Sauðfjárbeit og loftslagsbreytingar

Þórunn Pétursdóttir segir að Ísland geti ekki keypt sig frá skuldbindingum sínum um minni losun gróðurhúsalofttegunda. Því geti ríkið ekki heldur haldið „áfram að niðurgreiða lambakjötsframleiðslu á illa grónum og löskuðum svæðum.“

Auglýsing

Ísland er vist­fræði­lega eitt verst farna land Evr­ópu. Frá land­námi hefur gróð­ur- og jarð­vegseyð­ing vegna ósjálf­bærrar land­nýt­ing­ar, sem ekki hefur tekið mið af óblíðri veðr­áttu og tíðum eld­gos­um, rústað stórum hluta vist­kerfa lands­ins. Tæp­lega 1/3 af yfir­borði Íslands hefur minna en 20% gróð­ur­þekju. Langstærstur hluti þess svæðis var áður gróið þó ein­hverjir jök­ul­sandar og svæði á mið­há­lend­inu, í regn­skugga norðan jökla, séu þarna með­tal­in. Því til við­bótar er ríf­lega 1/3 lands­ins með laskaða gróð­ur­þekju. 

Auð­lindin Ísland er í veru­lega döpru ásig­komu­lagi – með meira en helm­ing af öllum sínum gróð­ur- og jarð­vegsauð­lindum í eyddu eða lösk­uðu ástandi. Það sem verra er – Hluti laskaða lands­ins er enn að rofna og losa gríð­ar­legt magn kolefnis út í and­rúms­loft­ið.

Jarð­vegseyð­ing hraðar súrnun sjávar

Jarð­vegseyð­ing á norð­ur­slóðum eykur styrk CO2 í and­rúms­lofti en einnig í hafi þar sem tals­verður hluti kolefn­is­ins sem losnar endar beint í haf­inu og oxast þar. Jarð­vegseyð­ing og land­hnignun hefur því bæði óbein og bein áhrif á að hraða súrnun sjáv­ar.

Auglýsing

Rann­sóknir gefa til kynna að minnsta kosti helm­ingur þess kolefnis sem losnar við jarð­vegs­rof hér­lendis oxist yfir í CO2. Stærð­argráða CO2 los­unar vegna núver­andi jarð­vegseyð­ingar og land­hnign­unar hér­lendis hefur þannig verið metin til jafns við alla aðra losun frá Íslandi og jafn­vel mun meiri sam­kvæmt nýlegri skýrslu frá LBHÍ. 

Losun frá beiti­löndum sauð­fjár

Stór hluti þeirra svæða sem eru enn að losa kolefni eru nýtt sem sum­ar­beiti­lönd fyrir sauð­fé. Þetta eru svæðin sem þarf að stöðva rof og land­hnignun á og end­ur­heimta vist­getu þeirra. Í grein dr. Ólafs Arn­alds sem birt­ist nýverið í Kjarn­anum kemur fram að það sé hægt að draga úr losun frá lösk­uðu landi og fram­ræstu vot­lendi um jafn­vel 1 milljón tonna CO2 ár­lega og binda á ný í jarð­vegi og gróðri um 1 milljón tonna CO2 úr and­rúms­lofti. Árlegur ávinn­ingur land­bóta­að­gerða gæti þannig numið um 2 millj­ónir tonna CO2 á ári. 

Okkar ábyrgð

Ísland getur því miður ekki nýtt allan þennan mögu­lega ávinn­ing beint í lofts­lags­bók­haldi sínu þar sem hann fellur aðeins að tak­mörk­uðu leyti undir skuld­bind­ingar okkar á alþjóða­vett­vangi um minni los­un. Það er því ekki útlit fyrir að við getum keypt okkur frá skuld­bind­ingum okkar um minni los­un, með auknum land­bóta­að­gerð­um, eins og lagt er til í nýlegri skýrslu Byggða­stofn­unar um stöðu sauð­fjár­ræktar og sauð­fjár­bænda.

Það breytir þó ekki þeirri stað­reynd að íslenska ríkið verður að bregð­ast við þessum alvar­legu stað­reyndum af festu og ganga í að stöðva jarð­vegs­rof og land­hnign­un. Ríkið getur þannig ekki haldið áfram að nið­ur­greiða lamba­kjöts­fram­leiðslu á illa grónum og löskuðum svæð­um. Það ber sam­fé­lags­lega ábyrgð á að lág­marka losun gróð­ur­húsa­loft­teg­unda frá Íslandi. Minni losun frá landi kemur and­rúms­loft­inu mjög til góða og er lík­lega stærsta ein­staka skref sem við sem þjóð getum tekið til að draga úr hlýnun jarðar og súrnun sjáv­ar. 

Höf­undur er landgræðslu­vistfræðingur og aðstoð­ar­maður umhverf­is- og auð­linda­ráð­herra.

Bás hjá frambjóðanda Danska þjóðarflokksins
10 staðreyndir um Dansk Folkeparti
Danski þingflokksforsetinn Pia Kjærsgaard hefur verið áberandi í umræðunni í síðustu viku vegna hlutverks hennar á fullveldishátíðinni. Pia er þekktust fyrir tengingu sína við flokkinn Dansk Folkeparti, en Kjarninn tók saman tíu staðreyndir um hann.
Kjarninn 22. júlí 2018
Sá mikli uppgangur sem á sér stað á Íslandi útheimtir mikið af nýju vinnuafli. Það vinnuafl þarf að sækja erlendis.
Erlendir ríkisborgarar orðnir 23 prósent íbúa í Reykjanesbæ
Erlendum ríkisborgurum heldur áfram að fjölga á Íslandi. Án komu þeirra myndi íbúum landsins fækka. Mjög mismunandi hvar þeir setjast að. Í Reykjanesbæ voru erlendir ríkisborgarar 8,6 prósent íbúa í lok árs 2011. Nú eru þeir 23 prósent þeirra.
Kjarninn 22. júlí 2018
Klámið í kjallarageymslunum
Í geymslum danska útvarpsins, DR, leynast margar útvarps- og sjónvarpsperlur. Danir þekkja margar þeirra en í geymslunum er einnig að finna efni sem fæstir hafa nokkurn tíma heyrt minnst á, hvað þá heyrt eða séð.
Kjarninn 22. júlí 2018
Ljósmæðrafélagið hefur aflýst yfirvinnubanninu sínu.
Verkfalli ljósmæðra aflýst
Ljósmæðrafélag Íslands hefur samþykkt að aflýsa yfirstandandi yfirvinnubanni í ljósi þess að ríkissáttarsemjari hefur lagt fram miðlunartillögu.
Kjarninn 21. júlí 2018
Björn Leví Gunnarsson
Réttar skoðanir?
Kjarninn 21. júlí 2018
Guðmundur Andri Thorsson
Um kurteisi
Kjarninn 21. júlí 2018
Guðni Th. Jóhannesson, forseti Íslands
Skrifstofa forseta útskýrir fálkaorðuveitingu Piu
Samkvæmt fréttatilkynningu frá skrifstofu forseta Íslands er fálkaorðuveiting Piu útskýrð í ljósi reglna, samninga og hefða sem gilda hér á landi um slíkar orðuveitingar, líkt og annars staðar í Evrópu.
Kjarninn 21. júlí 2018
Donald Trump Bandaríkjaforseti
Vill auka tolla á kínverskar vörur en aflétta banni á rússneskt fyrirtæki
Bandaríkjastjórn viðraði í gær hugsanleg áform um að leggja tolla á allan kvínverskan innflutning annars vegar og aflétta viðskiptabanni við rússneskt álfyrirtæki hins vegar.
Kjarninn 21. júlí 2018
Meira úr sama flokkiAðsendar greinar