Katrín Jak­obs­dótt­ir, for­maður Vinstri grænna og einn öfl­ug­asti stjórn­mála­maður lands­ins fyrr og síð­ar, sýnir þessa dag­ana fádæma kjark. Þrátt fyrir tals­verðan mót­byr stendur hún full sjálfs­trausts í stjórn­ar­mynd­un­ar­við­ræðum við tvær öfl­ugar valda­blokkir í íslensku sam­fé­lagi, Sjálf­stæð­is­flokk og Fram­sókn­ar­flokk. Katrín sýnir með ein­beitni sinni og áræðni aðdá­un­ar­vert for­dæmi í hörðum heimi karllægra stjórn­mála.

Það er sann­fær­ing okkar að Katrín muni sjá til þess að bar­áttu­mál og hug­sjónir VG fái gott braut­ar­gengi. Hún hefur sýnt það þau 10 ár sem hún hefur starfað á Alþingi að hún er í stjórn­málum af heil­indum og ástríðu.

Nið­ur­stöður nýlið­inna kosn­inga gáfu hvorki hreint stjórn­ar­mynd­un­ar­um­boð til vinstri né hægri. Yfir­stand­andi við­ræður eru sögu­leg til­raun til að sætta sjón­ar­mið í sam­fé­lag­inu og við treystum Katrínu og öðrum úr for­ystu VG til að leiða þessar við­ræður til far­sælla lykta. Við treystum því að okkar fólk fari ekki af stað í sam­starf við nokkurn flokk án þess að áherslur VG í vel­ferð­ar-, jafn­rétt­is- og umhverf­is­málum verði settar á odd­inn. Ef vel gengur við samn­inga­borðið þá treystum við þeim jafn­framt til þess að vinna ötul­lega að fram­gangi þess­ara mála í stjórn­ar­sam­starfi.

Það þarf grettistak í mörgum stórum mála­flokkum og það er verk­efni sem þolir enga bið. Meiri­hluti þjóð­ar­inn­ar, óháð því hvar póli­tískt hjarta slær, er ein­huga um að gera þurfi átak í heil­brigð­is­mál­um, mennta­mál­um, vel­ferð­ar­málum og sam­göngu­mál­um. Okkur þætti það miður ef for­ysta VG reyndi ekki til hlítar að svara kalli kjós­enda og taka sér stöðu sem lyk­il­að­ili í nýrri rík­is­stjórn til að vinna að þessu stóra verk­efni með hug­sjónir félags­hyggj­unnar að leið­ar­ljósi. Vinstri hreyf­ingin grænt fram­boð, með Katrínu Jak­obs­dóttur í far­ar­broddi, á fullt erindi í rík­is­stjórn og á ekki að ótt­ast sam­starf við nokkurn flokk.

• Berg­lind Häsler, bóndi í Berufirði.
• Berg­lind Rós Magn­ús­dótt­ir, dós­ent við Háskóla Íslands, Reykja­vík.
• Bryn­dís Hrönn Ragn­ars­dótt­ir, mynd­list­ar­mað­ur, Reykja­vík.
• Guðný Hildur Magn­ús­dótt­ir, félags­mála­stjóri í Bol­ung­ar­vík og Súða­vík.
• Gunn­hildur Hauks­dótt­ir, mynd­list­ar­mað­ur, Reykja­vík.
• Halla Sig­ríður Stein­ólfs­dótt­ir, líf­rænn bóndi og sveit­ar­stjórn­ar­full­trúi í Dala­byggð
• Ingi­björg Þórð­ar­dótt­ir, fram­halds­skóla­kenn­ari í Nes­kaup­stað.
• Kristín Þóra Kjart­ans­dótt­ir, fram­kvæmd­ar­stjóri Flóru, Akur­eyri.
• Sif Jóhann­es­dótt­ir, sveit­ar­stjórn­ar­full­trúi í Norð­ur­þingi.
• Sig­ríður Gísla­dótt­ir, dýra­læknir á Ísa­firði.
• Sóley Björk Stef­áns­dótt­ir, bæj­ar­full­trúi á Akur­eyri.
• Þórey Bjarna­dótt­ir, bóndi, Kálfa­felli, Upp­hús­um.
• Þór­unn Hrund Óla­dótt­ir, kenn­ari og bæj­ar­full­trúi á Seyð­is­firði.