Sex milljón silfurpeningar

Jóhann S. Bogason gagnrýnir skýrslu Hagfræðistofnunar um hvalveiði í aðsendri grein.

Auglýsing

Nýverið kom fram skýrsla frá­ Hag­fræði­stofn­un Há­skóla Íslands varð­andi hval­veið­ar. Í henni var því m.a. haldið fram að ef við Íslend­ingar gætum orðið þeirrar gæfu aðnjót­andi að minnka hvala­stofna hér við land um s­irka­bát 40%, þá gætum við hinir sömu lukku­legu landar mögu­lega átt von á tug­millj­arða hagn­aði í útflutn­ings­tekj­um. Fullt af seðl­um. Þetta er ekki grín. Hag­fræði­stofn­un Há­skóla Íslands lagði þetta til. 

Hag­fræði­stofn­un Há­skóla Ísland hefur vafa­lítið sér til máls­bóta að styðj­ast við svo­kall­aðar „rann­sókn­ir“ Haf­rann­sókn­ar­stofn­unar Íslands. Einkum þær sem varða hjá­kát­lega ein­falda for­múlu Haf­rann­sókn­ar­stofn­unar Íslands hér á árum áður, sem sner­ist um svo­nefnt „fjöl­stofna­lík­an“. Þessu var hampað af Gísla Vík­ings­syni og yfir­manni hans sem frá­bæru reikni­lík­ani um það hvernig setja mætti í einn hóp, svona þrjár hvala­teg­und­ir, rækju og loðnu og láta síðan rosa­lega flott algrím reikna út hvort að í þessu gæti ekki mögu­lega falist ávinn­ingur fyrir land­ann. Með því að drepa hvali.

Þetta „hermi­lík­an“ er inn­an­tómur hald­laus þvætt­ingur og það er ekk­ert að marka það. Enda hefur því hefur marg­sinnis verið hafnað af fræða­sam­fé­lag­inu sem vit­leysu. Það getur hver sæmi­lega viti bor­inn líf­fræð­ingur sagt sér. Hann þarf ekki einu sinni að vera sjáv­ar­líf­fræð­ing­ur. Það er meira að segja ein­fald­lega ekki hægt að halda því fram, að það að útrýma öllum hvala­stofnum hér við land leiði til „auk­inna útflutn­ings­tekna“ Íslend­inga. Það er ekki til ein ein­asta „vís­inda­leg“ skýr­ing á slíkri nið­ur­stöðu. Hvað þá að það felist mögu­legur ávinn­ingur í því að „fækka hvala­stofnum um 40%“.

Auglýsing

Sjálfur Gísli Vík­ings­son, sá hinn sami sem lætur taka af sér por­trett – mynd þar sem hann glottu­leitur heldur um skut­ul, gæti ekki komið fram með­ hald­bær rök fyrir við­líka bulli. Þetta veit hann. En Haf­rann­sókn­ar­stofnun Íslands hefur haldið úti þessum hug­myndum um ára­tuga skeið með þeim árangri að sum­ir skipp­er­ar eru þess ævin­lega albúnir að væla kjökrandi í blöðin ef að hvalir tor­velda veiðar þeirra. Og furðu­lega margir Íslend­ingar taka hjart­an­lega undir þennan söng. Drepum hvali og græð­u­m! 

Nú ber svo við að öllu ein­fald­ari skýr­ingar eru á þessu hátta­lagi hunds um nótt. Hag­fræði­stofn­un Há­skóla Ísland fékk sum­sé greiddar sex millj­ónir í sinn hlut til þess að gera okkur Íslend­ingum grein fyrir því að okkur væri nær að drepa þús­undir hvala til þess að vera í betri mál­um. Það var og. Þessi sama Hag­fræði­stofn­un Há­skóla Ísland leggur samt ekki neitt mat á mögu­legar útflutn­ings­tekjur okkar af þessum tug­þús­undum tonna af hval­kjöti. Samt eru dæmin nær­tæk.

Krist­ján ­Lofts­son hefur verið að baslast við að senda ein­hver tonn af hval­kjöti sínu til Jap­ans yfir hálfan hnött­inn, þar sem engir aðrir en fátækir öld­ungar kaupa þvest­ið. Nið­ur­greitt af yfir­völd­um. Og nú legg­ur Hag­fræði­stofn­un Há­skóla Íslands til að við Íslend­ingar stöndum fyrir við­ur­styggi­legu blóð­baði þar sem tug­þús­undum hvala verður slátrað í nafni „auk­inna útflutn­ings­tekna.“

Að þessu sögðu þykir mér til­hlýði­legt að spyrja Haf­rann­sókn­ar­stofnun Íslands að því hversu margar millj­ónir silf­ur­pen­inga sú stofnun hefur fengið í sinn hlut við það und­ir­byggja svona skrípa­læti.

Indversk geimflaug á leið til tunglsins
Hið fjögurra tonna geimfar hefur upp á alla nýjustu tækni að bjóða, til að mynda lendingarbúnað, könnunarfar fyrir tunglið, auk rannsóknartækis sem mun fara um sporbraut tunglsins.
Kjarninn 22. júlí 2019
Þingmennirnir sex á Klaustur bar
Siðanefnd Alþingis hefur sent álit sitt um Klausturmálið til forsætisnefndar
Siðanefnd Alþingis hefur klárað álit sitt um Klausturmálið svokallaða og sent forsætisnefnd. Þeir sex þingmenn sem náðust á upptöku hafa fengið álitið til umfjöllunar og hafa frest fram í lok þessarar viku til að skila andsvörum.
Kjarninn 22. júlí 2019
Halldór Auðar Svansson
„Hinn svokallaði flati strúktúr verður að byggjast á einhvers konar strúktúr“
Fyrrverandi borgarfulltrúi Pírata segir að tilgangur með strúktúr innan flokks eigi meðal annars að vera sá að gefa fólki lágmarksvinnufrið. Annars vinni þeir frekustu hverju sinni og frekju sé mætt með enn meiri frekju þar til allt sýður upp úr.
Kjarninn 22. júlí 2019
Andri Snær Magnason
Minnast fyrsta jökulsins sem hvarf vegna loftslagsbreytinga
Andri Snær Magnason, ásamt hópi vísindamanna, mun afhjúpa minningarskjöld um Okjökul í ágúst. Skjöldurinn er hugsaður sem áminning og ákall um aðgerðir gegn loftslagsbreytingum en Okjökull var afskráður sem jökull árið 2014.
Kjarninn 22. júlí 2019
Hægrisinnaðir franskir þingmenn vilja sniðganga Gretu Thunberg
Heimsókn Gretu Thunberg í franska þingið hefur vakið deilur á meðal þingmanna þar í landi. Hægrisinnaðir þingmenn vilja að ávarp hennar verði sniðgengið.
Kjarninn 22. júlí 2019
Tæpar fjórar milljónir söfnuðust í Málfrelsissjóðinn
Forsvarskonur Málfrelsissjóðsins segjast vera í skýjunum með árangurinn en söfnuninni lauk í gær.
Kjarninn 22. júlí 2019
Aldrei fundist eins margar blautþurrkur við strendur landsins
Samkvæmt talningu Umhverfisstofnunar hefur fjöldi svokallaðra blautklúta aukist frá talningu síðustu ára.
Kjarninn 22. júlí 2019
Sjómannasamband Íslands mótmælir harðlega breytingum á lögum um áhafnir skipa
Sambandið hefur sent inn umsögn um breytingar á lögum um áhafnir íslenskra fiskiskipa, varðskipa, skemmtibáta og annarra skipa. Það telur að mönnun fiskiskipa og annarra skipa eigi alltaf að taka mið af öryggi skips og áhafnar.
Kjarninn 22. júlí 2019
Meira úr sama flokkiAðsendar greinar