Menntaborgin Reykjavík - Aðgerðir skila árangri

Skúli Helgason, borgarfulltrúi Samfylkingarinnar og formaður skóla- og fristundarsviðs Reykjavíkur, skrifar um menntamál.

Auglýsing

Skóla- og frí­stunda­starf er ein­hver mik­il­væg­asti þátt­ur­inn í grunn­þjón­ustu Reykja­vík­ur­borgar og þar er unnið afar metn­að­ar­fullt starf. Sú þjón­usta sem börn­unum í borg­inni er veitt væri ekki fram­kvæm­an­leg án þess stóra hóps afburða starfs­fólks sem vinnur á leik­skól­um, grunn­skólum og á frí­stunda­mið­stöðvum úti um alla borg. Mönnun í þau störf hefur á stundum verið vanda­söm, ekki síst á tímum eins og nú þegar mikil þensla er í þjóð­ar­bú­skapnum og atvinnu­leysi í sögu­legu lág­marki.  Til að bregð­ast við mann­eklu á leik­skól­um, grunn­skólum og frí­stunda­heim­ilum borg­ar­innar brást skóla- og frí­stunda­svið við af mik­illi festu á síð­ast­liðnu ári og beitti öllum til­tækum ráðum til að ráð­ast að vand­an­um. Sem betur fer hefur veru­legur árangur náðst og er nú svo komið að staðan er mark­tækt betri en á sama tíma í fyrra.

Mikil vinna skilar sér

Þann 22. jan­úar vant­aði að ráða í 28 stöðu­gildi á leik­skólum borg­ar­innar eða innan við hálft stöðu­gildi á hvern leik­skóla að jafn­aði . Nú er svo komið að meira en 80% leik­skóla eru annað hvort full­mann­aðir eða vantar innan við 2 starfs­menn.  Það er veru­leg breyt­ing til batn­aðar frá haust­mán­uðum en í byrjun ágúst vant­aði starfs­fólk í rúm­lega 130 stöðu­gildi. Þennan árangur má þakka mik­illi vinnu stjórn­enda, mannauðs­deildar skóla- og frí­stunda­sviðs og þeim marg­vís­legu aðgerðum sem við réð­umst í síð­ast­liðið haust til að bregð­ast við mann­eklu og auknu álagi á starfs­fólk leik­skól­anna.

Sömu sögu er að segja af mönnun frí­stunda­heim­ila en þar vantar nú starfs­fólk í 27 stöðu­gildi, borið saman við 113 stöðu­gildi um miðjan ágúst. Þá vantar aðeins að ráða starfs­fólk í 11 stöðu­gildi í grunn­skólum borg­ar­inn­ar, 0,6 pró­sent allra stöðu­gilda í skól­unum en sam­bæri­leg tala var 25 stöðu­gildi seinni­part­inn í ágúst. Áfram verður unnið af ein­urð að því að full­manna allar þessar mik­il­vægu stofn­an­ir.

Auglýsing

Aukið fjár­magn til skól­anna

Þessi árangur hefur náðst með sam­stilltu átaki starfs­manna skóla- og frí­stunda­sviðs þar sem lögð hefur verið áhersla á það ann­ars vegar að bæta starfs­um­hverfi í grunn- og leik­skól­um, sem og frí­stunda­heim­il­um. Þannig hafa ýmsar til­lögur starfs­hóps um bætt vinnu­um­hverfi grunn­skóla­kenn­ara þegar verið inn­leidd­ar, en starfs­hóp­ur­inn skil­aði af sér í des­em­ber síð­ast­liðn­um. Þar á meðal má nefna aukið fjár­magn til verk­efna­stjórn­ar, aukið fjár­magn til sér­kennslu og einnig vegna stuðn­ings­full­trúa í 1. bekkj­um, ný stöðu­gildi kennslu­ráð­gjafa og móð­ur­máls­kenn­ara sett á fót, aukin fjár­veit­ing til túlka­þjón­ustu og til kennslu íslensku sem ann­ars tungu­máls, fjár­magni hefur verið veitt til við­halds skóla­bygg­inga. 

Aðeins vantar að manna hálft stöðu­gildi að jafn­aði í leik­skóla borg­ar­inn­ar. Það er gríð­ar­leg breyt­ing til batn­aðar frá síð­asta hausti.

Þá er verið að leggja loka­hönd á nýja mennta­stefnu til 2030, sem mun skerpa á því hvaða þætti þurfi sér­stak­lega að efla til að stuðla að alhliða gæða­menntun barn­anna í borg­inni, sem nýt­ist þeim í síbreyti­legri ver­öld 21. ald­ar­inn­ar.  Loks má nefna að starfs­hópar um bætt vinnu­um­hverfi, bæði í leik­skólum og í frí­stunda­heim­il­um, eru að störfum og eiga báðir að skila af sér í næsta mán­uði. Þegar allt er talið hafa fjár­veit­ingar til mennta­mála í Reykja­vík­ur­borg auk­ist um fjórð­ung á kjör­tíma­bil­inu eða heila 9 millj­arða króna.

Nýjar leiðir sem virka

Að sama skapi var mikil vinna lögð í að finna nýjar og skil­virk­ari leiðir til að vekja athygli á þessum mik­il­vægu störf­um. Þannig var nýrri hönnun og nálgun beitt við aug­lýs­ingar skóla- og frí­stunda­sviðs, sem bæði voru settar fram á prenti en einnig leikn­ar. Leitað var aðstoðar birt­inga­ráð­gjafa við val á fjöl­miðlum og einnig samið við ráðn­inga­fyr­ir­tæki um sér­stakt átak við ráðn­ing­ar. Þá var leitað til fyrr­ver­andi starfs­manna á leik­skólum borg­ar­inn­ar, sam­starf hafið við Félag eldri borg­ara auk fjöl­margra ann­arra verk­efna sem skilað hafa þessum góða árangri. 

Byggjum upp mennta­borg­ina Reykja­vík

Grunn­skól­ar, leik­skólar og frí­stunda­mið­stöðvar borg­ar­innar eru öfl­ug­ar, fag­legar og ákaf­lega mik­il­vægar starfs­stöðvar sem gegna lyk­il­hlut­verki í upp­vexti barn­anna í borg­inni. Um þetta erum við sem myndum meiri­hluta borg­ar­stjórnar Reykja­víkur vel með­vit­uð. Við munum hlúa í enn frek­ari mæli að innra starfi þeirra og ytri aðbún­aði  og beita öllum ráðum til að tryggja fulla mönnun og bætt starfs­um­hverfi kenn­ara og ann­ars starfs­fólks, for­eldrum og einkum börnum borg­ar­innar til heilla.

Höf­undur er borg­ar­full­trúi og for­maður skóla- og frí­stunda­ráðs.

Upphafið - Árstíðaljóð
Safnað fyrir fimmtu ljóðarbók Gunnhildar Þórðardóttur.
Kjarninn 18. ágúst 2019
Guðlaugur Þór Þórðarson
Rúmar 16 milljónir í aðkeypta ráðgjöf og álit vegna þriðja orkupakkans
Kostnaður vegna innlendrar ráðgjafar og álita nemur rúmlega 7,6 milljónum króna og erlends tæpum 8,5 milljónum króna.
Kjarninn 18. ágúst 2019
Katrín Jakobsdóttir forsætisráðherra.
Sex ríkisforstjórar með hærri laun en forsætisráðherra
Laun bankastjóra Landsbankans hafa hækkað mest allra ríkisforstjóra, eða um 82 prósent, frá því að bankaráð bankans tók yfir ákvörðun um launakjör hans. Átta ríkisforstjórar eru með hærri laun en flestir ráðherrar.
Kjarninn 18. ágúst 2019
Vilja steypa Boris Johnson af stóli
Breska stjórnarandstaðan leitar nú að nýjum þingmanni sem gæti orðið forsætisráðherra Bretlands í stað Borisar Johnson. Jeremy Corbyn telur sig vera manninn í verkið, en ekki eru allir innan stjórnarandstöðunnar á sama máli.
Kjarninn 18. ágúst 2019
Draumur um landakaup
Einhverjir hafa kannski, til öryggis, litið á dagatalið sl. föstudag þegar fréttir bárust af því að Bandaríkjaforseti hefði viðrað þá hugmynd að kaupa Grænland. Þetta var þó ekki aprílgabb og ekki í fyrsta skipti sem þessi hugmynd skýtur upp kollinum.
Kjarninn 18. ágúst 2019
Katrín Jakobsdóttir
Ok skiptir heiminn máli
Kjarninn 17. ágúst 2019
Peningastefnunefnd í tíu ár
Gylfi Zoega segir að framtíðin muni leiða í ljós hvort áfram takist að ná góðum árangri eins og hafi verið gert með peningastefnu síðustu 10 ára á Íslandi en reynslan síðasta áratuginn sé samt staðfesting þess að það sé hægt ef vilji sé fyrir hendi.
Kjarninn 17. ágúst 2019
Gunnar Hólmsteinn Ársælsson
Nýir tímar á Norðurslóðum?
Kjarninn 17. ágúst 2019
Meira úr sama flokkiAðsendar greinar