Hleypum í okkur kjarki

Theodóra S. Þorsteinsdóttir segir að við þurfum að endurheimta heiðarlega sterka stjórn á Íslandi, sem hefur heiðarlegar rætur og leggst ekki flöt í vind eins og strá til að verja hagsmuni sína.

Auglýsing

Und­an­farin ár hefur ítrekað komið upp sú staða að kjörnir full­trúar almenn­ings hafa orðið upp­vísir að því að gera ekki grein fyrir eigin hags­munum á sama tíma og þeir hafa verið að taka ákvarð­anir um þessa sömu hags­muni, sem kjörnir full­trú­ar. Hæf­is­reglur stjórn­sýslu­lag­anna taka vissu­lega á slíkum til­vikum og menn eiga ekki að geta verið í þess­ari stöðu. Gall­inn er bara sá að þegar menn hafa grafið upp­lýs­ingar um sína hags­muni djúpt ofan í skúffum ráðu­neyta eða á aflandseyjum er eng­inn til frá­sagnar um þá. Og þeir sjálfir stein­þegja.

Um þetta fjall­aði heill kafli í Rann­sókn­ar­skýrslu Alþing­is. Þar er sér­stak­lega talað um góða „sam­stöðu“ milli stjórn­mála­manna og aðila í fjár­mála­líf­inu, um að stefnu­mótun stjórn­valda um fjár­mála­kerfið hafi verið lít­il­fjör­leg og einkum ein­kennst af því að heim­ila útrás­ar­vík­ing­unum að haga sér eins og þeim sýnd­ist og draga úr eft­ir­liti og heim­ildum til inn­gripa. Þar er líka fjallað um mynd­ar­lega styrki sem stjórn­mála­menn og stjórn­mála­sam­tök þáðu frá hags­muna­að­ilum í atvinnu­líf­inu. Sem eitt og sér ætti að gera stjórn­mála­flokka og -menn van­hæfa til að fjalla um þá hags­muni. Stjórn­mála­menn flokk­uðu gagn­rýni sem öfund og óvild og sögðu sér­fræð­inga þurfa að sækja end­ur­mennt­un. Talað var um „póli­tíska löm­un­ar­veiki“ þegar á reyndi. Sem er ekki sjúk­dómur heldur val. Þeir sem höfðu vald til að koma í veg fyrir hrun­ið, hlust­uðu ekki á sér­fræð­inga, los­uðu um allar höml­ur, veiktu eft­ir­litið meira en þeir þurftu og bein­línis lugu um ástandið þegar hér var allt komið í kalda­kol. Lær­dóm­ur­inn sem skrif­aður var í Rann­sókn­ar­skýrslu Alþingis var að efla þyrfti fag­mennsku og stór­bæta vinnu­brögð innan stjórn­sýsl­unnar og að stjórn­mála­menn þurfi að setja sér siða­reglur sem draga fram og skerpa þá ábyrgð sem í störfum þeirra felst. 

Það er heldur ekki boð­legt á árinu 2017 að kjörnir full­trúar feli per­sónu­lega hags­muni sína til að geta sýslað með þá í skjóli hylm­ing­ar. Það er heldur ekki boð­legt að fela sig á bak við eigin túlkun á ákvæðum laga. Störf kjör­inna full­trúa þurfa að vera vand­aðri en svo að þau ein­göngu stand­ist lög. Þau þurfa að ein­kenn­ast af heið­ar­leika, þau þurfa að vera gagnsæ og þola dags­ljósið og þau eiga alltaf að ein­kenn­ast af því að hags­munir almenn­ings séu teknir fram yfir eigin per­sónu­lega hags­muni. Og hags­munir almenn­ings eiga alltaf að njóta vafans. Frétta­stofa Rík­is­út­varps­ins á ekki að þurfa að kæra skort á upp­lýs­ing­um, sem eiga, lögum sam­kvæmt að vera aðgengi­leg­ar. Við eigum ekki að þurfa að slást við kerfið til að kom­ast að því að for­sæt­is­ráð­herra sé að vanda­samri stöðu vegna gjörða föður síns eftir að Sjálf­stæð­is­flokk­ur­inn allur lagð­ist þver í felu­leiknum við að fela þá stöðu. Við eigum ekki að þurfa erlenda rann­sókn­ar­fjöl­miðla til að kom­ast að því að annar for­sæt­is­ráð­herra eigi auð­æfi falin á aflandseyjum og hafi ekki greitt af þeim skatta hér­lend­is. Eins og við hin.

Auglýsing

Það eru stórar og mik­il­vægar ákvarð­an­ir framundan fyrir okkur Íslend­inga. Íslenska ríkið á gríð­ar­leg verð­mæti sem hafa byggst upp í fjár­mála­kerf­inu í end­ur­reisn­inni eftir hrun. Og nú ætla báðir þeir kjörnu full­trúar sem gegnt hafa sem for­sæt­is­ráð­herr­ar, og ég nefndi hér að fram­an, að seil­ast í þá fjár­muni með því að selja bank­ana. Ég á hins vegar í veru­legum vand­ræðum með tvennt, haf­andi tekið slag­inn við einn þess­ara ­banka, ekki einu sinni heldur tvisvar. 

Í fyrsta lagi treysti ég ekki þessum mönn­um. Þeir hafa sýnt það ítrekað að þeir láta eigin hags­muni ganga fyrir hags­munum almenn­ings. Það er ekki boð­legt. Við eigum betra skil­ið. Í annan stað get ég ekki séð að við höfum enn þann dag í dag dregið þann lær­dóm sem við hefðum átt að draga af Rann­sókn­ar­skýrsl­unni. Það er ekki búið að móta heild­ar­stefnu um fjár­mála­kerf­ið. Við höfum ekki eflt eft­ir­lit með bönk­un­um. Og stjórn­mála­menn afgreiða gagn­rýni ennþá sem öfund og óvild. Fag­mennskan er af jafn skornum skammti og hún var þegar bank­arnir voru seldir upp­haf­lega. Og nú vilja sömu flokkar (eða afsprengi þeirra) kom­ast að þessum kjöt­kötlum sem sann­an­lega eru sam­eign okkar allra. 

Við höfum búið við póli­tískan óstöð­ug­leika of lengi, farið í gegnum hrun og í gegnum ósann­gjarnt upp­gjör eftir það. Þar hefur meðal­jón­inn borgað brús­ann, ekki sér­hags­muna­el­ítan sem hefur setið í for­sæt­is­ráðu­neyt­inu und­an­farin miss­eri. Okkur hefur samt tek­ist að svipta hul­unni af leynd­ar­hyggju og óheið­ar­leika sem sprengir rík­is­stjórnir og kostar þjóð­ina bæði fjár­muni og óró­leika í sam­fé­lag­inu. En nú þarf kjark til að spyrna við fót­um.

Við þurfum að end­ur­heimta heið­ar­lega sterka stjórn á Íslandi, sem hefur heið­ar­legar rætur og leggst ekki flöt í vind eins og strá til að verja hags­muni sína. Rík­is­stjórn úr heið­ar­legum flokkum þarf að geta gefið þjóð­inni þá til­finn­ingu að hún viti hvað hún er að gera. Veljum þá sem eru lausir við óheið­ar­lega sög­u, strúktúr sem tryggir völd þeirra gráð­ugu og eru lausir við að þurfa að end­ur­gjalda fjár­hags­lega greiða á kostnað almenn­ings. Veljum þá sem hafa kjark til að breyta því sem við getum breytt. 

Höf­undur er þing­flokks­for­maður Bjartrar fram­tíð­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Áfengi spilar afar stjórt hlutverk í danskri unglingamenningu.
Danskir menntaskólar endurhugsi drykkjumenninguna
Danska heilbrigðisstofnunin hefur sent menntaskólum landsins bréf þar sem óskað er eftir því að hætt verði að gera áfengi hátt undir höfði á viðburðum á vegum skólanna.
Kjarninn 14. ágúst 2022
Vilja gera óperuna aðgengilega fyrir Íslendinga
Kammeróperan ætlar að flytja meistarverkið Così fan tutte eftir Mozart íslensku á óperukvöldverði í Iðnó. Safnað er fyrir verkefninu á Karolina fund.
Kjarninn 14. ágúst 2022
Korn frá Úkraínu loks á leið til Afríku á barmi hungursneyðar
Flutningaskip á vegum Sameinuðu þjóðanna er á leið til Afríku með fullan farm af korni frá Úkraínu. Um er að ræða fyrstu kornflutninga frá Úkraínu til Afríku síðan Rússland réðst inn í Úkraínu.
Kjarninn 14. ágúst 2022
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Meira úr sama flokkiAðsendar greinar