Fyrir nokkru hittu Fram­sókn í Reykja­vík nokkra full­trúa Öryrkja­banda­lags­ins, m.a. for­mann og vara­for­mann til að heyra frá þeim sem upp­lifa „ástand­ið“ á hverjum degi í stað þess að byggja hug­myndir okkar á því sem slegið er upp í fjöl­miðl­um.

Þetta reynd­ist góð ákvörðun og og við komum margs fróð­ari af fund­in­um.

Ferða­þjón­usta fatl­aðra var okkur ofar­lega í huga á fund­inum með ÖBÍ enda hefur hún oft verið í fréttum og þá yfir­leitt með nei­kvæðum for­merkj­um.

Sam­kvæmt for­manni Öryrkja­banda­lags­ins er fyr­ir­komu­lag ferða­þjón­ust­unnar alls ekki nógu gott og við sem heil­brigð erum eigum erfitt með að setja okkur í spor þess sem hefur ekki sjálfs­vald yfir ferðum sínum eða lengd heim­sókna sinna og þarf þar að auki skipu­leggja sig fram í tím­ann og má ekki „vera úti“ fram yfir eitt á næt­urn­ar.

Sveigj­an­leiki er lít­ill sem heftir frelsi not­end­anna veru­lega.

Það kom okkur hjá Fram­sókn mjög á óvart að 85% not­enda ferða­þjón­ust­unnar eru„á fæti“ og því vel færir um að ferð­ast í venju­legum bílum og það á einnig við um hluta þeirra sem bundnir eru við hjóla­stól.

Við þessar fregnir furðar maður sig óneit­an­lega á þeim leiðum sem farnar hafa verið í ferða­þjón­ustu fatl­aðra. Hér hafa verið keyptir stórir og sér­hann­aðir bílar og dýrt tölu­vkerfi sem virð­ist hafa skapað fleiri vanda­mál en það hefur leyst.

Við hjá Fram­sókn Reykja­vík viljum leysa málið með því að fækka stóru og dýru bíl­unum en gera í stað­inn samn­inga við leigu­bíla um að sinna þessu hlut­verki. Þannig myndu þessi 85% not­enda þjón­ust­unnar sem geta að jafn­aði ferð­ast í fólks­bílum öðl­ast sama frelsið og flest okkar líta á sem sjálf­sagðan hlut.

Í stað þess að byggja ferða­þjón­ustu fatl­aðra utan um 1600 not­endur yrði hún byggð utan um 3 - 400 not­endur og þjón­usta þeirra yrði þá líka bætt veru­lega.

Það þarf líka að huga að þeim sem yfir­leitt geta bjargað sér og nýtt sér önnur úrræði. Það reynir t.d. mikið á axlir að vera í hjóla­stól og þegar lík­am­legt ástand versnar tíma­bundið eða þegar skafa þarf bíla á vetrum, þá þurfa þeir ein­stak­lingar að geta nýtt sér ferða­þjón­ustu fatl­aðra þó tíma­bundið sé. Þess vegna þarf að byggja hana fyrir örlítið fleiri en þá sem algjör­lega treysta á hana.

Frelsi og sveigj­an­leiki eru lyk­il­at­riði þegar verið er að skipu­leggja hluti sem hafa áhrif á dag­legt líf fólks. Þjón­ustan á að taka mið af þörfum ein­stak­ling­anna sem hana nýta.

Höf­undur er kenn­ari og skipar 3. sæti Fram­sóknar í Reykja­vík