Hversu dimmt mun það verða?

Jón Kalman rithöfundur fjallar um heimsókn Piu Kjærsgaard til Íslands og uppgang fasisma í Evrópu í aðsendri grein. Hún birtist fyrst á dönsku í blaðinu Information.

Auglýsing

Pia Kjærs­gaard virð­ist aldrei efast um skoð­anir sín­ar. Hún hefur skýra sýn á heim­inn og finnur auð­veldar lausnir á flóknum vanda­mál­um. Sama gildir um skoð­ana­systk­ini hennar víða um heim, svo sem Don­ald Trump og Mar­ine Le Pen. Ein­faldar lausnir á flóknum vanda­mál­um, ein­föld svör við marg­slungnum spurn­ing­um. Deil­urnar sem hafa sprottið upp í kjöl­far heim­sóknar hennar til Íslands sýna þetta ágæt­lega. Pia Kjærs­gaard skrif­aði nýlega í Information:

„I beg­yndel­esen handlede det mest om en hånd­fuld anar­kisti­ske medlemmer fra Pirat­partiet samt en enkelt soci­alde­mokrat, der på grund af min per­son for­lod stedet ved Thing­vell­ir, da jeg på vegna af Fol­ket­inget skulle tale i anledn­ingen af 100-året for den islandske selvstændig­hed.“

Þetta er mikil ein­föld­un. Við­brögð þing­manna Pírata (að kalla þá anar­kista er dap­ur­lega ódýr brella) og þing­manns Soci­alde­mokrat voru ein­ungis topp­ur­inn á ísjak­an­um.

Dag­ana á undan hafði vænt­an­leg koma Piu Kjærs­gaard, sem var heið­urs­gestur Alþing­is­há­tíð­ar­inn­ar, valdið tals­verðum deilum í íslenska sam­fé­lag­inu, og voru við­brögð þing­manna senn hluti og beint fram­hald af þeim. En heim­sókn Kjærs­gaard og deil­urnar sem henni fylgdu sýndu þó fyrst og fremst tvennt. Það fyrra snýr nær ein­göngu að Íslandi, hið síð­ara er hins­vegar mun stærra, þar er heim­ur­inn allur und­ir.

Auglýsing

Ekk­ert til sem heitir frípassi

Stutt og laggott: að Alþingi Íslend­inga hafi ákveðið að bjóða for­seta danska þjóð­þings­ins, Piu Kjærs­gaard, að vera heið­urs­gestur og ræðu­maður á 100 ára full­veld­is­há­tíð­inni, lýsir í besta falli ævin­týra­legu takt­leysi, í versta falli slá­andi and­vara­leysi. Sú ákvörðun hefði þó hugs­an­lega ekki átt að koma mjög á óvart.

Við Íslend­ingar virð­umst nefni­lega stundum líta svo á, að við séum á ein­hvers­konar frípassa. Að þar sem við erum svo smá og fá, sæt og langt í burtu, þurfum við ekki að taka afstöðu í mál­efnum heims­ins. Við erum krútt sem berum enga ábyrgð. Erum á frípassa, og þar með í fínu lagi að fá danskan stjórn­mála­mann með afar umdeildar skoð­an­ir, til að halda hátíð­ar­ræðu á Þing­völlum – tákn­ræn­asta stað Íslands.

Stjórn­mála­mann sem talar fyrir eins­leitni, álítur sína menn­ingu fremri, betri en menn­ingu ann­arra, og leggur áherslu á að halda henni hreinni. Ein­hvern tím­ann hefðu slíkar skoð­anir verið kenndar við ras­isma. Áköf við­brögð almenn­ings hér á Íslandi, reiði, dep­urð og skömm yfir þess­ari ákvörðun gefur manni þá veiku von, að við séum að átta okkur á því að það sem hér er sagt og gert, sé ósjálfrátt hluti af umræðu heims­ins.

Að þótt Alþingi okkar virð­ist ennþá statt ein­hvers staðar í kringum 1970, þá sé almenn­ingur að átta sig á því að það er ekk­ert til sem heitir frípassi – allir beri ábyrgð á jörð­inni, hvar sem þeir búa. Og að sú ábyrgð sé mik­il, því dökk ský hrann­ast nú yfir heim­in­um. Eða með orðum Dyl­ans: It´s not dark yet, but it´s gett­ing there.

Hatur eða þrá eftir mann­úð?

Í sæmi­lega óbrjál­uðum heimi ætti það ekki að skapa neinn óróa eða deilur að bjóða for­seta Danska þjóð­þings­ins að halda ræðu á hátíð­ar­stund á Íslandi. Saga þess­ara tveggja þjóða var lengi sam­tvinn­uð, Kaup­manna­höfn höf­uð­borg Íslands í ald­ir, götur hennar og hús geyma hluta af sögu lands­ins.

En við lifum ekki lengur í óbrjál­uðum heimi. Við lifum tíma þar sem mann­eskja á borð við Piu Kjærs­gaard er for­seti Danska þings­ins, og þar með full­trúi þess út á við – hún er það and­lit danska þings­ins sem snýr að heim­in­um. Sem þýðir að skoð­anir hennar eru ekki lengur taldar „ekstrem“, heldur eðli­legur hluti af umræð­unni. Og hún er heið­urs­gestur Íslenska Alþingis á sama tíma og Steve Bann­on, mað­ur­inn sem kom Trump til valda, fer um Evr­ópu til að sam­eina hægri­s­inn­aða popúlista í eina blokk, með það mark­mið að yfir­taka Evr­ópu­sam­band­ið.

Í hinum danska hvers­degi virð­ist deilan í kringum heim­sókn Piu Kjærs­gaard til Íslands sjálf­sagt heldur ómerki­leg. Kjarni deil­unnar er hins­vegar sá að danska þingið hefur verð­launað mann­eskju sem, eins og Trump, eins og Mar­ine Le Pe, stendur fyrir mann­fjand­sam­legar skoð­an­ir. Það var klaufa­legt dóm­greind­ar­leysi hjá for­seta hins íslenska Alþingis að bjóða henni hing­að, við­kom­andi ætti að biðj­ast afsök­un­ar, standa upp úr stól sínum og hleypa öðrum að.

Ég held hins­vegar að sterk við­brögð Íslend­inga við heim­sókn Piu Kjærs­gaard hafi sum­part stafað af því að við höfðum ein­fald­lega ekki gert okkur í hug­ar­lund að stjórn­mála­maður með hennar skoð­anir gæti orðið and­lit danska þings­ins út á við. Steven Bannon er að safna liði. Hann er að sam­eina þá sem boða ein­föld svör við flókn­um, marg­slungnum málum sam­tím­ans. Við sjáum það hjá Trump, við sjáum það í sögu fas­ism­ans á fjórða ára­tug síð­ustu ald­ar, að slík svör hafa ætíð í för með sér harka­lega mis­mun­un, ein­angr­un­ar­hyggju, grimmara sam­fé­lag. Að Pia Kjærs­gaard geti verið full­trúi Danska þings­ins, að for­sæt­is­ráð­herra Ítalíu er aðdá­andi Pútíns og sam­stíga Tump í mörgum mál­um, að Pól­land, Aust­ur­ríki, Ung­verja­land séu á hraðri leið frá lýð­ræð­inu inn í dimman faðm fas­ism­ans …

Þegar allt kemur til alls snú­ast deil­urnar um heim­sókn Kjærs­gaard til Íslands um þessa spurn­ingu hér: Eigum við að sam­þykkja það bar­áttu­laust að fas­ism­inn fari nú um hinn vest­ræna heim, fal­inn bak­við við grímu lýð­ræð­is, og boði fram­tíð þar sem hatur og óþol á skoð­unum ann­arra komi í stað sam­ræðu og þrá eftir mann­úð?

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Ungmenni mótmæla aðgerðum stjórnvalda í loftslagsmálum.
„Loftslagsváin fer ekki í sumarfrí“
Ungmenni á Íslandi halda áfram að fara í verkfall fyrir loftslagið þrátt fyrir COVID-19 faraldur og sumarfrí. Greta Thunberg hvetur jafnframt áfram til mótmæla.
Kjarninn 9. júlí 2020
Afkoma ríkissjóðs jákvæð um 42 milljarða í fyrra
Tekjur ríkissjóðs námu samtals 830 milljörðum króna í fyrra en rekstrargjöld voru 809 milljarðar. Fjármagnsgjöld voru neikvæð um 57 milljarða en hlutdeild í afkomu félaga í eigu ríkisins jákvæð um 78 milljarða.
Kjarninn 9. júlí 2020
Guðmundur Hörður Guðmundsson
Menntamálaráðherra gleymdi meðalhófsreglunni
Kjarninn 9. júlí 2020
Kári Stefánsson, forstjóri ÍE.
„Þetta verður í fínu lagi“
Forstjóri Íslenskrar erfðagreiningar segir að starfsfólk fyrirtækisins muni rjúka til og hjálpa við skimun ef Landspítalinn þurfi á því að halda. Spítalinn sé þó „ágætlega í stakk búinn“ til þess að takast á við verkefnið.
Kjarninn 9. júlí 2020
Þórólfur Guðnason sóttvarnalæknir.
Þórólfur: Erum að beita öllum ráðum í bókinni
Sóttvarnalæknir segist ekki áforma að mæla með rýmkuðum reglum um fjöldatakmörk á samkomum á næstunni. Líklega muni núverandi takmarkanir, sem miða við 500 manns, gilda út ágúst.
Kjarninn 9. júlí 2020
Opnað fyrir umsóknir um stuðningslán
Stuðningslán til smærri og meðalstórra fyrirtækja geta að hámarki numið 40 milljónum króna. Þó geta þau ekki orðið hærri en sem nemur tíu prósentum af tekjum fyrirtækis á síðasta rekstrarári.
Kjarninn 9. júlí 2020
Icelandair mun flytja á annað þúsund manns á milli Kaliforníu og Armeníu
Íslenska utanríkisþjónustan aðstoðaði við sérstakt verkefni á vegum Loftleiða Icelandic.
Kjarninn 9. júlí 2020
Tilraunir með Oxford-bóluefnið í mönnum eru hafnar í þremur löndum, m.a. Suður-Afríku.
Oxford-bóluefnið þykir líklegast til árangurs
Ef tilraunir með bóluefni sem nú er í þróun við Oxford-háskóla skila jákvæðum niðurstöðum á næstu vikum verður hugsanlega hægt að byrja að nota það í haust.
Kjarninn 9. júlí 2020
Meira úr sama flokkiAðsendar greinar