Sölu­síður á net­inu selja gist­ingu hér á landi án þess aðskila virð­is­auka­skatt­i eða g­istin­átta­gjald­i. A­ir­bn­b er þar lang umsvifa­mest, en fjöldi ann­arra sölu­síðna eru drjúg­ar. Sumar þeirra eru skráðar hér á landi og aðrar erlend­is.

Hvernig stendur á því að þessir sölu­að­ilar kom­ist upp með að inn­heimta ekki rétta skatta og gjöld af þjón­ustu sem veitt er á Íslandi? Skatt­skyldan sem slík fer ekk­ert fer á milli mála. Sölu­síð­urnar eru selj­endur þjón­ust­unn­ar, ekki við­kom­andi íbúð­ar- eða hús­eig­andi. Samt kom­ast þær að mestu hjá því að inn­heimta og skila 11% virð­is­auka­skatti af seldri gist­ingu, svo og g­istin­átta­gjald.

Hvers vegna sækja yfir­völd ekki þann rúma millj­arð sem þessar sölu­síður ættu með réttu að skila í stað þess að reyna enda­laust að leggja nýja skatta eða gjöld á ferða­þjón­ust­una?

 Ís­lenskt skatta­skjól

Er skýr­ingin hugs­an­lega sú að áhrifa­miklir ein­stak­lingar þvælist fyr­ir? Fólk sem hefur sjálft tekjur af þess­ari skatt­frjálsu útleigu? Eig­endur íbúð­anna skipta jú þús­undum og þá er að finna um allt þjóð­fé­lag­ið, innan sem utan stjórn­kerf­is­ins. Þeirra hagur er að virð­is­auka­skattur eða g­istin­átta­gjald bæt­ist ekki við reikn­ing­inn ­sem ferða­mað­ur­inn greið­ir, því búð­ar­eig­and­inn ber þá minna úr být­um.

Síðan hvenær lætur rík­is­valdið millj­arða króna tekju­mögu­leika fram hjá sér fara? Hverjir standa á brems­unni til að skapa sér prí­vat skatta­skjól?

Það er ekk­ert mál að skikka A­ir­bn­b, ­Book­ing, Vi­ator, Ex­pedi­a, Tra­velocity, Rent­in­Reykja­vik og aðra til að standa skil á fullum sköttum og gjöldum af seldri þjón­ustu. Þetta er ekk­ert snún­ara en að láta okkur hin borga skatta.

Hefur ekk­ert með 2 m­kr. mörkin að gera

Til að forð­ast mis­skiln­ing er rétt að benda á að þó ekki þurfi að inn­heimta - og þar með að skila virð­is­auka­skatti og g­istin­átta­gjald­i af sölu gist­ingar undir 2 millj­ónum króna á ári, þá hefur það ekk­ert að gera með millj­arða króna sölu A­ir­bn­b eða ann­arra sölu­fyr­ir­tækja á net­inu. Tveggja millj­óna markið er sett til hag­ræðis fyrir skatt­yf­ir­völd ann­ars vegar og umsvifa­lít­ils ­rekst­urs ein­stak­linga hins veg­ar. En að sjálf­sögðu eiga fyr­ir­tæki á borð við A­ir­bn­b að skila sköttum og gjöldum af allri sölu sölu­veltu, enda með tölu­vert hærri veltu en tvær millj­ónir á ári. 

Höf­undur er stjórn­ar­for­mað­ur­ Gray Line.