Vinir og bandamenn

Jón Steindór Valdimarsson þingmaður Viðreisnar segir Ísland eiga að skipa sér í sveit með þeim ríkjum sem vilja verja frjálslyndi og umburðarlyndi, en spyrna gegn popúlisma, þröngsýni, sérhagsmunum, verndar- og einangrunarhyggju á alþjóðavettvangi.

Auglýsing

Hund­rað ár full­veldis og nær 75 ár sjálf­stæðis eru vita­skuld merkir áfangar í sögu Íslands. Margt hefur á daga þjóð­ar­innar drifið á þessum árum bæði í þróun sam­fé­lags­ins sjálfs og ekki síður í heims­málum sem hafa um margt mótað og stýrt því hver fram­vindan hefur orðið hér á landi, til góðs eða ills.

Í öllum aðal­at­riðum hefur Ísland verð heppið á veg­ferð sinni hingað til. Nátt­úru­auð­lind­ir, lega lands­ins og hag­felld áhrif af fram­vindu alþjóða­mála lengst af hefur leitt til þess að íslenskt sam­fé­lag er til fyr­ir­myndar á mörgum svið­um, þó vissu­lega sé það ekki full­kom­ið. Allt er þetta ánægju­efni og gefur til­efni til þess að fagna því sem vel hefur tek­ist.

Frjáls­lyndi er leið­ar­ljós

Eng­inn er eyland. Kraftar að utan hafa áhrif á lífs­kjör á Íslandi. Án far­sælla sam­skipta og sam­vinnu við önnur ríki megum við okkur lít­ils. Þetta hefur alltaf átt við en hefur og mun hafa enn meiri áhrif í fram­tíð­inni. Fyrir okkur Íslend­inga er mik­il­vægt að frjáls­lyndi, umburð­ar­lyndi og opin og hindr­un­ar­laus sam­skipti og við­skipti hafi yfir­hönd­ina í sam­skiptum á alþjóða­vett­vangi. Þess vegna eigum við hik­laust að skipa okkur í sveit með þeim þjóðum og stjórn­mála­öflum á alþjóða­vett­vangi sem hafa þessi mark­mið. Þar eigum við að beita okkur og leggja það af mörkum sem við get­um.

Auglýsing

Góðir vinir og sam­herjar eru gulls ígildi fyrir alla á lífs­leið­inni. Sama gildir í sam­fé­lagi þjóð­anna. Ísland getur valið hverja það kýs að binda trúss sitt við, hvaða þjóðir og alþjóða­sam­tök það vill gera að sínum vinum og banda­mönn­um. Hvaða við­horf, stefnur og strauma það vill kenna sig við og efla.

Skeinu­hættur popúl­ismi

Upp­gangur þröng­sýni, sér­hags­muna, vernd­ar- og ein­angr­un­ar­hyggju og popúl­isma víða í hinum vest­ræna heimi er mikið áhyggju­efni og getur orðið Íslandi og íslenskum hags­munum skeinu­hætt­ur.

Rauna­legt er að horfa til þeirrar þró­unar sem hefur orðið í Banda­ríkj­unum og utan­rík­is­stefnu þeirra undir for­ystu ólík­inda­t­óls­ins Trumps. Ísland hefur löngum litið á Banda­ríkin sem sinn helsta banda­mann og litið mjög til þeirra sem fyr­ir­myndar og stutt á alþjóða­vett­vangi. Úti­lokað er annað en tor­tryggja mjög og gagn­rýna stefnu Trumps. Hún felur í sér grímu­laust aft­ur­hvarf frá þeirri skipan heims­við­skipa sem er okkur Íslend­ingum lífs­nauð­syn­leg. Frjáls­lyndi og umburð­ar­lyndi virð­ist fjærri hug­ar­heimi Trumps og gildir þá einu hvort horft er til mála inn­an­lands eða sam­skipta við önnur ríki á sviði við­skipta eða örygg­is- og varn­ar­mála. Popúl­ism­inn virð­ist taka Banda­ríkin helj­ar­tök­um. Von­andi bráir af þeim fyrr en seinna.

Bret­land er á leið úr Evr­ópu­sam­band­inu. Breskum popúlistum tókst með ósvífnum hætti að draga bresku þjóð­ina í þá ferð með inn­an­tómum fag­ur­gala. Brexit ævin­týrið er allt með hinum mestu ólík­indum og virð­ist eng­inn hvata­maður Brexit hafa hugsað það til enda. Nú stökkva þeir hver um annan þveran frá borði, ráð­herr­arnir David Davis og Boris Johns­son en þeir Mich­ael Gove og Liam Fox vita ekki hvort þeir eru að koma eða fara. Íslenskir ráða­menn hafa sumir hverjir fylgst með þessum kump­ánum fullir aðdá­unar og talið að fram­ganga þeirra myndi færa Íslend­ingum mikil tæki­færi. Þau tæki­færi virð­ast nú eins og hvert annað glópa­gull og þeim fækkar ört í Bret­landi sem hafa trú á því að Bretum farn­ist betur utan Evr­ópu­sam­bands­ins en inn­an.

Vítin ber að var­ast

Þró­unin innan Banda­ríkj­anna og Bret­lands sýnir glöggt að illa getur farið þegar mis­vitrir menn seil­ast til valda með fag­ur­gala og ein­földum lausnum við öllum vanda og benda helst á ímynd­aðan óvin sem öllu veld­ur. Þetta er gömul saga og ný sem fer alltaf á sama veg þó blæ­brigðin séu mis­mun­andi. Sagan endar alltaf illa.

Evr­ópu­sam­bandið hefur ekki farið var­hluta af upp­gangi popúlista innan aðild­ar­ríkja sinna. Hrikt hefur í stoðum sam­bands­ins vegna efna­hags­legra erf­ið­leika og mik­ils álags vegna straums flótta­manna. Þessa áraun hefur Evr­ópu­sam­bandið stað­ist hingað til. Það er hins vegar ekki sjálf­gefið að svo verði áfram tak­ist ekki að veita popúlistum við­nám og frjáls­lynd öfl haldi und­ir­tök­un­um.

Að skipa sér í sveit

Ísland hefur kosið að bind­ast öðrum Evr­ópu­ríkjum föstum bönd­um. Sam­starf Evr­ópu­ríkja er auð­vitað þétt­ast og mest innan Evr­ópu­sam­bands­ins, en hingað til höfum við Íslend­ingar látið okkur duga auka­að­ild að ESB í formi EES-­samn­ings­ins. Það er ekki full­nægj­andi fyrir hags­muni okkar til lengri tíma.

Ísland á að skipa sér í sveit með þeim ríkjum sem hafa með sér nán­ast sam­starf byggt á frjáls­lyndum gildum og mann­rétt­ind­um. Á þeim vett­vangi þarf að leggja öll lóðin á þá vog­ar­skál til þess að styrkja sam­starfið enn frek­ar.

Ísland á að skipa sér í sveit með þeim ríkjum sem geta og vilja verja frjáls­lyndi og umburð­ar­lyndi, en spyrna gegn popúl­is­ma, þröng­sýni, sér­hags­mun­um, vernd­ar- og ein­angr­un­ar­hyggju á alþjóða­vett­vangi.

Ísland á að skipa sér í sveit með þeim ríkjum sem hafa með sér sam­vinnu og sam­starf sem skapar íslenskum heim­ilum og atvinnu­lífi tæki­færi á við það sem best þekkist, hvort sem horft er til lífs­kjara, vaxta, efna­hags­legs stöð­ug­leika, sam­keppn­is­stöðu eða vaxt­ar­skil­yrða fyrir hug­vit og nýsköp­un.

Vel er við hæfi að íhuga á þessum tíma­mótum hvernig full­veldi Íslands og sjálf­stæði verði fund­inn bestur far­vegur til hag­sældar og vel­ferðar um kom­andi ár.

Höf­undur er þing­maður Við­reisn­ar.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Þorsteinn Már stígur til hliðar sem forstjóri Samherja
Þorsteinn Már Baldvinsson hefur ákveðið ða stíga til hliðar sem forstjóri Samherja á meðan að rannsókn á viðskiptaháttum fyrirtækisins í Namibíu og víðar stendur yfir. Björgólfur Jóhannesson tekur við.
Kjarninn 14. nóvember 2019
Farið fram á að rannsóknarnefnd verði skipuð um fjárfestingarleiðina
Þrír stjórnmálaflokkar leggja til að skipuð verði rannsóknarnefnd um fjárfestingarleið Seðlabanka Íslands. Hún á að greina hvaðan þeir tugir milljarðar króna sem færðir voru inn í landið í gegnum hana komu og opinbera hverjir fengu að nýta sér leiðina.
Kjarninn 14. nóvember 2019
Gunnar Hólmsteinn Ársælsson
Fiskar sá sem rær
Kjarninn 14. nóvember 2019
Miðflokkurinn fékk 81 milljón króna í ríkisframlög
Miðflokkurinn er búinn að hreinsa upp skuldir sem hann stofnaði til þegar hann tók þátt í þingkosningunum 2017. Eigið fé flokksins fór úr því að vera verulega neikvætt 2017 í að vera jákvætt í fyrra, að uppistöðu vegna ríkisframlaga.
Kjarninn 14. nóvember 2019
Skúli í Subway ákærður ásamt samstarfsmönnum
Ákæran byggir á því að millifærslur af reikningum félags, í aðdraganda gjaldþrots þess, hafi rýrt virði félagsins og kröfuhafa þess.
Kjarninn 13. nóvember 2019
Guðlaugur Þór: Ekki gott fyrir orðspor Íslands erlendis
Afhjúpandi umfjöllun Kveiks á RÚV, sem byggir á 30 þúsund skjölum sem Wikileaks hefur birt, hefur dregið mikinn dilk á eftir sér.
Kjarninn 13. nóvember 2019
SFS: Alvarlegar ásakanir og allir verða að fara að lögum
Samtök fyrirtækja í sjávarútvegi segja að það sé sjálfsögð krafa að öll fyrirtæki fari að lögum.
Kjarninn 13. nóvember 2019
Eimskip lækkaði um tæp fimm prósent – Samherji stærsti hluthafinn
Félög í Kauphöllinni þar sem Samherji er stór hluthafi lækkuðu í virði í dag.
Kjarninn 13. nóvember 2019
Meira úr sama flokkiAðsendar greinar