Grannir pony hestar og vöðvastæltir bardagamenn

Elva Björk Ágústsdóttir sálfræðikennari segir að þar sem jákvæð líkamsmynd sé mjög mikilvæg fyrir bætta líðan og heilsu barna sé nauðsynlegt að skoða betur tengsl þeirra skilaboða sem börn og unglinga fá frá samfélaginu og áhrif þeirra á þau.

Auglýsing

Jákvæð og góð lík­ams­mynd hefur verið tengd við góða líðan og heil­brigði. Mik­il­vægt er að stuðla að bættri  lík­ams­myndar hjá börnum og ung­lingum þar sem algengi slæmrar lík­ams­myndar er ennþá nokkuð há hér á landi þótt vís­bend­ingar séu um örlitlar breyt­ingar til batn­aðar í þeim mál­um.

Rann­sóknir sýna að þær fyr­ir­myndir sem börn og ung­linga hafa t.d úr teikni­mynd­um, tón­list­ar­mynd­böndum og Instagram geta haft mikil áhrif á þróun lík­ams­myndar og líð­an.

Mikil áhersla er lögð á grannan og/eða stæltan lík­ams­vöxt og má rekja þróun slæmrar lík­ams­myndar til þess og hve ólíkt það útlit er raun­veru­legu útliti barna og ung­linga. Mjög fá börn líkj­ast sínum fyr­ir­myndum og eru því mörg börn að bera sig saman við útlit sem fæst þeirra geta nokkurn tím­ann öðl­ast.

Auglýsing

Börn og ung­lingar fá dag­lega skila­boð frá sam­fé­lag­inu um hvaða útlit og vaxt­ar­lag þykir fal­legra og eft­ir­sókn­ar­verð­ara en ann­að. Umræður um útlit og mik­il­vægi þess og nei­kvætt umtal um aukakíló ná til barna. Fitu- og útlit­s­tal á heim­il­inu fara einnig sjaldn­ast fram hjá börn­um.

Fræði­menn hafa einnig velt fyrir sér áhrifum leik­fanga og sögu­per­sóna í barna­efni og áhrif þeirra á mótun lík­ams­mynd­ar, þar sem börn og ung­lingar bera sig saman við þær per­són­ur. Útlit þess­ara per­sóna er ólíkt útliti flestra, til að mynda eiga mörg börn Bar­bie dúkku en telja má nær ómögu­legt fyrir börn að líta út líkt og Bar­bie dúkka. Svipað má segja um bar­daga­menn­ina sem börn jafnan leika sér með og áhrif þeirra á lík­ams­mynd.Hermenn.

Und­an­farna ártugi hefur útlit ýmissa leik­fanga breyst og orðið mun óraun­hæf­ari; Bar­bie hefur grenn­st, G.I Joe er mun vöðva­meiri en hann var áður og Pony hest­arnir frægu hafa greini­lega verið sendir í megr­un. Star Wars per­són­ur, Turt­les Ninj­urnar og X-man hetjur hafa einnig gjör­breyst á und­an­förnum árum. Leik­föng og barna­efni sem er sér­stak­lega mark­aðs­sett fyrir drengi hefur stækkað og vöðvamass­inn auk­inn til muna. Efni sem mark­aðs­sett er fyrir stúlkur eins og Bar­bie og Pony hefur á sama tíma breyst mik­ið. Bar­bie hefur grennst og fríkkað og Pony hest­arnir góðu hafa grenn­st, lengst og fengið vel „beauty filt­erað“ and­lit.Barbie er ekki alveg í tengslum við veruleikann. 

Rann­sóknir benda til þess að þetta óraun­hæfa útlit leik­fanga og per­sóna í barna­efni geti haft nei­kvæð áhrif á líð­an. Börn lýsa t.d meiri óánægju með eigin lík­ams­vöxt eftir örstuttan leik með grönnu Bar­bie dúkk­unum meðan sömu áhrif finn­ast ekki þegar börn leika með ann­ars konar dúkk­ur. Svip­aðar nið­ur­stöður hafa fund­ist í rann­sóknum á bar­daga­manna leik­föng­um.

Ólíkt hug­myndum margra þá eru enda­lausu skila­boðin um hinn full­komna granna og stælta lík­ama ekki hvati til heil­brigð­ari lífs­hátta. Skila­boðin geta ýtt undir þróun slæmrar lík­ams­myndar sem hefur áhrif á heilsu og lífs­venj­ur. Þessi slæma lík­ams­mynd getur til að mynda haft þau áhrif að við hugsum verr um lík­ama okkar og grípum til óheil­brigðra megr­un­ar­að­gerða sem hafa slæm áhrif á heilsu og líð­an, bæði til lengri og skemmri tíma. Einnig getur slæm lík­ams­mynd ýtt undir kvíða, þung­lyndi og leitt til ann­arra geð­rænna vanda.

Þar sem jákvæð lík­ams­mynd er mjög mik­il­væg fyrir bætta líðan og heilsu barna er nauð­syn­legt að skoða betur tengsl þeirra skila­boða sem börn og ung­linga fá frá sam­fé­lag­inu og áhrif þeirra á þau.

Þriðju­dag­inn 13. mars fögnum við Degi lík­ams­virð­ing­ar. Í til­efni af deg­inum verður boðið upp á ókeypis fræðslu á Cafe Meskí kl. 20:00 um lík­ams­mynd og fjöl­breyttar fyr­ir­mynd­ir.

Verið öll vel­kom­in!

Höf­undur er sál­fræði­kenn­ari og vara­for­maður Sam­taka um lík­ams­virð­ingu.

1. maí kröfuganga 2018.
Mótmæla harðlega aðgerðum Icelandair gegn flugfreyjum og flugþjónum
Forystumenn stærstu stéttarfélaga landsins mótmæla harðlega þeim aðgerðum sem stjórn Icelandair hyggst ráðast í gegn flugfreyjum og flugþjónum sem starfa hjá fyrirtækinu.
Kjarninn 24. september 2018
Katrín Jakobsdóttir, forsætisráðherra.
Almenningur hvattur í stefnumótun
Vísinda- og tækniráð Íslands efnir til opins samráðs við almenning og hagsmunaaðila um skilgreiningu þeirra framtíðaráskorana sem vísindi og rannsóknir ættu markvisst að takast á við.
Kjarninn 24. september 2018
Brett Kavanaugh
Konan sem sakar Brett Kavanaugh um kynferðisbrot ber vitni á fimmtudaginn
Vitnisburður Christine Bla­sey Ford fer fram næstkomandi fimmtudag gegn Brett Kavanaugh. Önnur kona hefur nú stigið fram og sakað hann um kynferðisbrot.
Kjarninn 24. september 2018
Berglind Hafsteinsdóttir, formaður Flugfreyjufélags Íslands.
Segir þvingunaraðgerðir Icelandair aðför að kvennastétt
Formaður Flugfreyjufélags Íslands segir það sorglegt að sitja árið 2018 og skrifa um aðför að kvennastétt en Icelandair setti flug­freyjum og flug­þjónum þá afar­kosti á dögunum að velja á milli þess að fara í fulla vinnu ellegar missa vinnuna.
Kjarninn 24. september 2018
Læknar deila við Svandísi
Svandís Svavarsdóttir heilbrigðisráðherra hefur sent yfirlýsingu frá ráðuneytinu þar sem hún sér sig knúna til að leiðrétta fullyrðingar í grein þriggja lækna sem halda því fram að ráðherra ætli sér að færa þjónustu sérgreinalækna inn á göngudeildir.
Kjarninn 24. september 2018
Samtal við samfélagið
Samtal við samfélagið
Samtal við samfélagið – Vanlíðan ungmenna í hamingjusamasta landi í heimi
Kjarninn 24. september 2018
Íbúðalánasjóður vill endurskilgreina viðmið um hvað sé hæfilegt leiguverð
Þau leigufélög sem eru með lán frá Íbúðalánasjóði eru að rukka leigu í samræmi við markaðsleigu eða aðeins undir henni. Íbúðalánasjóður segir markaðsleigu hins vegar ekki vera réttmætt viðmið og vill endurskilgreina hvað sé hæfilegt leiguverð.
Kjarninn 24. september 2018
ESB krefst rannsóknar á Danske Bank
Stærsti banki Danmerkur er nú í vondum málum vegna ásakana um peningaþvætti.
Kjarninn 24. september 2018
Meira úr sama flokkiAðsendar greinar