Kosn­inga­lof­orðin eru byrjuð að streyma frá fram­bjóð­end­um, Jói á Face­book birtir færslu um að þú eigir ekki að kjósa þennan því hann gerði þetta. Annar minnir okkur á að hér er allt svo frá­bært. Aðrir byrja að birta myndir af því hvaða flokk þeir ætla að kjósa líkt og um fót­boltalið sé að ræða. 

Í storm­inum sem fylgir því að innan við vika er í kosn­ingar er gott að halda sér fast í jörð­ina og skoða hvaða hug­myndir og mann­gildi við viljum halda okkur við og hvað við viljum alls ekki. 

Fær hrútur þitt atkvæði?

Hrútur er teg­und stjórn­mála­manns sem styður við stjórn­mála­menn­ingu gamla skól­ans. Eitt algeng­asta ein­kenni hrúta er að hrút­skýra fyrir konum um hvað umræður snú­ast. Fleiri ein­kenni hrúta sem ættu að vera orðin útdauð í stjórn­mál­u­m: 

Holl­usta við flokk­inn. Heldur tryggð við flokks­for­yst­una jafn­vel þó eigin sam­viska og eða gild­is­mat verði und­ir. 

Reiði. Það geta allir orðið reiðir en hrútar eru oft­ast reiðir nema þegar þeir segja þús­und ára gamla staðalí­mynda og kyn­hlut­verks brand­ara þá hlægja þeir háværum hlátri. 

Útval­inn: Við­horfið er ég einn get siglt skip­inu í höfn. Það kemur ekki til greina að stíga til hliðar í vafa­málum til að sýna ábyrgð. Það á frekar að sýna styrk.

Typpa­keppni. Hrútur hreykir sér af öllu því sem vel hefur far­ið. Það er auð­vitað allt hrúti að þakka.

Umburð­ar­leysi. Það er inn­byggður valda­hroki. Hrútur veit best hvernig sam­fé­lagið á að vera og hikar ekki við að beita boðum og bönn­um. Hans smekkur er hið eina rétta. 

Róg­burð­ur: Tekur gagn­rýni sem árás og bendir á að ein­hver annar gerði mun verri hlut og rétt­lætir þannig rangt með röngu. Hrútur heldur að þessi aðferð sé gott PR því þá muni fólk gleyma því sem upp­runa­lega gagn­rýnin sner­ist um. 

Eig­in­leikar stjórn­mála­manns fram­tíðar

Skýr for­gangs­röðun og hefur almanna­hags­muni að leið­ar­ljósi: Um 80% þjóð­ar­innar vilja setja hærra hlut­fall lands­fram­leiðslu í heil­brigð­is­mál­in. Dæmi um aðra for­gangs­röðun er til að mynda allur sá fjöldi sem keyrir Reykja­nes­braut­ina og fjöldi alvar­legra slysa, ætti að setja tvö­földun veg­ar­ins efst í for­gangs­röðun á sam­göngu­á­ætl­un. Spurn­ingin er starfar við­kom­andi á Alþingi fyrir þjóð­ina eða sem full­trúi sér­hags­muna?

Heið­ar­leiki. Deilir með okkur hvernig við­kom­andi komst að nið­ur­stöðu og hvernig nið­ur­staðan er í takt við gildi og stefnu. Slepp­ir ölllum póli­tískum hring­skýr­ingum og talar hreint út. 

Auð­mýkt. Það er í lagi að breyta um skoðun og í því er fólg­inn sjald­séður styrk­ur. Leit­ast er við að ræða málin og kom­ast að nið­ur­stöðu eftir að hafa skoðað allar hliðar máls­ins. Nýjar upp­lýs­ingar eru alltaf að ber­ast og því þarf ekki að vera að þú hafir haft rangt fyrir þér þó þú breytir um skoð­un. Svo er líka allt í lagi að segja ég hafði rangt fyrir mér. 

Kær­leikur: Stofn­anir eru ekki full­komnar þó þeim sé ætlað að veita úrlausn á ýmsum mál­um. Vera kann að ein­stak­lingur í stjórn­málum þurfi að grípa inn í með mann­gæsku og kær­leik að vopni ef mál ein­stak­linga þró­ast á rangan hátt. 

Umhverf­is­vit­und. Við eigum bara eina jörð og Ísland hefur allt til þess að bera til að vera í far­ar­broddi í umhverf­is­mál­u­m. 

Ótengdur atvinnu­lífi: Til að hafa skýrt umboð og til að hafa sann­ar­lega almanna­hags­muni að leið­ar­ljósi. Það er aldrei gott fyrir neinn að sitja beggja megin við borð­ið. 

Ótengdur trú­ar­brögð­um: Trú­ar­brögð og stjórn­mál eiga að vera aðskil­in. Þú getur alveg átt þér per­sónu­lega trú en þú blandar henni ekki saman við stjórn­mál. 

Grein­ing­ar­hæfni: Færni til að setja sig inn í flókin mál, geta séð heild­ar­mynd­ina og gagn­rýnt þær upp­lýs­ingar sem eru rangar eða mis­vísand­i. 

Gott sið­ferði: Setur gott for­dæmi, gerir ekki neitt sem við­kom­andi myndi ekki vilja að aðrir gerðu. Not­ast við víð­tæk­ari skil­grein­ingu á sið­ferði sem leit­ast við að gjörðir beri með sér góðan karakter og áttar sig á að sið­ferði nær lengra en yfir lög og regl­ur. Ber póli­tíska ábyrgð í sið­ferði­legum álita­mál­u­m. 

Það er óum­flýj­an­legt að þitt eigið gild­is­mat komi fram þegar þú spáir í því hvernig stjórn­mála­menn eigi að vera. Hugs­aðu því endi­lega um hvað þú viljir sjá og taktu það með þér í kjör­klef­ann. Stjórn­mála­menn­ingin verður aldrei betri en stjórn­mála­menn­irnir sem á þingi sitja.

Höf­undur er með BA gráðu í stjórn­mála­fræði og MS gráðu í mark­aðs­fræð­i.