til­felli, og von­andi verður eft­ir­fylgni þess­arar skýrslu kraft­mikil þannig að staðan nái eyrum þeirra sem ráða, og eru í stöðu til að gera bet­ur. 

Staða eins og þessi er smán­ar­leg fyrir alþjóða­sam­fé­lagið og raunar algjör­lega ólíð­andi.