Í fjár­hags­á­ætlun Garða­bæjar gengur meiri­hlut­inn út frá óbreyttri þjón­ustu. Garða­bæj­ar­list­inn saknar auk­ins fjár­magns í þágu barna og ung­menna, barna­fjöl­skyldna og aldr­aðra. Garða­bæj­ar­list­inn vill gera miklu betur á þessum sviðum og leggur því fram breyt­ing­ar­til­lög­ur. Sveit­ar­fé­lagið stendur afar vel og getur lagt meira af mörkum til vel­ferðar íbúa sinna.

Garða­bær er öfl­ugt sveit­ar­fé­lag á stærð við úthverfi Reykja­vík­ur, enda hefur verið litið svo á að sveit­ar­fé­lagið hafi efni á margra millj­arða fram­kvæmd við bygg­ingu fjöl­nota íþrótta­húss. Við hlið slíkrar stór­fram­kvæmdar bliknar föst pró­senta í félags­legar íbúð­ir, þar sem farið verður í að byggja upp hverfi. Og við hlið slíkrar millj­arða­fram­kvæmdar er aumt að bjóða upp á 5 millj­ónir króna til að tryggja öryggi, festu og vel­ferð fatl­aðra barna og ung­menna og barna og ung­menna af erlendum upp­runa með þátt­töku í frí­stund, íþrótta- og tóm­stunda­starfi innan bæj­ar­fé­lags­ins.

Ef vel stætt og öfl­ugt bæj­ar­fé­lag á stærð við úthverfi Reykja­víkur hefur efni á margra millj­arða íþrótta­húsi þá er hæg­lega hægt að:

• byggja til fram­tíð­ar, taka sam­fé­lags­lega ábyrgð og fjár­festa í öryggi allra
  
  
• halda gjald­skrá leik­skóla óbreyttri
  
  
• efla lýð­heilsu eldri borg­ara enn frekar
  
  
• styðja við barn­margar fjöl­skyldur með hærri hvata­pen­ing­um,
  
  

svo aðeins séu nefnd dæmi um mögu­leik­ana er fyrir hendi eru í bæj­ar­fé­lagi, sem áætlar að skila rétt undir millj­arði króna í hagnað á einu kjör­tíma­bili.

Og það þrátt fyrir margra millj­arða fram­kvæmd í þágu íþrótta­starfs bæj­ar­ins.

Það er ein­læg von okkar sem stöndum að Garða­bæj­ar­list­anum að sam­tal okkar við meiri­hlut­ann um þessar áherslur leiði til góðs í þágu alls sam­fé­lags­ins. Það þarf vissu­lega að tryggja stöðugan rekstur og leggja upp með ábyrga fjár­mála­stefnu, en um leið þarf að gæta jafn­vægis og treysta inn­við­ina með því að fjár­festa í vel­ferð fyrir alla. Vel­ferð íbúa hvar sem þeir standa óháð lífs­gæðum má aldrei stefna í hættu. Skylda hvers sveit­ar­fé­lags felst í að tryggja öryggi og festu fyrir íbúa þess, ekki síður en öryggi og festu í rekstri.

Þegar Garða­bæj­ar­list­inn leggur mann­bæt­andi breyt­ing­ar­til­lögur fyrir bæj­ar­stjórn hlýtur meiri­hlut­inn að styðja þær og sam­þykkja.

Höf­undur er odd­viti Garða­bæj­ar­list­ans.