Eru eiturefni í nærumhverfi okkar heilsufaraldur 21. aldarinnar?

Vilmundur Sigurðsson stofnaði fyrir 5 mánuðum síðan hóp á Facebook, sem heitir “Er rúmið mitt að drepa mig?” Hann telur ýmis efni í þekktum dýnum vera stórskaðleg.

Auglýsing

Slæm áhrif eiturefna í nærumhverfi á líkamsstarfsemi okkar er eitthvað sem við þekkjum ágætlega.

Við vitum að mengun frá bílaumferð, eldgosum og flugeldum geta haft slæm áhrif á okkur.

Mengun í stórborgum erlendis er eitthvað sem við lesum um og er fjarlægt okkur.

Auglýsing

Rannsóknir sýna að slæm loftgæði hafa slæm skammtíma og langtíma áhrif á okkur.

Efnin sem valda þessum slæmu loftgæðum eru mismunandi.

Þekktast er ryk, frjókorn, mygla og bílamengun.

Ýmis önnur mengun er þó að valda miklum skaða.

Bílamálarar, Snyrtifræðingar, Hárgreiðslufólk, fólk sem starfar í efnalaugum og í fyrirtækjum þar sem unnið er með uppleysanleg efni verða á hverjum degi fyrir miklum áhrifum vegna eiturefna sem gufa upp í andrúmsloft á vinnustað.

Þekkt er og vísindalega sannað að þetta fólk verður að lokum fyrir varanlegum skaða sem veldur m.a. FjölEfnaNæmi, s.s. Eiturefnaóþoli.

Það gerir að verkum að viðkomandi starfsfólk þolir ekki lengur þau efni sem fyrirfinnast í andrúmslofti vinnustaðar og þarf að hætta í sinni atvinnugrein.

Þetta fólk er þá einnig orðið mjög næmt fyrir þessum efnum hvar sem það dvelur.

Fólk þarf jafnvel að nota sérhæfðan lofthreinsibúnað til að geta mögulega starfað áfram eða hreinlega að geta virkað ágætlega sem manneskjur almennt.

Svipuð efni eru að verða algengari í ýmsum vörum og byggingarefnum.

Lím í spónaplötum innihalda svona efni.

Húsgögn og gólfteppi innihalda þessi efni.

Jafnvel föt og lyf innihalda eitthvað af þessum efnum.

En hvaða efni eru þetta?

Þekktasta efnið er Formalín (Formaldehyde).

Við munum eftir því úr kvikmyndum sem fljótandi vökva í glerkrukkum á tilraunastofum og í þeim eru geymdir líkamspartar.

Það eitt og sér er notað ótrúlega víða.

Formaldehyde er efni sem ég vissi ekkert um fyrir 6 mánuðum síðan, og hefði aldrei getað látið mér detta í hug að það væri notað í neytendavörur.

99,99% fólks veit örugglega ekkert um þetta heldur.

Núna veit ég að það er notað til mýkingar, bindingar og eldvarnar í ótrúlegan fjölda af almennum neytendavörum!

Formaldehyde er Krabbameinsvaldur!

Formaldehyde getur myndast í bruna sprittkerta og rafsígarettna.

Formaldehyde er ekki bara Krabbameinsvaldur, heldur hefur það þannig langtímaáhrif á mann að manni er oftar kalt, líkaminn er þreyttur, sviði í augum, þyngsli yfir höfði, tíðir höfuðverkir, bólgur í líkama og höfði ofl.

Það er ótrúlega víða á Íslandi yfir heilsuverndarmörkum sem Alþjóða Heilbrigðisstofnunin gefur út.

En af hverju er það notað?

Sennilega er þetta áhrifaríkasta og ódýrasta efnið. Gefur meiri pening burtséð frá skaðlegum áhrifum.

Eftirlitsaðilar (Umhverfisstofnun og Vinnueftirlitið) eru hins vegar ekki að vinna vinnuna sína í þessum efnum! Ég held þeir viti varla hvað Formaldehyde er og hversu mikinn skaða það er að valda fólki í dag.

Víða á vinnustöðum eru þessi efni margfalt yfir hættumörkum.

Formaldehyde og önnur Rokgjörn efni (VOC) eru gerð úr það litlum ögnum að þau berast beint inn í blóðrásina og geta þar með valdið beinu tjóni á Miðtaugakerfi og Ónæmiskerfi.

VOC er erlent samheiti yfir ýmis Lífræn Rokgjörn Efni.

Það eru mis slæm efni, eiturefni sem gufa stöðugt upp við stofuhita og gufa meira upp við meiri hita.

Þau geta verið í t.d. Bensíni, Terpentínu, Flugnaeitri, Permanenti, Hárlit, Naglalakki ofl.

Allir eru sammála um að við viljum ekki anda þessum efnum að okkur eða snerta þau í lengri eða skemmri tíma.

Fleiri og fleiri þurfa samt að vinna með þessi efni og hljóta margir af þeim varanlegan skaða.

Við vitum semsagt að við þurfum að forðast þessi efni eins og heitan eldinn til að halda heilsu.

En hvað ef einhver hefur laumað þessum efnum inn í líf okkar í formi heilsuvöru?

Hvað ef rándýra heilsurúmið, inniheldur þessi efni?

Hvað ef Heilsudýna og heilsukoddi innihaldi þessi efni?

Hvað ef eitthvað sem kallast “heilsuvara”, virkar í raun sem “heilsuspillandi” vara?

Hvað ef Plús breitist í Mínus?

MemoryFoam svampefnið sem er notað í svo margt, er aðalefnið í Heilsukoddum og Heilsudýnum.

Það var þróað af Tempur í samvinnu við NASA á sjöunda og áttunda áratugnum og sett á almennan neytendamarkað á þeim níunda.

Þessar vörur eru ekki undir neinu eftirliti hér á landi og engin reglugerð til um innflutning og sölu á þeim.

Samt eru þetta olíuafurðir!

Umhverfisstofnun á að sjá um þetta eftirlit.

Framleiðendur og söluaðilar halda því fram að MemoryFoam sé heilsubætandi efni.

Ég hef ekki séð neinar alvöru lækna rannsóknir sem sanna það!

Uppistaðan í MemoryFoam efninu er Polyurithan og í það er blandað allt að 61 öðrum efnum til að mynda einstaka þrýstijöfnunareiginleika.

Þetta eru fljótandi olíuefni og fleira.

Framleiðendur vilja ekki upplýsa um hvaða efni eru í MemoryFoam.

Þessu er helt í stórt form, svona eins og stórt kökuform og bakað við nokkur hundruð gráður í stórum ofni og þá svona poppa út þessar loftbólur í efninu sem gera þessa mýktareiginleika sem það er frægt fyrir.

Til þess að fá þessa eiginleika þá er verið að nota mis slæm efni, jafnvel eitruð efni.

Það eru þessi VOC efni m.a.

Þessi efni eru það eldfim að eldvarnaeftirlit fer fram á að hægt sé að halda logandi kveikjara undir efninu í meira en 12 sekúndur áður en kviknar í því.

Þá er ódýrast og best gagnvart eldvarnarstaðli að nota Formaldehyde til að eld tefja efnið.

Það er hins vegar hræðilegt fyrir okkur og enn verra fyrir börnin okkar sem eru að taka út þroska.

Þetta efni myndar þar að auki baneitraðan reyk þegar loksins kviknar í því!

Því er blandað í kökuna.

Þannig að í Heilsudýnuna og Heilsukoddan er kominn fjöldinn allur af skaðlegum efnum sem við finnum ekki lyktina af og viljum aldrei fá inn í líkama okkar.

Við sofum í þessum efnum að minnsta kosti 8 tíma á sólarhring.

Hitum þau upp í 35 gráður og erum í beinni snertingu við þau í gegnum allan líkaman og öndunarfæri.

Við svitnum meira á svona dýnum og koddum og talið er að svitinn magni upp áhrifin frá þeim.

Í algengustu tegundinni af MemoryFoam dýnum myndast auðveldlega t.d. Svartmygla sem bætist þá ofan á eiturefnin sem fylgdu með dýnunni.

Þá getur fólk orðið mjög veikt.

Sumir vilja fullyrða að ættingjar hafi látist eftir notkun MemoryFoam vara.

Gamalmenni, sjúklingar, börn og ungabörn dvelja lengur á sínum svefnstað.

Framleiðendur þessara “Heilsuvara” fullyrða að VOC/Formaldehyde sé innan viðmiðunarmarka í þessum vörum.

En það er ekki satt, segi ég!

Einu viðmiðunarmörkin erum við sjálf og börnin okkar.

Við erum einu mælitækin sem segja allan sannleikann.

Þessi skaðlegu efni eru í þessum dýnum!

Ég sjálfur var veikur vegna þessara Heilsuspillandi kodda og dýna í meira en 11 ár.

Ég gekk á milli lækna með ýmis einkenni á hverjum tíma og fékk engar lausnir.

Ég uppgötvaði loks fyrir 7 mánuðum síðan að þessi eiturefni í þessum vörum höfðu haldið mér veikum í meira en 11 ár!

Bara það að losa mig við mína MemoryFoam dýnu og kodda, lagaði heilsu mína!

Ég hef samt hlotið varanlegan skaða.

Ég finn fyrir einkennum í lungum, ég hef misst lyktarskyn og ég er með Efnaóþol. Ég get t.d. ekki verið lengi þar sem Formaldehyde og önnur VOC efni eru í loftinu, þó það sé í litlum mæli.

Ég stofnaði fyrir 5 mánuðum síðan hóp á Facebook, sem heitir “Er rúmið mitt að drepa mig?”

Nafnið kemur vegna þess að ég sjálfur var orðinn svo slæmur líkamlega að ég var farinn að hugsa um hvort að ég væri með Krabbamein eða jafnvel óuppgötvaðan sjúkdóm sem myndi að lokum leiða mig til dauða.

Ég uppgötvaði í gegnum erlendar síður að mikil umræða er um þessi MemoryFoam efni þar og ýmsir sögðu að rúmið væri að drepa þá, eða að það hefði drepið ættingja þeirra.

Ætlun mín með þessum Facebook-hóp var að finna einhverja sem mögulega hefðu lent í því sama og ég hér á Íslandi og að við gætum skipst á skoðunum.

Lært af hvert öðru um þennan nýja gerviefna sjúkdóm sem orsakast af inntöku okkar á eitruðum lofttegundum í svefni sem koma frá þessum gerviefna dýnum og koddum.

Þessi hópur sprakk upp í 3000 manns strax á 2 dögum.

Núna er hann kominn í 5000 manns.

Helstu söluaðilar á þessum vörum höfðu samband við mig strax á öðrum degi og spurðu hvað væri í gangi.

Fyrirspurnum væri að rigna yfir þá.

Það var gefið í skyn að ég væri að eyðileggja viðskipti.

Þeir spurðu mig ekki um hvort ég væri búinn að ná heilsu og hvort þeir gætu gert eitthvað fyrir mig.

Jú, þeir vildu reyndar bjóða mér í ferð til að skoða verksmiðjurnar.....

Helsta áhyggjuefnið var að tapa ekki viðskiptum.

Þessir aðilar hafa skrá yfir flesta sem hafa keypt þessar vörur hjá þeim og hafa það í hendi sér að vara fólk við mögulegum skaða sem það er að hljóta akkurat núna!

Mín eina hugsun var og er að fólk sem hefur notað þessar vörur, nái heilsu og að vara við afleiðingum þessara eiturefna.

Ég veit núna persónulega í gegnum Facebook-hópinn um nokkur hundruð sjúkdómstilfelli vegna eiturefna í MemoryFoam dýnum og koddum.

Ég hef sjálfur talað við upp undir 100 manns sem hafa fengið væg og slæm sjúkdómseinkenni frá þessum vörum.

Algengt er að fólk fái nefstíflur og hausverki.

Það stafar af bólgum sem myndast í líkama og höfði.

Slímmyndun í hálsi og nefi, sviði í nefi og augum.

Svo getur bæst við þyngsli yfir höfði og svimi ásamt heilaþoku.

Öndunarerfiðleikar og kæfisvefn.

Astmi og Bronkítis.

Mikil þreyta í líkama, húð vandamál og liðaverkir.

Fullt af öðrum einkennum geta svo komið, en orsökin er að þessi eiturefni veikja Ónæmis- og Taugakerfi, sem aftur veldur ýmsum einkennum.

Einn var með hausverk á hverjum degi í 6 ár eftir að hann keypti sér svona heilsudýnu og kodda.

Hann var kominn með alvarleg magavandamál og kominn í ýmsar tilraunir hjá magalæknum.

3 mánuðum eftir að hann losaði sig við þessa vöru, þá hafði hann ekki fengið hausverk lengi og fór í magaspeglun hjá lækni. Þar fannst ekkert og hann einkennalaus og útskrifaður.

Læknirinn gat ekki gefið neinar skýringar á þessu.

Ég sjálfur var með krónískar bólgur í líkama sem ollu liðaverkjum og miklu ofnæmi.

4 mánuðum eftir að ég losaði mig við dýnu og kodda þá hitti ég minn ofnæmislækni og hún sagði mér að ég væri ekki lengur með ofnæmi, og að nokkrir af hennar sjúklingum sem notuðu MemoryFoam vörur væru útskrifaðir ofnæmislausir.

Hún tók undir mínar útskýringar á þessu en vill ekki tala um það opinberlega af hræðslu við lögsóknir.

Allir liðaverkir eru horfnir hjá mér.

Bæklunarlæknirinn minn sagði mér að hann hefði verið með svona dýnu, sem hann losaði sig við eftir nokkur ár og þrjú brjósklos. Hann taldi að dýnan hefði átt þátt í hans bakvandamálum og brjósklosi og hann er jú sérfræðingur í þessu.

Málið er það að þessi efni koma svo rólega að manni og gera mann veikan svo hægt, að mann grunar aldrei að flotta rándýra heilsuvaran sé skaðvaldurinn í manns heilsu.

Þess vegna fer maður að leita að orsökum annars staðar.

Rafsegulsvið og Mygla koma þá upp í hugan.

Mygla hefur verið mikið í umræðunni.

Mygla getur nokkuð auðveldlega myndast í MemoryFoam dýnum.

Fólk svitnar mikið á þessum dýnum og þá myndast raki ofan í dýnunni.

Þetta efni er svo þétt í sér að rakinn kemst ekki upp úr henni svo auðveldlega.

Hitinn og rakinn og næringarefni frá húðinni mynda kjöraðstæður fyrir Myglu.

Náttúrufræðistofnun hefur staðfest nokkur tilfelli af myglu í dýnum.

Í minni dýnu fannst Svartmygla, sem er mjög alvarlegt.

Þannig að síðustu árin var ég veikur af eiturefnum og Svartmyglu sem kom frá dýnunni minni.

Eftir að hafa orðið vitni að sögum fólks í Facebook-hópnum “Er rúmið mitt að drepa mig?” og viðbrögðum fólks, þá veit ég núna að mörg hundruð manns eru að glíma við alvarlegar afleiðingar frá eitrunum.

Mörg þúsund manns eru með einhver einkenni sem minnka lífsgæði.

Kannski eru tugir þúsunda að glíma við einhverjar afleiðingar frá eitrunum vegna dýnu og kodda en hafa ekki hugmynd um það þar sem að stærstu fjölmiðlar landsins hafa ekki fjallað um þetta á fræðilegan hátt og viðbragðsaðilar hafa ekki tekið við sér.

Þetta fólk á rétt á að vita hvað er að hrjá það.

Eins þarf að hjálpa fólki sem nú þegar er með alvarlegar eiturafleiðingar frá þessum efnum.

Landlæknir þar að fara ofan í saumana á þessu!

Söluaðilar búa yfir upplýsingum um hverjir hafa keypt þessar vörur.

Þeim ber að vara við mögulegri hættu af notkun þeirra.

Þeir eru hinvegar ekki undir neinum þrýstingi frá yfirvöldum né fjölmiðlum!

Umhverfisstofnun á að hafa eftirlit með skaðlegum efnum í vörum.

Landlæknir á að bregðast við þegar heilsuvá er fyrir dyrum.

Lyfjastofnun á að hafa eftirlit með þessum vörum inni á heilbrigðisstofnunum.

Ég hef verið í sambandi við alla þessa aðila og fleiri og enginn vill bregðast við.

Staðan er sú að við vitum um mörg þúsund manns í gegnum Facebook hópinn sem hafa veikst.

Líklegt er að mörg þúsund manns í viðbót séu veik.

Kannski eru tugir þúsunda með einhver einkenni?

Þetta þarf að rannsaka strax!!!

Eftirlitsaðilar og fjölmiðlar á Íslandi geta ekki bara beðið eftir sönnunum frá Evrópusambandinu um þetta eiturefnamál.

Það er núna sem fólk er veikt og líður illa og það er núna sem yfirvöld og fjölmiðlar þurfa að bregðast við!!!

Þessi eiturefni hafa laumað sér inn á heimili okkar og vinna þar hryðjuverk á hverri nóttu.

Hvaða áhrif hafa þau á heilsu og þroska barnanna okkar?

Mörgum líður hreint hræðilega vegna þessara efna!

MemoryFoam vörur eru orðnar það mikið notaðar á Íslandi og eituráhrif á fólk eru orðin það útbreidd að þetta er orðinn faraldur!

Í verstu tilfellum er fólk komið með eiturefnaóþol, orðið mjög næmt fyrir öllum efnum.

Getur t.d. Ekki lengur notað venjulegt sjampó og sápu.

Þolir ekki vörur sem innihalda Formaldehyde.

Þetta fólk er orðið svo næmt að margt getur truflað það.

T.d. Á vinnustað þess, eru loftgæðin farin að skipta öllu máli.

Smá mygla sem áður taldist eðlileg er þá kannski farin að valda þessu fólki miklum óþægindum.

Mygla gefur frá sér VOC efni og einkenni geta verið svipuð og frá eiturefnum í dýnum og koddum.

Þá er þetta orðið vandamál á vinnustað og kannski fleiri en einn finna þessi slæmu loftgæði af myglugrói.

Það endar kannski með fjárfrekum aðgerðum á vinnustað.

Jafnvel þarf að loka húsnæði og það rifið.

Það sem ég er að segja hér í þessari grein, hef ég komist að í gegnum mína eigin sjúkdómsreynslu, samtöl við fólk, sögur fólks í Facebook-hópnum, lestur greina á erlendum vettvangi og svo framvegis.

Mér hefur gefist einstakt tækifæri til að púsla öllu þessu saman á minn hátt og þar spilar stórt hlutverk Facebook-hópurinn sem er einstakur á heimsvísu.

Hvergi annars staðar en á Íslandi er hægt að nota svona hóp til að greina ástandið í þjóðfélaginu.

Það er vegna fámennis okkar.

Þannig að hér er um að ræða uppgötvun á stóru heilbrigðisvandamáli sem kannski hefði ekki verið hægt að gera annars staðar en hér á landi?

Við Íslendingar þurfum þess vegna að nota þessar upplýsingar með opnum huga til að bæta okkar heilsu og um leið spara mikið fé í heilbrigðiskerfinu og þjóðfélaginu öllu.

Við höfum ekki efni á því að bíða eftir því að aðrir uppgötvi þetta í Evrópu og heiminum og lausnin komi til okkar eftir einhver ár eða áratugi.

Við erum okkar eigin gæfu smiðir og verðum að bregðast við núna!

Við erum á undan öllum öðrum í þessu máli.

Við verðum að vera leiðandi og taka af skarið!

Ég skora á alla sem hafa völd í þessu máli, þingmenn, ráðherra og fjölmiðla að taka þessa umræðu með mér.

Burtu með fordóma. Hlustum og tölum saman!

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Davíð Helgason, einn stofnenda og fyrrum forstjóri Unity.
Segir Ísland geta orðið „einhvers konar tilraunasetur fyrir framtíðina“
Frumkvöðullinn og milljarðamæringurinn Davíð Helgason flytur til Íslands í sumar og ætlar að fjárfesta í fyrirtækjunum sem vinna gegn loftslagsvandanum. Að hans mati er margt sem gerir landið að góðum fjárfestingarkosti.
Kjarninn 18. maí 2021
Palestínumennirnir fimm fyrir utan húsnæði Útlendingastofnunar í Hafnarfirði í dag.
„Við viljum frekar deyja á götunni á Íslandi en að fara aftur til Grikklands“
„Íslensk yfirvöld hlusta ekkert á okkur. Þó að þau viti hvernig ástandið er í okkar heimalandi og þær áhyggjur sem við höfum. Ég meina, húsin sem við bjuggum í hafa sum verið jöfnuð við jörðu.“ Þetta segir Palestínumaður sem er lentur á götunni á Íslandi.
Kjarninn 18. maí 2021
Fasteignaverð hækkar meira með hverjum mánuðinum sem líður, þar sem eftirspurn er mikil og minna er um nýbyggingar.
Ekki meiri hækkun síðan árið 2017
Fasteignaverð á höfuðborgarsvæðinu hækkaði um 13,7 prósent í apríl á ársgrundvelli, miðað við vísitölu Þjóðskrár. Vísitalan hefur ekki hækkað jafnmikið milli ára síðan í desember 2017.
Kjarninn 18. maí 2021
Þröstur Ólafsson
Var þanþolið rofið?
Kjarninn 18. maí 2021
„Þegar mikil eftirspurn er eftir húsnæði getur fyrirvari um ástandsskoðun fasteignar talist kauptilboði til frádráttar,“ segir í greinargerð með þingsályktunartillögunni.
Ástandsskýrslur fylgi öllum seldum fasteignum
Nýsamþykkt þingsályktunartillaga felur ráðherra að móta frumvarp um ástandsskýrslur fasteigna. Slíkum skýrslum er ætlað að auka traust í fasteignaviðskiptum en ábyrgð vegna galla sem ekki koma fram í ástandsskýrslum mun falla á matsaðila.
Kjarninn 18. maí 2021
Allir hljóta að hafa skoðun á vegferð Ísraelsmanna að mati Hönnu Katrínar Friðriksson þingmanns Viðreisnar.
„Við Íslendingar höfum sterka rödd á alþjóðavettvangi“
Íslensk stjórnvöld þurfa að láta í sér heyra og hvetja aðra til að gera slíkt hið sama vegna átaka milli Ísraels og Palestínu að mati þingmanna Viðreisnar og Framsóknarflokks. Þó svo að íslenska þjóðin sé fámenn hafi hún sterka rödd og hana þurfi að nota.
Kjarninn 18. maí 2021
Samkvæmt ASÍ og BSRB er skuldasöfnun ríkisins ekki áhyggjuefni þegar vextir eru lágir
Gagnrýna „afkomubætandi ráðstafanir“ og vilja breyta fjármálareglum
Sérfræðingahópur á vegum ASÍ og BSRB varar stjórnvöld við að beita niðurskurði í yfirstandandi kreppu og segir að fjármálareglur hins opinbera þurfi að vera sveigjanlegri í nýrri skýrslu um efnahagsleg áhrif faraldursins.
Kjarninn 18. maí 2021
Græni miðinn er aftur kominn upp á gafl Hafnarborgar.
Listaverk sem fjarlægt var af bæjaryfirvöldum í Hafnarfirði komið upp á nýjan leik
Listaverk þeirra Libiu Castro og Ólafs Ólafssonar var fjarlægt af gafli Hafnarborgar fyrr í þessum mánuði að beiðni bæjaryfirvalda. Listaverkið er nú aftur komið upp en líklega hafa bæjaryfirvöld látið undan þrýstingi fagfélaga að mati listamannanna.
Kjarninn 18. maí 2021
Meira úr sama flokkiAðsendar greinar