Plastmengun = Kulnun!!!

Vilmundur Sigurðsson varar við meintri mengun frá svefnvörum.

Auglýsing
Hver hefði trúað því, að á Íslandi 21. ald­ar­inn­ar, upp­lýs­inga­öld, ríkti því­lík þöggun um þá stað­reynd að þús­und­ir, og jafn­vel tug­þús­undir lands­manna séu orðnir veikir af eit­ur­efnum í svefn­vöru! 

Hver hefði trúað því, að Land­læknir þori ekki að bregð­ast við af ótta við vís­inda­sam­fé­lagið og jafn­vel pen­inga­öfl! 

Hver hefði trúað því, að Umhverf­is­stofnun hafi haft þetta mál á sínu borði í meira en ár og ekki hreyft litla fingur til að rann­saka skað­leg efni í svefn­vöru, þrátt fyrir þús­undir til­fella! 

Hver hefði trúað því, að heil­brigð­is- og vel­ferð­ar­ráð­herra sé upp­lýstur og geri ekki neitt! 

Auglýsing

Hver hefði trúað því, að umhverf­is- og auð­linda­ráð­herra sé upp­lýstur og geri ekki neitt! 

Hver hefði trúað því, að RÚV sem er okkar 4. vald og okkar vett­vangur til að upp­lýsa fólk og þrýsta á t.d. eft­ir­lits­að­ila varð­andi alvar­legt heil­brigð­is­vanda­mál, vilji ekki einu sinni fá mig á fund um þetta mál. 

Á meðan þús­undir og tug­þús­undir eru veikir og jafn­vel þjást, þá horfa þessir aðilar á aðgerð­ar­laus­ir! Lobbý­ism­inn hefur aldrei komið jafn skýrt fram á Ísland­i. 

Í þessum töl­uðu orð­um, þá er Umhverf­is­stofnun Dan­merkur ásamt Umhverf­is­stofnun Finn­lands að vinna hörðum höndum að því að rann­saka eit­ur­efni í svefn­vöru, eftir að hafa upp­götvað sam­bæri­leg eit­ur­efni í barna­leik­föngum og bannað þau. 

12 teg­undir af litlum mjúkum kreisti­leik­föng­um, sem gerð eru úr mjúk­svampi, svip­uðum minn­is­svampi voru rann­sökuð á þar til gerðri rann­sókn­ar­stofu og nið­ur­staðan er afger­and­i. 

Börn eiga alls ekki að með­höndla þessi leik­föng, ekki sofa með þau og bara alls ekki hafa þau inni í sínu her­bergi, segir í áliti Umhverf­is­stofn­unar Dan­merk­ur. 

Þau inni­halda stór­hættu­leg útguf­un­ar­efni, sem geta valdið krabba­meini, hamlað þroska ofl. 

Sú svefn­vara sem ég er að tala um hér, inni­heldur svipuð efni, í meira magni, allt að 61 teg­und. 

Börn sofa á svona dýn­um, með svona kodda. Það er í raun miklu hættu­legra en nálægðin við leik­föng­in. 

Það er skandall að eft­ir­lits­að­ilar á Íslandi skuli ekki skoða það hvers vegna þús­undir lands­manna hafa veikst nú þeg­ar! 

Lækna­sam­fé­lagið á Íslandi hefur séð merki um þennan vanda síð­ustu 20 árin en ekki aðhafst neitt, svo ég geti séð. Hvers vegna? Land­lækn­is­emb­ættið hefur frekar viljað vísa mér í burtu en að taka á þessu máli. 

Ég hef margoft reynt að vekja athygli þess og ann­ara ofan­tal­inna aðila. 

Sefur þú á plast­dýn­u? 

Lík­lega. 

Á meðan að við beinum sjónum okkar að plast­mengun og stórum skað­valdi þar, plast­pokum og plast­mengun í hafi, þá erum við lang­flest ómeð­vituð um að mesta plast­meng­unin sem við verðum fyrir á heim­ili okk­ar, er frá dýnum og kodd­um. 

Polyu­rit­han er plast­af­urð sem mönnum datt í hug að blanda nokkrum kemískum efnum í og úr varð svamp­ur. 

Svampur hefur svo verið not­aður í dýn­ur. Þannig að svamp­dýnur eru í raun gerðar úr plasti / olíu. 

Á 7. ára­tugnum samdi NASA við fyr­ir­tæki sem nú heitir Temp­ur, um að þróa þrýsti­jöfn­unar svamp­dýnu fyrir geim­fara til að nota í geimskot­i. 

Þetta þrýsti­jöfn­unar efni var þá, hugsað til að létta álagið á lík­amann. 

Þarna myndu geim­farar klæð­ast geim­bún­ingum og liggja á þess­ari sér­stöku dýnu, án beinnar snert­ingar við hana. 

Með því að blanda allt að 61 kemísku efni í svamp­inn, þá náðu menn að búa til þrýsti­jöfn­unar svamp­dýnu, og til varð Memor­yFoam, minn­is­svamp­ur. 

Fljót­lega var fyr­ir­tækið selt til Sví­þjóðar og varan þróuð áfram fyrir neyt­enda­mark­að. 

Minn­is­svampur er í dag not­aður að miklu eða litlu leyti í flestar dýnur og kodda sem seldar eru á Ísland­i. 

Fram­leiðslu­kostn­aður og flutn­ings­kostn­aður er svo lít­ill, að hægt er að leggja hund­ruð pró­senta ofan á vör­una. 

Sölu­að­ilar aug­lýsa þetta sem heilsu­vöru, þó að ekk­ert sé vís­inda­lega sannað um að þetta bæti heilsu. 

Þessi mikla álagn­ing gerir það að verk­um, að mikið svig­rúm mynd­ast til að aug­lýsa mikið og vera með reglu­legar svo­kall­aðar útsöl­ur. Lík­lega aug­lýsa þessir sölu­að­ilar fyrir 1 millj­arð á ári sam­tals. 

Fjöl­miðlar eru orðnir háðir þessum sölu­að­ilum í sínum rekstri. 

RÚV ætti þar að vera und­an­skil­ið, en sú stað­reynd að sú stofnun er enn á aug­lýs­inga­mark­aði setur hana í sömu stöðu og aðra fjöl­miðla. 

Þetta er fárán­leg staða fyrir okkur neyt­endur að vera í, þegar að upp koma mjög við­kvæm mál eins og þetta. 

Staða RÚV er gíf­ur­lega skökk til að stunda gagn­rýna umfjöll­un, til hags­bóta fyrir pen­inga­öfl­in. 

Er minn­is­svampur skað­leg­ur? 

Já segi ég og rann­sóknir benda í þá átt!!! 

Kemísku efnin í minn­is­svampi eru svokölluð líf­ræn rok­gjörn efna­sam­bönd. 

Það þýð­ir, að við 20-37 gráðu hita þá gufa þau út úr minn­is­svamp­in­um. 

Það getur mynd­ast kemísk lykt, en þessi efni eru oft­ast lykt­ar­laus. Þessi útgufun heldur áfram allan líf­tíma dýnu og kodda sem eru gerð að öllu leyti eða að að hluta til úr minn­is­svamp­i. 

Þetta virkar svipað og það að verða fyrir útgufun af nýmál­uðu her­bergi, nota sterk hreinsi­efni, reykja 2 - 4 pakka af sígar­ettum á dag eða vera í mik­illi flug­elda­mengun á gamlárs­kvöld. 

Þetta er loft­meng­un, og hún kemur úr svefn­vör­unni okkar allan sól­ar­hring­inn, alltaf!!! 

Fram­leið­endur segja í ein­hverjum til­fell­um, að vara sé vott­uð. 

Við neyt­endur vitum í raun ekki hvað það þýð­ir, þar sem að Umhverf­is­stofnun hefur ekk­ert eft­ir­lit með því hvaða efni eru í svefn­vöru. 

Fram­leið­anda er í sjálfs­vald sett hvaða upp­lýs­ingar hann gef­ur, og felur hann sig þá á bak við sam­keppn­is­sjón­ar­mið. 

Við notkun á þess­ari vöru, í 8 tíma eða meira á hverjum sól­ar­hring, þá lenda þeir sem eru næm­astir fyrir þess­ari kemísku efna­meng­un, í hræði­legum aðstæð­um.

Ég hef með sér­stökum mæli­tækj­um, mælt aukna eit­ur­efna­mengun þar sem Memory Foam dýnur og koddar eru í svefn­her­berg­i. 

Þetta snýst samt ekki um það að þeir sem eru næm­ast­ir, finni fyrir þessu, heldur virkar þetta þannig að þetta býr til næma ein­stak­linga.

Ónæm­is­kerfið laskast.

Þetta er alvar­leg eit­ur­efna­mengun sem eng­inn á að dvelja í! 

Líf­ræn rok­gjörn efna­sam­bönd eru í raun örlitlar gasagn­ir, sem fara í gegnum allt efni, nema föst efni, t.d. málm, gler og venju­legt plast. 

Þessar gasagnir fara þannig stöðugt á hverri nóttu inn í lík­ama okkar í gegnum húð og lung­u. 

Fara inn í blóð­rás­ina og veikja ónæm­is­kerfi, tauga­kerfi og horm­óna­starf­sem­i. 

Margir sem veikjast, svitna gíf­ur­lega mikið af því að sofa á minn­is­svampi og vakna jafn­vel oft á nóttu til að drekka vatn. 

Þetta eru við­brögð lík­am­ans til að reyna að hreinsa út kemísk eit­ur­efni sem hann inn­tekur stöðug­t. 

Þegar að svo mik­ill sviti fer ofan í dýnu og kodda á hverri nóttu, þá mynd­ast kjörað­stæður fyrir t.d. svart­myglu. 

Eftir ein­hvern tíma, 1 - 3 ár kannski, þá fer að molna úr svamp­inum við það að yfir­borðið nudd­ast af notk­un. 

Þá mynd­ast plast­ryk sem þyrl­ast út í loftið í her­berg­inu á hverri nóttu og fólk andar því að sér­. Þetta er í dag­legu tali kallað örplast. 

Þetta eru í raun­inni alveg stór­hættu­legar aðstæður til að sofa í!!! 

Þegar að það svo kemur að því að henda þessum svamp­dýnum og svamp­kodd­um, þá er það urð­að. 

Það veldur spjöllum á umhverfi okkar næstu tugi eða hund­ruð ára. 

Þetta plast er alveg und­an­skilið í allri plast­um­ræðu sem er í gangi í dag.

Fólk hugsar ekki um dýnur sem plast, en stað­reyndin er sú að flestar dýnur sem seldar eru í dag, inni­halda mjög meng­andi plast­. Langar þig að sofa á plasti sem er unnið úr olíu­úr­gang­i? 

Miklar líkur eru á því að þú gerir það nú þegar og að það sé að veikja starf­semi og varn­ar­kerfi lík­am­ans. minn­is­svampur er slík vara! 

Lík­legt er að allt að 200 þús­und Íslend­ingar séu með minn­is­svamp að ein­hverju leyti í sinni svefn­vöru. 

Hvernig lýsa veik­inda­til­fellin sér? 

Útguf­unar eit­ur­efni­nefnin sem dýna og koddi inni­halda við fram­leiðslu og halda áfram að gufa út allan líf­tíma vör­unn­ar, geta veikt mikið ónæm­is­kerfi, tauga­kerfi og horm­óna­starf­sem­i. 

Áhrifin eru mis­jöfn á milli ein­stak­linga, svipað og áhrif sígar­ettna geta verið mis­jöfn á milli ein­stak­linga. 

Sum þess­ara efna eru þekktir krabba­meins­vald­ar, eins og t.d. forma­lín. 

Flestir sem veikjast, fá væg­ari ein­kenni eins og t.d. nefstífl­ur, haus­verki, sviða í augum og almennan slapp­leika. Þetta eru lík­lega 30 - 60 þús­und manns á Ísland­i. 

Fólk verður fyrir vægum ein­kennum og lík­am­inn verður við­kvæm­ari fyrir t.d. þrýst­ingi. Það gera vægar bólg­ur. 

Við þessa auknu við­kvæmni þá þarf maður betri dýnu og kodda, sem þrýsti­jafna. Það er minn­is­svamp­ur. Við notkun á minn­is­svampi, þá gufa eit­ur­efnin upp í lík­amann og þá við­heldur maður bólg­um, þannig að það eina sem dugar til að maður geti sofnað almenni­lega er minn­is­svampur sem þrýsti­jafn­ar. 

Til verður víta­hring­ur.

Minn­is­svamp­ur­inn er vanda­málið og lausn­in..... drauma­sölu­vara sam­visku­lausra fram­leið­enda. 

Þarna hefur fram­leið­endum tek­ist að búa til efni sem gerir okkur háð, svona eins og háð sígar­ett­u­m. 

Þegar að maður kemst út úr þessum efn­um, þá verður lík­am­inn svo góð­ur, bara frá nátt­úr­unnar hendi, að maður getur sofið vel á ódýrri efna­lausri dýnu og vaknað ferskur og liðið vel allan dag­inn. 

Maður getur meira að segja bara sofið á gólf­inu og vaknað ágæt­ur. Þetta hef ég próf­að, og það virk­ar. 

10 - 20 þús­und manns eru lík­lega að glíma auka­lega við ofan­talið, gigt­ar­ein­kenni, lið­gigt­ar­ein­kenni, meiri bólgur í lík­ama sem valda bak­verkj­um, verkjum í herðum og lið­um, húð vanda­mál, mik­inn slapp­leika, svefn­vanda­mál ofl. ­Fólk á mjög erfitt með að jafna sig eftir aðgerð­ir, og íþrótta­fólk á meira á hættu að meið­ast og er lengur að jafna sig eftir meiðsli. 

1000 - 2000 manns tel ég að hafi veikst alvar­lega eins og ég. 

Þá koma fram að auki við ofan­talið, sveppa­sýk­ing­ar, hjart­slátt­ar­trufl­an­ir, drauga­verkir, minnis­trufl­an­ir, heila­þoka, miklar nefstíflur sem valda kæfisvefni, eyrna­vanda­mál, sár mynd­ast á sköfl­ung­um, sár mynd­ast á hnjám, húðnabbar mynd­ast í tuga­tali á efri hluta lík­ama, miklar bólgur í lík­ama sem valda miklum liða­verkj­um, miklar bólgur í höfði sem valda svaka­legu ofnæmi og haus­verkj­um, ásamt því að and­lit afmynd­ast af bólg­um. 

Bólgur mynd­ast við mjó­bak, sem þrýsta á taugar og valda miklum bak­verkj­um, staða hryggjar­súlu skekk­ist og fólk fær jafn­vel brjósklos. ­Miklar bólgur mynd­ast í vöðvum sem veldur miklum vöðva­stífleika og vanda­mál­um, sér­stak­lega í herðum og baki. 

Brjósk í t.d. hnjám og hryggjar­súlu molnar og aðgerða er þörf. 

Skyndi­legur brjósk/bein­vöxtur verður í t.d. rif­bein­um, fingrum og mænu­göng­um. 

Mik­ill hósti, bronkít­is, astmi og slím­myndun í lung­um. Lungna­bólga. 

Stöðug maga­vanda­mál. Kulda­doði í fingrum og tám. Alltaf of kalt eða of heitt. 

Mörg þess­ara ein­kenna eru alltaf, og mörg koma og fara. Þetta veldur gíf­ur­legu álagi á lík­amann. 

Hann er gerður til að þola mikið álag, en þessi efna­eitrun virkar eins og 50 kílóa lóð sem fólk þarf að rog­ast með auka­lega í líf­in­u. 

Afleið­ing­ar! 

Við þetta mikla álag, þá mynd­ast líka and­leg vanda­mál. Það að verða fyrir efna­mengun og vera alltaf þreytt/ur ruglar allt kerfið og fólk telur sig vera í miklu meira álagi en raunin er. 

Álags­mörkin fær­ast neðar og miklu fleiri enda í kuln­un. 

Allt verður miklu erf­ið­ara, og fólk skilur ekki af hverju. 

Ég tel að þessi efna­mengun í svefn­vöru, sé grunn orsök kuln­unar hjá fólki. 

Álagið er miklu meira á fólk, yfir langan tíma, þegar að lík­am­inn verður fyrir stöðugri efna­mengun í 8-10 tíma á hverjum sól­ar­hring. Við svona langvar­andi efna­meng­un, þá þróar fólk með sér efna­ó­þol. 

Á ensku er þetta nefnt Multi Chem­ical Sensiti­vity (MCS). Á íslensku heitir þetta Fjöl Efna Næmi (FEN). 

Talið er að í Ástr­alíu sé 5% fólks komið með FEN. 

Ég myndi alveg vilja giska á að á Íslandi séu 5 - 10% lands­manna með FEN. 

Sem gerir u.þ.b. 30 þús­und manns. 

Talið er að þeir sem fá FEN hafi í raun fyllt efna­kvót­ann sinn, eða efna­bik­ar­inn. 

Erfitt getur verið að tæma úr hon­um. 

Ef það flæðir upp úr dug­lega, þá verður fólk gíf­ur­lega næmt og hið minnsta efna­áreiti fer að há því mik­ið. Þá er mjög mik­il­vægt að losna út úr þeirri efna­mengun sem er orsaka­vald­ur­inn. 

Í þessu til­felli er það minn­is­svamp­ur, dýnur og kodd­ar. 

Finnar sem eru leið­andi í þessum málum í heim­in­um, gerðu rann­sókn á 2 hópum fólks sem urðu fyrir langvar­andi myglu­meng­un. 

Þar var það myglu­varn­ar­gas sem lík­ist efn­unum í minn­is­svampi, sem veikti ónæm­is­kerfi, tauga­kerfi og horm­óna­starf­sem­i. 

Nið­ur­staða þeirrar rann­sóknar var að fólkið í þessum hópum hefði þróað með sér FEN eins og fólk sem verður fyrir efna­mengun frá t.d. minn­is­svampi, þróar einnig með sér. 

Ég hef nú rann­sakað þetta heilsu­vanda­mál í bráðum eitt og hálft ár og sé að allt bendir til þess að þeir sem veikj­ast af minn­is­svampi, og fá FEN, verði þá mjög næmir fyrir myglu. 

Þetta tel ég að skýri að stórum hluta mikla aukn­ingu á kvört­unum fólks vegna myglu á vinnu­stöðum og heim­il­u­m. Það er ekki bara aukin mygla og með­vit­und sem veldur aukn­ingu myglu­til­fella, heldur er það einnig aukið næmi fólks fyrir myglu, FEN. Ég er sam­mála Kára Stef­áns­syni um að mygla er ekki eins stór áhrifa­valdur eins og fólk tel­ur, ég segi að aukið næmi sé stór orsaka­vald­ur. 

Sann­an­ir. 

Ég hef sjálf­ur, án hjálpar frá heil­brigð­is­kerf­inu farið úr því að vera alvar­lega veikur sjúk­ling­ur, yfir í það að verða heil­brigð­ur, með því einu að losa mig við meng­andi svefn­vöru. 

Rúm­lega fimm þús­und manns í Face­book hópnum „Er rúmið mitt að drepa mig!" sem ég stofn­aði, hafa fengið leið­bein­ingar frá mér um það hvernig heilsa þeirra getur batn­að. 

Ég hef per­sónu­lega í gegnum sam­töl, hjálpað 300 - 400 manns til betri heilsu. Fræðsla og það að losa sig við meng­andi svefn­vöru hefur hjálpað fólki til betri heilsu. 

Við erum að tala um þús­undir nafn­greindra ein­stak­linga sem hafa náð betri heilsu með því að losa sig við meng­andi svefn­vöru. Bara það er sönn­un!!! 

Í starfi mínu hitti ég marga í hverri viku og sé þannig mörg veik­inda­til­felli vegna minn­is­svamps. 

Ég sé það í sam­tölum við þetta fólk að það er mjög ómeð­vitað um það, hvers vegna það er með krónísk ein­kenni, og við það að tala við það og útskýra, þá opn­ast augu þess. 

Þetta er mjög falið fyrir fólki, og þess vegna er mjög mik­il­vægt að fjöl­mið­ill eins og RÚV fari að spyrja spurn­inga og þrýsti þannig á eft­ir­lits­að­ila með rann­sóknir og aðgerðir fyrir veikt fólk. 

Við erum að tala um að þús­undir séu lík­lega veikir ennþá vegna þögg­unar RÚV og eft­ir­lits­að­ila. 

Tug­þús­undir eru lík­lega með væg­ari ein­kenn­i. 

Ég hef fengið þá spurn­ingu oft frá sölu­að­ilum og frétta­fólki RÚV, hvort ég geti sannað vís­inda­lega mitt mál. 

Ef þetta fólk mein­ar, hvort ég geti dregið fram ein­hvern pró­fessor í lækna­vís­indum sem geti sýnt mæliglasa­til­raun­ir, þá er svarið nei! 

Þessi heilsu­far­aldur er á því stigi núna, að harðar vís­inda­legar sann­anir vant­ar. 

Ef þær væru til, þá stæði ég ekki í þess­ari bar­átt­u. 

Þá hefði þetta komið í fréttum og ég hefði lesið þetta þar eins og aðr­ir. 

Vís­indin nota samt líka aðrar aðferðir til sönn­un­ar, og til að byggja kenn­ing­ar. 

Þá eru t.d. rann­sak­aðir hópar yfir ákveðið tíma­bil. 

Þannig vinnur vís­inda­sam­fé­lagið lík­a. 

Ég hef beitt svip­uðum aðferð­um. Ég er með Face­book hóp sem heitir „Er rúmið mitt að drepa mig!" Hann sýnir bara með stærð sinni upp á rúm­lega fimm þús­und manns að þetta er mjög alvar­legt heil­brigð­is­vanda­mál. ­Sönn­unin er einnig hund­ruð til­fella þar sem ég hef orðið vitni að því per­sónu­lega að fólk nær heilsu með því einu að losa sig við minn­is­svamp! 

Nemar í umhverf­is­fræðum við Háskól­ann í Austin Texas hafa kom­ist að því að barna­dýnur úr minn­is­svampi gefa frá sér allt að fjórum sinnum meira magn af skað­legum efnum heldur en hefð­bundnar barna­dýn­ur.

Duke háskól­inn í Banda­ríkj­unum er með sér­staka rann­sókn í gangi þar sem skað­leg efni í hús­gögnum og svefn­vöru eru skoð­uð.

Danska Umhverf­is­stofn­unin hefur fundið skað­leg efni mjúk­svampi sem barna­leik­föng eru gerð úr og bannað þau. 

Sú stofnun hefur hafið umfangs­mikla rann­sókn á minn­is­svampi í svefn­vöru vegna sterkra grun­semda, sem m.a. er byggt á upp­götv­unum þeirra á skað­legum efnum í minn­is­svampi leik­fanga. 

Finnska Umhverf­is­stofn­unin hefur einnig hafið mikla rann­sókn á eit­ur­efnum í svefn­vöru. 

Ég sjálfur var alvar­lega veikur af þessum skað­legu efnum frá minn­is­svampi í yfir 11 ár. Þegar ég upp­götv­aði mögu­lega ástæðu fyrir 18 mán­uðum síð­an, þá gerði ég eft­ir­lits­að­ilum við­vart með form­legum hætt­i. Ég fékk mjög léleg við­brögð og fékk á til­finn­ing­una að ég væri svona eitt­hvað að trufla þessa aðila með ein­hverju sem ekki pass­aði inn í þæg­inda boxið þeirra. 

Ég neydd­ist því til að taka málin í eigin hend­ur. 

Ég hef því síð­ustu 18 mán­uði stundað rann­sóknir og tekið við­töl við fólk. 

Ég hef átt sam­töl við hund­ruð veikra ein­stak­linga sem hafa náð bata með því einu að losa sig við meng­andi svefn­vöru. Ég er að segja ykkur hér og nú að mörg okkar eru í mik­illi hættu við það að sofa í meng­andi svefn­vöru og að Land­læknir og Umhverf­is­stofnun verða að grípa til aðgerða nún­a!!! 

Við stöndum frammi fyrir því að efnafar­aldur geisar á Íslandi og með­virkni með fram­leið­endum og sölu­að­ilum meng­un­ar­valds­ins er slík að það ógnar heilsu okkar gíf­ur­lega. 

Fólki líður virki­lega illa og umræða um álagstengd vanda­mál eykst mik­ið. Fólk er mjög illa haldið í ein­hverjum til­fella. ­Sala á heilsu­tengdum vörum eykst. 

Þetta er að leggja íslenska heil­brigð­is­kerfið á hlið­ina og mun kosta okkur millj­arða árlega ef ekk­ert er að gert. Ég er að hringja við­vör­un­ar­bjöllum hér og ákalla ráða­fólk til að taka mark á þessu og bregð­ast við NÚN­A!!! 

Við getum ekki leyft svona inn­fluttu heima­til­búnu loft­meng­un­ar­vanda­máli að dafna hér í okkar þjóð­fé­lag­i!!! Við skulum ekki fljóta sof­andi að feigðar­ósi!!!

Höf­undur er raf­einda­virkja­meist­ari.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Þeim fjölgar á Íslandi sem búa við þröngan húsakost
Ef litið er á tekjufimmtunga varð mesta breytingin á milli 2016 og 2018 hjá þeim sem eru í lægsta tekjubilinu, en árið 2016 bjuggu 14,3 prósent einstaklingar á heimili við þröngbýli en 30,2 prósent árið 2018.
Kjarninn 16. desember 2019
Ólafur Valsson
Þjóðaröryggi, jarðstrengir og rafmagn á Dalvík
Kjarninn 16. desember 2019
Helgi Seljan og Steingrímur J. Sigfússon, forseti Alþingis.
Forseti Alþingis minnist Helga Seljan
Steingrímur J. Sigfússon minntist fyrrverandi þingmannsins, Helga Seljan, á þingi í dag. „Helgi var einkar vel látinn í hópi þingmanna fyrir sitt glaða skap, heiðarleika og hreinskiptni í samstarfi, svo og fyrir dugnað og alúð við þingstörfin.“
Kjarninn 16. desember 2019
Inga Sæland, formaður Flokks fólksins, er fyrsti flutningsmaður tillögu um að hækka lágmarksframfærslu almannatrygginga í 300 þúsund krónur.
Stenst ekki jafnræðisreglu að hækka lágmarksframfærslu sumra í 300 þúsund
Meirihluti velferðarnefndar segir að það myndi líklega kosta tugi milljarða króna að hækka lágmarksframfærslu almannatrygginga í 300 þúsund krónur. Það standist ekki jafnræðisreglu að taka ákveðna hópa út fyrir sviga.
Kjarninn 16. desember 2019
Ekki tímabært að fella niður ívilnun á tengiltvinnbíla
Efnahags- og viðskiptanefnd telur ekki tilefni til þess að skattaívilnunin á tengiltvinnbílum falli niður með öllu í lok árs 2020. Nefndin leggur í staðinn til að fjárhæðarmark ívilnunarinnar lækki í nokkrum áföngum.
Kjarninn 16. desember 2019
„Algeggjuð“ hugmynd um sameiningu banka
Í Vísbendingu, sem kom til áskrifenda á föstudaginn, er fjallað um þá hugmynd að sameina tvo af kerfislægt mikilvægu bönkum landsins.
Kjarninn 15. desember 2019
SMS og MMS ganga í endurnýjun lífdaga
Eftir að hafa lotið í lægra haldi fyrir nýjum samskiptaforritum á borð við Messenger og WhatsApp eru gömlu góðu SMS- og MMS-skilaboðin að eiga endurkomu. Þeim fjölgar nú eftir áralangan samdrátt.
Kjarninn 15. desember 2019
Ferðalag á mörkum ljóss og myrkurs, í átt til dögunar
Rökkursöngvar Sverris Guðjónssonar kontratenórs eru að koma út. Safnað er fyrir þeim á Karolina Fund.
Kjarninn 15. desember 2019
Meira úr sama flokkiAðsendar greinar