Fjár­mála­á­ætlun mætti gagn­rýni þar sem sumir vildu meiri útgjöld. Öðrum þóttu útgjöldin of mik­il. Sömu raddir heyr­ast í dag um fjár­lög árs­ins 2019, en við sem að mál­inu stöndum teljum að þrátt fyrir að útgjöld séu aukin veru­lega séum við ekki að eyða um efni fram.

En hluti þess­arar mikla útgjalda­aukn­ingar er til að auka jöfnuð í sam­fé­lag­inu. En það er ekki aðeins mik­il­vægt fyrir þá sem eru verst sett­ir, heldur varðar  það okkur öll. Í jafn­ari sam­fé­lögum lifir fólk leng­ur, börnum gengur betur í skóla og fólki líður almennt bet­ur.

Í öðrum fjár­lögum rík­is­stjórn­ar­innar er m.a. lögð áhersla á auk­inn stuðn­ing við börn og barna­fjöl­skyldur og hækkun greiðslna til for­eldra í fæð­ing­ar­or­lofi . Þá gerum við breyt­ingar á tekju­skatts­kerf­inu í átt til meira rétt­læt­is.

Við styðjum við barna­fólk

Við for­gangs­röðum í þágu barna og tekju­lágra fjöl­skyldna enda á ekk­ert barn að þurfa að búa við skort. Um það erum við öll sam­mála, að slíkt eigi ekki að líð­ast í okkar ríka landi. Ég hef líka þá trú að við séum öll sam­mála um það að fólk sem vinnur fulla vinnu, þótt það sé á lágum laun­um, á aldrei að þurfa ala börn sín upp í fátækt. Rík­is­stjórnin vill leggja sitt af mörkum til að tryggja það og stígur hér fyrsta skrefið í breyt­ingu á sam­spili tekju­skatts- og bóta­kerfa. Lögð er til aukn­ing á barna­bót­um, þar sem fjár­hæða og við­mið­un­ar­mörk eru hækk­uð, sem á að skila sér til tekju­lægri hópa, við­mið­un­ar­fjár­hæðir vaxta­bóta eru hækk­aðar og per­sónu­af­slátt­ur­inn er hækk­aður umfram vísi­tölu enda kemur það tekju­lágum betur heldur en flöt lækkun skatta.  Við viljum for­gangs­raða til þeirra sem þurfa.

Rétt­lát­ara sam­fé­lag

Við í Vinstri­hreyf­ing­unni grænu fram­boði viljum að allir spili eftir sömu regl­um. Verka­lýðs­hreyf­ingin hefur bent á það órétt­læti að þegar laun á hátekju­fólk hækk­aði umfram verð­lag þá breytt­ist skatt­byrði þess ekki, en þegar laun á lágar tekjur hækk­uðu umfram verð­lag þá hækk­aði skatt­byrði þess. Með því að tengja efra skatt­þrep við neyslu­vísi­tölu gengur hið sama yfir alla.

Allt eru þetta aðgerðir til þess að skapa hér rétt­lát­ara og betra sam­fé­lag. Við í Vinstri­hreyf­ing­unni grænu fram­boði sögðum fyrir kosn­ingar að við vildum stuðla að mann­sæm­andi kjörum og friði á vinnu­mark­aði. Við hófum þá veg­ferð strax með fyrstu fjár­lögum rík­is­stjórnar Katrínar Jak­obs­dóttur og bætum um betur í þessum fjár­lögum og við munum halda áfram og gera enn bet­ur.

Höf­undur er þing­maður Vinstri grænna.