Við höfum öll orðið fyrir miklum áhrifum af þeim hrika­legu frá­sögnum af kyn­ferð­is­legu ofbeldi sem MeToo hreyf­ingin hefur leyst úr læð­ingi.  Þær sögur sem við höfum heyrt, nú síð­ast af konum af erlendum upp­runa, und­ir­strika eina ömur­leg­ustu vídd þessa máls sem er mis­notkun á valda­stöðu, lík­am­legum eða félags­legum yfir­burðum sem eru not­aðir til hins ítrasta til að níð­ast á þeim sem veik­ari standa. 

MeToo hefur vakið þjóð­ina, eins og heims­byggð­ina alla.  Nú stendur upp á okkur að tryggja að vakn­ingin verði að var­an­legri bylt­ingu og tryggja að íslenskt sam­fé­lag verði aldrei aftur jarð­vegur fyrir kerf­is­bundið ofbeldi.  Nýjar athug­anir sýna að við höfum mikið verk að vinna.  Sú mynd sem ungir drengir á Íslandi fá af sam­skiptum kynj­anna mót­ast nú að veru­legu leyti af yfir­gengi­legu áhorfi á klám­efni og nær sú hegðun lengra niður í aldri og er almenn­ari en flesta grun­ar.  Með­al­aldur þeirra sem byrja að neyta kláms á Íslandi er rúm­lega 11 ár og tveir af hverjum þremur drengjum í ung­linga­deildum grunn­skól­anna horfa á klám að minnsta kosti viku­lega, þar af margir á hverjum deg­i.  

Kyn­fræðsla verði aukin í grunn­skólum

Við verðum að skapa kröft­ugt mót­vægi gegn klám­væð­ing­unni inni í skóla­kerf­inu og þar þurfum við m.a. að efla félags­færni og þjálfa börn í jákvæð­um, frið­sam­legum sam­skiptum sem byggja á virð­ingu.  Sú áhersla er sterk í nýrri mennta­stefnu Reykja­vík­ur­borgar sem kynnt verður á næst­unni.  Sam­hliða því þurfum við að auka veru­lega kyn­fræðslu í grunn­skólum og þar höfum við í skóla- og frí­stunda­ráði nýlega sam­þykkt að setja í gang til­rauna­verk­efni um kyn­fræðslu í tveimur grunn­skól­um, Selja­skóla í Breið­holti og Folda­skóla í Graf­ar­vogi, sem byggir á sam­starfi grunn­skóla, félags­mið­stöðvar og heilsu­gæsl­unnar í hverf­inu.  

 Nú stendur upp á okkur að tryggja að vakn­ingin verði að var­an­legri bylt­ingu og tryggja að íslenskt sam­fé­lag verði aldrei aftur jarð­vegur fyrir kerf­is­bundið ofbeldi.

Verk­efnið er til þriggja ára og mun auka veru­lega hlut kyn­fræðslu í skóla­starf­inu.  Stefnan er sú að nýta þessa vinnu til að þróa náms­efni sem síðan mun standa öllum grunn­skólum borg­ar­innar til boða.  Og það er lær­dóm­ur­inn sem við þurfum að draga af umræðu síð­ustu vikna – almenn kyn­fræðsla við hæfi barna og ung­menna í sam­hengi við áherslu á félags­færni og sjálfs­efl­ingu þarf að verða ríkur þáttur í skóla- og frí­stunda­starfi allra barna í borg­inni.

Höf­undur er for­maður skóla- og frí­stunda­ráðs og fram­bjóð­andi til 3. sætis í flokksvali Sam­fylk­ing­ar­inn­ar.