Eftir hverju er beðið?

Framkvæmdarstjóri Neytendasamtakanna segir að það sé löngu tímabært að Ísland fari sömu leið og nágrannaþjóðirnar og geri starfsemi smálánafyrirtækja leyfisskylda.

Auglýsing

Það er merkilegt hvað stjórnvöldum hefur gengið illa að koma böndum á smálánafyrirtækin. Þau hafa einhverra hluta vegna ekki verið gerð starfsleyfisskyld og falla því ekki undir eftirlit Fjármálaeftirlitsins eins og eðlileg væri. Þessi fyrirtæki hafa komist upp með að okra á neytendum með ólöglegum hætti en þau láta dómsúrskurði ekkert á sig fá. Þau breyta bara um nafn og kennitölu, breyta flýtigjaldi í rafbók og halda ótrauð áfram.

Ekki er síður alvarlegt hversu auðvelt er að taka lán í nafni annarrar manneskju og það eru svikahrappar að nýta sér. Neytendasamtökin hafa fengið slík mál inn á borð til sín og líta þau mjög alvarlegum augum. Það ætti auðvitað ekki að vera mögulegt að taka lán í nafni annarrar manneskju með einungis kennitölu og bankaupplýsingar að vopni en þegar smálánafyrirtækin eru annars vegar virðist allt hægt.

Það liggur fyrir að regluverkið í kringum smálánafyrirtækin er ófullnægjandi og úrræðin gagnvart þeim duga skammt. Neytendastofa hefur til dæmis lagt stjórnvaldssektir á fyrirtækið E content sem rekur Múla, 1919, Hraðpeninga, Smálán og Kredia. Ekki liggur fyrir hvort þessar sektir hafi verið greiddar en Neytendasamtökin hafa ítrekað reynt að fá úr því skorið. Eftir því sem næst verður komist heitir E content núna eCommerce og er með aðsetur í Danmörku.

Auglýsing

Á hverjum degi eru smálánafyrirtækin að veita neytendum lán sem Neytendastofa og áfrýjunarnefnd neytendamála hafa úrskurðað að brjóti í bága við lög um neytendalán þar sem kostnaður við lánin fer yfir löglegt viðmið. Stjórnvaldssektir, ítrekaðir úrskurðir og jafnvel niðurstaða dómstóla um lögbrot fyrirtækjanna duga skammt. Ekkert virðist fá þau stöðvað og þessi þrautseigja væri allt að því aðdáunarverð ef ekki væri fyrir alvarleika málsins. Og hann er sá að stjórnvöld hafa algerlega sofið á verðinum og ekki tryggt þá réttarvernd sem neytendur eiga rétt á lögum samkvæmt.

Stjórnvöldum hefur fyrir löngu verið bent á að fara sömu leið og nágrannaþjóðirnar og gera starfsemi smálánafyrirtækja leyfisskylda. Sú aðgerð er tiltölulega einföld og fljótleg. Það er ekki eftir neinu að bíða og reyndar löngu tímabært að hagsmunir neytenda séu tryggðir í viðskiptum þeirra við smálánafyrirtækin.

Höfundur er framkvæmdarstjóri Neytendasamtakanna.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Davíð Helgason, einn stofnenda og fyrrum forstjóri Unity.
Segir Ísland geta orðið „einhvers konar tilraunasetur fyrir framtíðina“
Frumkvöðullinn og milljarðamæringurinn Davíð Helgason flytur til Íslands í sumar og ætlar að fjárfesta í fyrirtækjunum sem vinna gegn loftslagsvandanum. Að hans mati er margt sem gerir landið að góðum fjárfestingarkosti.
Kjarninn 18. maí 2021
Palestínumennirnir fimm fyrir utan húsnæði Útlendingastofnunar í Hafnarfirði í dag.
„Við viljum frekar deyja á götunni á Íslandi en að fara aftur til Grikklands“
„Íslensk yfirvöld hlusta ekkert á okkur. Þó að þau viti hvernig ástandið er í okkar heimalandi og þær áhyggjur sem við höfum. Ég meina, húsin sem við bjuggum í hafa sum verið jöfnuð við jörðu.“ Þetta segir Palestínumaður sem er lentur á götunni á Íslandi.
Kjarninn 18. maí 2021
Fasteignaverð hækkar meira með hverjum mánuðinum sem líður, þar sem eftirspurn er mikil og minna er um nýbyggingar.
Ekki meiri hækkun síðan árið 2017
Fasteignaverð á höfuðborgarsvæðinu hækkaði um 13,7 prósent í apríl á ársgrundvelli, miðað við vísitölu Þjóðskrár. Vísitalan hefur ekki hækkað jafnmikið milli ára síðan í desember 2017.
Kjarninn 18. maí 2021
Þröstur Ólafsson
Var þanþolið rofið?
Kjarninn 18. maí 2021
„Þegar mikil eftirspurn er eftir húsnæði getur fyrirvari um ástandsskoðun fasteignar talist kauptilboði til frádráttar,“ segir í greinargerð með þingsályktunartillögunni.
Ástandsskýrslur fylgi öllum seldum fasteignum
Nýsamþykkt þingsályktunartillaga felur ráðherra að móta frumvarp um ástandsskýrslur fasteigna. Slíkum skýrslum er ætlað að auka traust í fasteignaviðskiptum en ábyrgð vegna galla sem ekki koma fram í ástandsskýrslum mun falla á matsaðila.
Kjarninn 18. maí 2021
Allir hljóta að hafa skoðun á vegferð Ísraelsmanna að mati Hönnu Katrínar Friðriksson þingmanns Viðreisnar.
„Við Íslendingar höfum sterka rödd á alþjóðavettvangi“
Íslensk stjórnvöld þurfa að láta í sér heyra og hvetja aðra til að gera slíkt hið sama vegna átaka milli Ísraels og Palestínu að mati þingmanna Viðreisnar og Framsóknarflokks. Þó svo að íslenska þjóðin sé fámenn hafi hún sterka rödd og hana þurfi að nota.
Kjarninn 18. maí 2021
Samkvæmt ASÍ og BSRB er skuldasöfnun ríkisins ekki áhyggjuefni þegar vextir eru lágir
Gagnrýna „afkomubætandi ráðstafanir“ og vilja breyta fjármálareglum
Sérfræðingahópur á vegum ASÍ og BSRB varar stjórnvöld við að beita niðurskurði í yfirstandandi kreppu og segir að fjármálareglur hins opinbera þurfi að vera sveigjanlegri í nýrri skýrslu um efnahagsleg áhrif faraldursins.
Kjarninn 18. maí 2021
Græni miðinn er aftur kominn upp á gafl Hafnarborgar.
Listaverk sem fjarlægt var af bæjaryfirvöldum í Hafnarfirði komið upp á nýjan leik
Listaverk þeirra Libiu Castro og Ólafs Ólafssonar var fjarlægt af gafli Hafnarborgar fyrr í þessum mánuði að beiðni bæjaryfirvalda. Listaverkið er nú aftur komið upp en líklega hafa bæjaryfirvöld látið undan þrýstingi fagfélaga að mati listamannanna.
Kjarninn 18. maí 2021
Meira úr sama flokkiAðsendar greinar