Opið bréf til heilbrigðisráðherra

Marta Jónsdóttir hjúkrunarfræðingur og formaður hjúkrunarráðs Landspítala svarar grein Svandísar Svavarsdóttur heilbrigðisráðherra og segist vona að ekkert alvarlegt gerist á Landspítalanum í sumar þar sem vantar að manna um 100 vaktir.

Auglýsing

Sæl Svan­dís.

Í grein þinni, „Næstu skref“ sem birt­ist í Morg­un­blað­inu þann 16. júní síð­ast­lið­inn, var þér tíð­rætt um næstu skref sem þarf að stíga til að bæta heil­brigð­is­kerf­ið. Talin voru upp mörg verk­efni, bæði sem snúa að Land­spít­ala og öðrum stofn­un­um. Sum­arið er góður tími til að nýta í þágu heild­stæðrar heil­brigð­is­þjón­ustu.

Sum­ar­ið...

Auglýsing

Sum­arið 2018 þegar Land­spít­ali þarf að loka sér­hæfðri bráð­þjón­ustu fyrir hjarta­sjúk­linga í 4 vik­ur, vegna skorts á hjúkr­un­ar­fræð­ing­um.

Sum­arið 2018 þegar fíknig­eð­deild Land­spít­ala lokar í 7 vik­ur, vegna mann­eklu

Sum­arið þegar ljós­mæður standa í harðri kjara­bar­áttu. Margar hafa sagt upp og fyr­ir­séð að ekki verður hægt að halda uppi öruggri þjón­ustu fyrir fæð­andi konur og nýbura eftir 1. júlí.

Sum­arið þegar starfs­fólk Land­spít­ala tjáir sig opin­ber­lega, lýsir yfir áhyggjum af ástand­inu og notar setn­ingar eins og "við erum hrædd um öryggi sjúk­linga".

Sum­arið sem hófst með tæp­lega 50 lok­uðum sjúkra­rýmum á Land­spít­ala,­vegna skorts á hjúkr­un­ar­fræð­ing­um.

Sum­arið þegar heima­hjúkrun höf­uð­borg­ar­svæð­is­ins hefur lýst því yfir að þau kvíði sumr­inu, vegna mann­eklu.

Sum­arið þegar for­dæma­laust álag er á bráða­mót­töku Land­spít­ala, vantar að manna allt að 100 vaktir og það eina sem framundan er, er meira álag. Von­andi ger­ist ekk­ert alvar­legt.

Það er mik­il­vægt að byggja hús, skapa gott umhverfi, hlúa að fram­tíð­inni. Enn mik­il­væg­ara er að hafa í huga að heil­brigð­is­kerfi er og verður ekki byggt upp á hús­um, heil­brigð­is­kerfi er byggt upp af fólki.

Til að hægt sé að bjóða uppá heild­stæða heil­brigð­is­þjón­ustu þarf að bæta kjör heil­brigð­is­stétta. Það er nú eða aldrei, sum­arið er ekki bara góður tími, það er mögu­lega eini tím­inn sem við höf­um.

Höf­undur er hjúkr­un­ar­fræð­ingur og for­maður hjúkr­un­ar­ráðs Land­spít­ala.

Meira úr sama flokkiAðsendar greinar