Kaffitímaspjall

Soffía Sigurðardóttir segir að sú tillaga SA að mæta kröfum um styttingu vinnutíma verkafólks með því að stytta kaffitímana eða fella þá alveg niður, komi frá stjórnendum sem kunni ekki að vinna.

Auglýsing

Mik­il­væg­asti vinnu­tím­inn á hverjum vinnu­stað er í kaffi­tíma­spjall­inu. Að borða saman er veiga­mikil félags­leg athöfn sem bætir tengsl þeirra sem saman koma. Þar til við­bótar eru þessir afmörk­uðu og óform­legu fundir sam­starfs­fólks á kaffi­stof­unni skil­virkasta leiðin til að miðla reynslu, upp­lýs­ingum og hug­mynd­um, koma á fram­færi kvört­unum og stinga upp á úrbót­um.

Vinnu­staður sem á ekki góða kaffi­stofu er ekki góður vinnu­stað­ur.

Á góðum vinnu­stað vinnur fólk sem deilir sam­eig­in­legum áhuga á við­fangs­efnum vinnu­stað­ar­ins. Það þarf ekki að vera svo að fólk tali bara um vinn­una í kaffi­tímunum og á endi­lega ekki að vera svo. Allir tím­arnir sem fara í að spjalla um dag­inn og veg­inn, spyrja ráða og miðla reynslu af mat­reiðslu, barna­upp­eldi og bíla­við­gerðum eða segja sögur af sveit­ungum og ferða­lög­um, allir þeir tímar virkja tengsla­myndun sam­starfs­fólks­ins og til­finn­ing­una fyrir að vera hluti af heild.

Auglýsing
Sérhver vinnu­staður er sam­starfs­verk­efni allra þeirra sem þar vinna. Þegar fólk sér sig og sam­starfs­fólk sitt sem sam­herja á vinnu­stað þá er það af því það hefur sjálft áhuga á starfi sínu og deilir þeim áhuga með áhuga­sömu sam­starfs­fólki. Þá verður til sam­tal um stórt og smátt í starf­inu, þar miðl­ast upp­lýs­ingar um fram­gang verks, biluð tæki, til­lögur að úrlausnum, áminn­ingar um það sem þurfi að gæta að, hug­myndir um nýj­ung­ar, lausnir á sam­skipta­vanda, hvatn­ing, hrós og skammir yfir því sem miður hefur far­ið. Áhuga­samt fólk sækir sér líka upp­lýs­ingar utan vinnu­stað­ar­ins og á kaffi­stof­unni miðlar það reynslu frænda síns eða frú Gúgglu um fram­leiðslu­að­ferð­ir, tækninýj­ung­ar, upp­eld­is­kenn­ing­ar, kennslu­efni, vís­inda­rann­sókn­ir, ræst­inga­vörur og mark­aðstæki­færi.

Góðir stjórn­endur eru þátt­tak­endur á kaffi­stof­unni og kunna að nýta hana bæði til að hlusta og til að miðla. Þess vegna á kaffi­stofan að vera sam­eig­in­legt rými allra starfs­manna, stjórn­enda, sér­fræð­inga og allra hinna. Mik­il­væg­asta aðsetur þró­un­ar­deildar vinnu­staðar er kaffi­stofa hans. Með góðri kaffi­stofu má spara heil­mik­inn tíma í und­ir­bún­ing form­legra starfs­manna­funda og sam­an­lögðum tíma allra þeirra sem sitja þá. Á kaffi­stof­unni kemur líka svo margt fram sem aldrei kæmi fram á form­legum starfs­manna­fundi af því form þeirra hentar ekki öll­um.

Sú til­laga SA að mæta kröfum um stytt­ingu vinnu­tíma verka­fólks með því að stytta kaffi­tím­ana eða fella þá alveg nið­ur, kemur frá stjórn­endum sem kunna ekki að vinna. Fólk sem kann ekki að vinna á ekki að fást við að stjórna vinnu­stöð­um. Það endar bara á því að reita hár sitt og ráða almanna­tengil til að skrifa fyrir sig afsök­un­ar­bréf sem endar á VÁ!



Úthluta 250 milljónum til uppbyggingar á rafbílahleðslustöðvum
Orkusjóður hefur auglýst fjárfestingarstyrki til uppbyggingar á hleðslustöðvum fyrir rafbíla en í heildina verður úthlutað 250 milljónum. Styrkirnir eru hluti af aðgerðaáætlun ríkisstjórnarinnar vegna orkuskipta í samgöngum á árunum 2019 til 2020.
Kjarninn 18. júní 2019
Guðmundur Andri Thorsson
Um Íra og okkur, Englendinga og Dani
Kjarninn 17. júní 2019
Ólíklegt að Max vélarnar fari í loftið fyrr en í desember
Óvissa ríkir um hvenær 737 Max vélarnar frá Boeing fara í loftið. Miklir hagsmunir eru í húfi fyrir Icelandair og íslenska ferðaþjónustu.
Kjarninn 17. júní 2019
Helga Dögg Sverrisdóttir
Danska menntamálaráðuneytið hefur útbúið leiðavísi vegna ofbeldis í garð kennara
Kjarninn 17. júní 2019
Íslendingar verða varir við samkeppnisvandamál á matvörumarkaði
Íslendingar mest varir við skort á samkeppni í farþegaþjónustu
Íslendingar verða mest varir við samkeppnisvandamál í farþegaþjónustu, fjármálaþjónustu og matvælamarkaði samkvæmt könnun MMR. Þá var hátt verð og lítill marktækur munur á verði nefnd sem helstu vandamál markaðanna.
Kjarninn 17. júní 2019
Forseti Íslands ásamt þeim sem hlutu fálkaorðuna 2019.
Sextán sæmdir fálkaorðunni á Bessastöðum
Guðni Th. Jóhannesson, forseti Íslands, sæmdi 16 Íslendinga heiðursmerki hinnar íslensku fálkaorðu á Bessastöðum í dag.
Kjarninn 17. júní 2019
Björn Gunnar Ólafsson
Mældu rétt strákur
Kjarninn 17. júní 2019
Katrín Jakobsdóttir, forsætisráðherra Íslands flytur ávarp 17. júní 2019.
Katrín: Það getur allt breyst, líka það sem virðist klappað í stein
Forsætisráðherra fjallaði meðal annars um loftslagsmál í ávarpi sínu á Austurvelli í dag.
Kjarninn 17. júní 2019
Meira úr sama flokkiAðsendar greinar