„Hún snýst nú samt“

Þorsteinn Víglundsson segir samband launa og verðlags ekki vera einhvern áróður atvinnurekenda, heldur niðurstöðu endalausra rannsókna hagfræðinga – erlendra sem innlendra.

Auglýsing

Um sumar staðreyndir er ekki lengur deilt. Jörðin er hnöttótt og snýst umhverfis sólu. Sá sem heldur öðru fram er ekki tekinn alvarlega. En ýmsar aðrar staðreyndir eru umdeildar, en staðreyndir engu að síður. Of miklar launahækkanir valda verðbólgu. Á það hefur ítrekað verið sýnt fram á. Óteljandi rannsóknir fræðimanna liggja fyrir á þessu sambandi launahækkana og verðlags. Engu að síður hefur ný forysta verkalýðshreyfingarinnar hafnað þessu sambandi. Kallar það „viðbjóðslegan hræðsluáróður“, „orðræðu spunameistara auðvaldsins“, „margtuggna og örþreytta söguskoðun sem standist ekki“.

Það er svo sem ekkert nýtt að það taki vísindamenn talsverðan tíma að ná fram almennri viðurkenningu á uppgötvunum sínum og rannsóknum. Við töldum til að mynda lengi vel jörðina vera miðpunkt alheimsins. Kópernikus og Galíleó sýndu hins vegar fram á að jörðin snérist um sólu en ekki öfugt. Hin síðarnefndi var þó þvingaður af páfa til að afneita þeim staðhæfingum sínum opinberlega en muldraði um leið í barm sér þessi frægu orð: „Hún snýst nú samt“. Ísak Newton rak svo smiðshöggið á sólmiðjukenninguna með kenningu sinni um þyngdarlögmálið. Engu að síður eru til skoðanakannanir sem sýna að um fjórðungur Bandaríkjamanna trúi því að sólin snúist um jörðu. Raunar sýna kannanir einnig að um 2% trúi því enn að jörðin sé flöt. Þó svo fjórðungur Bandaríkjamanna trúi ekki sólmiðjukenningunni er hún engu að síður margsönnuð staðreynd. Sama hversu flöt jörðin kann að virðast okkur á yfirborði hennar vitum við að hún er það ekki.

Verkalýðshreyfingin er mjög mikilvægt afl. Sterk verkalýðshreyfing á Norðurlöndunum er ein megin ástæða þess að jöfnuður er þar mjög mikill í alþjóðlegum samanburði og kaupmáttur sömuleiðis. Í öllum þessum löndum er verkalýðshreyfingin eitt valdamesta hreyfiafl samfélagsins, líkt og hér á landi. Í þessum löndum átta forystumenn verkalýðshreyfingarinnar sig glögglega á ábyrgð sinni þegar kemur að efnahagslegum stöðugleika. Kaupmáttur verði best aukinn jafnt og þétt yfir löng tímabil og ekki sé síður mikilvægt að vinnumarkaðurinn stuðli að stöðugleika, lágri verðbólgu og lágu vaxtastigi. Þannig sé best unnið að hagsmunum launþega, enda grefur verðbólga undan kaupmætti og kostnaðinn af háu vaxtastigi þekkjum við allt of vel.

Auglýsing

En svo er því ekki farið hér á landi. Ábyrgðarleysi verkalýðsforystunnar hér er algert. Margsönnuðum efnahagslegum staðreyndum er hafnað með órökstuddum staðhæfingum og ráðist að hverjum þeim sem andmælir með fúkyrðum og svívirðingum. Hvernig stendur á því að forysta verkalýðshreyfingarinnar leyfir sér að hafna þeirri staðreynd að launahækkanir hafi áhrif á verðbólgu, án þess að gera einu sinni minnstu tilraun til að færa sönnur fyrir máli sínu? Þetta samband launa og verðlags er ekki einhver áróður atvinnurekenda. Þetta er niðurstaða endalausra rannsókna hagfræðinga, erlendra sem innlendra. Norræn verkalýðsfélög draga ekki þessa staðreynd í efa heldur þvert á móti hampa ábyrgð sinni í þessum efnum og semja ekki um launahækkanir sem ógna verðstöðugleika. Þau vita sem er að launþegar bera á endanum kostnaðinn af ábyrgðarleysinu.

Það má auðvitað líka velta fyrir sér hvers vegna samtök atvinnurekenda tala um mikilvægi efnahagslegs stöðugleika en neita að ræða kostnaðinn af krónunni. Við borgum 200 milljarða á ári fyrir hana. Flest fyrirtæki sem það mega eru löngu búin að segja skilið við krónuna. Samt styðja helstu hagsmunasamtök í atvinnulífinu það að almenningur skuli áfram búa við þennan rándýra gjaldmiðil. Það er hins vegar efni í aðra grein.

Höfundur er þingmaður Viðreisnar. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Baldur Thorlacius
Áfram gakk og ekkert rugl
Kjarninn 22. júní 2021
Sema Erla telur að dómsmálaráðherra og staðgengill Útlendingastofnunar ættu að segja starfi sínu lausu.
„Ómannúðlegar, kaldrifjaðar og forkastanlegar“ aðgerðir ÚTL
Formaður Solaris segir að aðgerðir Útlendingastofnunar séu okkur sem samfélagi til háborinnar skammar – að æðstu stjórnendur útlendingamála gerist sekir um ólöglegar aðgerðir gegn fólki á flótta.
Kjarninn 22. júní 2021
Þorsteinn Már Baldvinsson, forstjóri Samherja, ásamt samstarfsaðilum frá Namibíu er þeir komu í heimsókn til Íslands.
Samherji „hafnar alfarið ásökunum um mútugreiðslur“
Starfshættir Samherja í Namibíu, sem voru að frumkvæði og undir stjórn Jóhannesar Stefánssonar, voru látnir viðgangast allt of lengi og hefði átt að stöðva fyrr. Þetta kemur fram í „yfirlýsingu og afsökun“ frá Samherja.
Kjarninn 22. júní 2021
Afsökunarbeiðnin sem birtist í Fréttablaðinu og Morgunblaðinu í morgun. Undir hana skrifar Þorsteinn Már Baldvinsson, forstjóri Samherja.
Samherji biðst afsökunar á starfseminni í Namibíu: „Við gerðum mistök“
Forstjóri Samherja skrifar undir afsökunarbeiðni sem birtist í á heilsíðu í tveimur dagblöðum í dag. Þar segir að „ámælisverðir viðskiptahættir“ hafi fengið að viðgangast í starfsemi útgerðar Samherja í Namibíu.
Kjarninn 22. júní 2021
Neyðarástandi vegna faraldurs kórónuveiru var aflétt í Tókýó í gær.
Allt að tíu þúsund áhorfendur á hverjum keppnisstað Ólympíuleikanna
Ákvörðun hefur verið tekin um að leyfa áhorfendum að horfa á keppnisgreinar Ólympíuleikanna á keppnisstað en Japönum einum mun verða hleypt á áhorfendapallana. Ólympíuleikarnir í Tókýó hefjast þann 23. júlí.
Kjarninn 21. júní 2021
Gunnar Hólmsteinn Ársælsson
Aðförin að lýðræðinu
Kjarninn 21. júní 2021
Guðrún Johnsen hagfræðingur og lektor við Viðskiptaháskólann í Kaupmannahöfn.
Segir dálkahöfundinn Tý í Viðskiptablaðinu hafa haft sig á heilanum í meira en áratug
Guðrún Johnsen hagfræðingur segir allt sem hún hafi sagt í viðtali við RÚV um sölu á Íslandsbanka í byrjun árs hafa gengið eftir. Afslátturinn sem hafi verið gefinn á raunvirði bankans sé 20-50 prósent.
Kjarninn 21. júní 2021
Tæpum helmingi íslenskra blaðamanna verið ógnað eða hótað á síðustu fimm árum
Samkvæmt frumniðurstöðum úr nýrri rannsókn um þær ógnir sem steðja að blaðamönnum kemur fram að helmingur blaðamanna hafi ekki orðið fyrir hótunum á síðustu fimm árum. Töluvert um að siðferði blaðamanna sé dregið í efa.
Kjarninn 21. júní 2021
Meira úr sama flokkiAðsendar greinar